KuGonda NdiMwari. NeTariro

Muvhuro, 19 Chivabvu 2025

*Tiri kuda kusvitsa dzidziso iyi kuvanhu vose, pasi rose.* Chipo chako chinogona kubatsira pabasa iri. Unogona kuchituma neEcoCash pa: *151*2*6*58225# Mwari vakuropafadze

Zvino kugonda kutenda gwinyiso reizvo zvinogarirwa, gwinyiso rezviro zvisikaoneki (VaHebheru 11 ndima 1).

Isusu tingaa nezviro zvetinotarisira. Tinosisira kubva tagonda ndiMwari. Techigonda ndiMwari kuti tiwane zviro izvi. Tinobva tazviwana. Techibva tatozvibata munyara dzedu. Zviro zvetinotarisira ngezviya zvisati zvaapo. Asi ndizvo zvinotituma kugonda ndiMwari. Techigonda ndivo kuti tiwane zviro zvakhona. Kuronza kuti tariro yakakosha. Ndiyo inotituma kugonda ndiMwari.

Ndizvo iwewe unosisira kua nezvounotarisira. Zvisirizvo apana chinozokutuma kugonda ndiMwari. Bhaibheri rine zviro zverinotiziisa ngezvazvo. Zviro izvi zvitatu. Rinoti zviro izvi zvinogara nokusikaperi. Chimweni chakhona kugonda ndiMwari. Chimweni itariro. Chimweni kudakarira vanhu. Kudakarira vanhu uku ndikwo kwakanyanya kukosha pazvitatu izvi. Asi zveshe hazvo zvinodiwa. Ndizvo zvinotisiyanisa nezvimweni zvisikwa zveshe. Ndizvo zvinotipupurira kuti tiri Vamwari.

Tariro ndiyo inotipa shungu dzokupona. Ndiyo inotitumawo kugonda ndiMwari. Ndizvo tariro inotionesa zviro. Isusu tobva tagonda ndiMwari. Techitsvaka kuti tiwane zviro zvakhona. Tobva tatozowanawo zviro zviya. Izvi zvinoda kutodzana nezvakaonekwa ngevamweni vadzidzi. Vadzidzi ava vairingira tutsanga tudoodori. Tusikaonekwi ngemadziso. Vadzidzi ava vaipota vechifuratira. Tutsanga twuya twobva twozwikwa kuhamba hamba. Asi tusikaonekwi. Vadzidzi vaya vaibva varingira tutsanga twuya. Vowana twakaema. Twaa kuonekwa.

Izvi ndizvo zvinoita kugonda ndiMwari. Tinozvionawo patariro. Tingaa tiri kutarisira zviro. Tisikazi kuringira pazviro izvi. Zviro zvakhona zvinenge zvisiripo. Asi petinoringira pezviri techigonda ndiMwari kuti tizviwane, zviro zviya zvinobva zvaapo. Zvechibva zvabatika.

Tariro inotionesa zvetinokona kuwana. Kugonda ndiMwari ndikwo kunotiwanisa zviro zvakhona. Ndizvo tinosisira kunge tine zviro zvetinotarisira. Ndikwo kuti tiite shungu dzokugonda ndiMwari.

Kumbira Weiti
Baba vendinoda. Ndinomubonga. Mwakatipa zviro zvitatu izvi. Zvinoti kugonda ndiMwari. Tariro. Nokudakarira vanhu. Zviro izvi ndizvo zvetinoshandisa kusika zvetinoda. Izwi renyu rine zverinondionesa. Ndinoisa mwoyo wangu pazviro izvi. Ndechitarisira zviro izvi. Simba rangu rekugonda ndiMwari riri kushanda. Rinondiwanisa zveshe zvendinotarisira. Tariro yangu yakagwinya. Simba rangu rekugonda ndiMwari riri kushanda. Riri kundiwanisa zveshe zvendakagondiswa. Muzina raJesu. Ameni.

Dzimweni Ndima Dzinotsinhira Kufunda KwaNyamashi:
Varoma 8 ndima 24 kusvika 25
Mariko 9 ndima 23
2 Vakorinde 4 ndima 17 kusvika 18

(Chidzidzo ichi chatorwa kubva mu:
Rhapsody of Realities (Ndau)
Rinonyorwa na:
Mufundisi Chris Oyakhilome DSc DD.
Munoriwana pa: https://rhapsodylanguages.tniglobal.org/regions/
Zvimwe zvidzidzo munozviwana pa: https://bit.ly/Shona_Church