Tinenge Techishandisa Masimba OMudenga

Chishanu, 25 Kubvumbi 2025

*Tiri kuda kusvitsa dzidziso iyi kuvanhu vose, pasi rose.* Chipo chako chinogona kubatsira pabasa iri. Unogona kuchituma neEcoCash pa: *151*2*6*58225# Mwari vakuropafadze

Ringira, mambo unozotonga mukururama, nevatongi vanozotonga ngokururama (Isaya 32:1).

Isusu tiri Makristu. Tiri munyika muno hedu. Asi atisiri vomunyika muno. Nyika yedu ngeye mudenga. Masimba enyika iyi ndiwo etinoshandisa kutonga. Ndiyo ndaa techipangwa kuti mipinimidzo yedu igare iri pazviro zvomudenga. Tinopangwa kudaro muna VaKhorose yechitatu ndima yechipiri. Ndizvo pinimidza somunhu womudenga. Pona somunhu womudenga. Tonga uchishandisa masimba omudenga. Hurumende yaMwari ndiyo yakakupa masimba ako. Hurumende iyi ihurutu. Inopinda hurumende dzeshe dzomunyika muno.

Izvi vzinoda kutodzana nemauto. Mauto aya anokona kunge echishandira munyika yevamweni. Asi anenge achishandira hurumende yenyika yawo. Anenge echishandisa masimba enyika yawo. Hurumende yenyika yawo ndiyo inenge ichiapanga zvokuita.

Izvi ndizvo zvetakaitawo isusu. Tiri vaemereri vaKristu. Tiri vagari venyika yomudenga. Masimba enyika iyi ndiwo etinoshandisa. Mipango yenyika iyi ndiyo yetinoshandisawo. Asi tiri munyika muno. Kuronza kuti denga rapinda munyika muno. Nyika yaa kuona kururama kwaMwari petiri. Yaa kuona umambo hwaMwari petiri. 2 vaKhorinte 5 ndima 20 inoti, Ndizvo tinoita vaemeri vaKristu, zvechiita ingatei Mwari wainyengerera vanhu kubudikidza tisu. Tinomupota ngendaa yaKristu, itai vanoiyaniswa munaMwari.

Pona sechibarirwe chomudenga. Uri munyika muno hako. Asi wakaemerera nyika yaMwari pano. Kururama kwavo kunosisira kuonekwa peshe pouri. Umambo hwaMwari hunosisira kuonekwa peshe pouri. VaFiripi 3 ndima 20 inoti, Asi nyika yedu iri mudenga,. . Ndizvo tiri zvibarirwana zvomudenga. Asi tiri munyika muno. Kuronza kuti nyika ino inoonera Mwari petiri. Tisu tinogumisa hurumende yaMwari kudzinyika dzepashi pano.

Saka isusu tiri vanhu vedzinza remudenga. Uyezve tinoshandira hurumende yaMwari. Ndizvo tikasunga chiro munyika muno, chirocho chinobva chatosungwawo mudenga. Tikasungunura chiro munyika muno, chirocho chinobva chatosungunurwawo mudenga. Izvi ndizvo zvetinoziiswa muna Mateu 18 ndima 18. Mwari ngavakudzwe.

Kumbira Weiti

Baba vendinoda. Ndinomubonga. Mwakandiita mambo. Mwakandiita mupristi wenyu. Ndizvo ndinoshandisa masimba eVamwari kutonga. Ndinopona somunhu womudenga. Ndechiemerera hurumende yenyu munyika muno. Ndinounza kururama kwenyu munyika muno. Ndinounza umambo hwenyu munyika muno. Simba renyu rinoonekwa pakupona kwangu. Muzina raJesu. Ameni.

Dzimweni Ndima Dzinotsinhira Kufunda KwaNyamashi:

VaEfesu 2:6
Chakapangidzirwa 1:6
2 VaKhorinte 5:20
VaFiripi 3:20 (NIV)

(Chidzidzo ichi chatorwa kubva mu:
Rhapsody of Realities (Ndau)
Rinonyorwa na:
Mufudzi Chris Oyakhilome DSc DD.
Munoriwana pa: https://rhapsodylanguages.tniglobal.org/regions/
Zvimwe zvidzidzo munozviwana pa: https://bit.ly/Shona_Church