Hamba NgeNjira Yevakakurongera

China, 3 Chikunguru 2025

*Tiri kuda kugumisa zvinofundiswa izvi kuvanhu veshe, pashi reshe.* Chipo chako chinokona kudetsera pamushando uyu. Unokona kuchitumira ngeEcoCash pa:: *151*2*6*58225# Mwari vakufumise


Ngokuti isusu tiri mushando wake, takasikirwa munaKristu Jesu kuti tiite mishando yakanaka, yaakaemesa karetu Mwari kuti tihambe mukati mwayo (VaEfesu 2 ndima 10).

VaRoma yechisere ndima yemakumi mairi nepfumbamwe inoti, Nokuti vaakagara aziva. Ndivo vaakagara arongera. . Mwari vane zvevakarongera kupona kwako. Vane zviro zvevakaronga kuti ushongane nazvo. Zviro zveshe izvi zviripo kukudetsera kurarama kupona kwevakakurongera.

Chimbopinimidza ngepadera paJohani Mubhabhatidzi. Ndiye wakaziisa VaIsuraeri kuti Kristu waiya ari uri. Uyu ndiwo mushando wega waaiya akaurira munyika. Asi Mwari avazi kungotanga ngokuonesa Johani uyu Kristu wakhona. Vakangomuziisa zvaizomuziisa kuti Kristu wakhona ngouri. Ndizvo Johani waiya akasisira kusanoita zvaaiya apangwa ndiMwari. Wakaemera zvaizomuziisa kuti Kristu wakhona ngouri. Iye waiya azwi, Mweya Wakachena vachadzaka pane umweni munhu. Vozoramba vari pamunhu uyu. Munhu uwowo ndiye uchanyika vanhu muna Mweya Wakachena. Ndiye Kristu wakhona.

Jesu vakazouya kuna Johani uyu. Vakaema pamberi pake. Johani wakabva avaziya. Izvi ndizvo zvetinoziiswa muna Johani yokutanga ndima yemakumi mairi nepfumbamwe kuguma yemakumi matatu nerongomuna. Mwari ndivo vaiya varonga kuti Johani ashongane naKristu ngenjirayo. Pinimidzawo ngepadera paSamueri. Samueri wakaenda kumhatso kwaJese. Waiya echisisira koogadza mambo ikweyo. Tinoerenga nhoroondo yakhona muna 1 Samueri yegumi nechitanhatu ndima yokutanga kuguma yegumi nechitatu. Jese wakabudisa vakororo vake. Umweni waiya ari Eriabhu. Samueri wakaona Eriabhu uyu. Wakabva atopinimidza kuti ndiye waiya echisisira kugadzwa umambo. Asi Mwari vakamurambidza kumugadza. Vakati, Uyu andiyepi. Ndakamuramba uyu. Jese wakabva aunza vamweni vana vake veshe. Asi Mwari vakarambidza Samueri kugadza kana umwe wavo.

Mwari vaikona kunge vakangoronzera Samueri wevaida wakhona. Asi avazi kudaro. Vakamurekera echiongorora umwe ngaumwe wevakororo ava. Samueri wakazobvunza Jese. Wakati, Ndivo vana vako veshe ere ava? Jese wakabva atenda kuti vaiya vasirivo veshe. Umweni wavo waiya asiripopi. Mwana uyu waiya ari Dhavhidha. Iye waiya ari kuusha makwai. Dhavhidha uyu wakazounzwa. Mambo vakabva vaereketa kuna Samueri. Tinoerenga mazwi avo muna 1 Samueri yegumi nechitanhatu ndima yegumi nembiri. Inoti, Miruka, umudzodze; ngokuti ndiye uyu. Mwari vaiya vakaronga kuti Dhavhidha ave ena mambo. Asi vane njira yevaida kuti apuwe umambo nayo. Izvi ndizvo zvetinoona munhoroondo iyi.

Mwari vane zvevakarongerawo kupona kwako. Zvevakaronga izvi zvakanaka. Vanoda kuti urarame kupona kweVamwari. Vanotozia pouri nyamashi. Saka ausisiri hako kuneseka. Uchitama zvoungaita kuti urarame kupona kwevakakurongera. Vona vakaronga zveshe zvounosisira kushongana nazvo. Vakaronga njira younosisira kuhamba ndiyo.

Iwewe ingohamba ngenjira yevakakurongera zvega. Izvi ndizvo zvetinoona muna VaEfesu yechipiri ndima yegumi. Inoti, Ngokuti isusu tiri mushando wake, takasikirwa munaKristu Jesu kuti tiite mishando yakanaka, yaakaemesa karetu Mwari kuti tihambe mukati mwayo.

Kumbira Weiti

Baba vendinoda. Ndinogonda ndimwi ngomwoyo weshe. Ndechizia kuti mwakaronga kuti ndirarame kupona kweVamwari. Kugondeka kwenyu kunoonekwa mukupona kwangu. Ndinotenda kuti muite zvinokudakadzai nokupona kwangu. Ndinoita zveshe zvemwakaronga kuti ndiite. Muzina raJesu. Ameni.

Dzimweni Ndima Dzinotsinhira Kufunda KwaNyamashi:
Jeremiya 29 ndima 11
Mapisarema 139 ndima 16
Varoma 8 ndima 28
Jeremiya 1 ndima 4 kusvika 5

(Zvafundiswa izvi zvatorwa kubva mu:

Rhapsody of Realities (Ndau)
Rinonyorwa ndi:
Mufundisi Chris Oyakhilome DSc DD.
Munoriona pa: https://rhapsodylanguages.tniglobal.org/regions/
Zvimweni zvinofundiswa munozviona pa: https://bit.ly/Shona_Church