Uri Munyisi. Ausisiri Kushungurudzwa

China, 1 Nyamavhuvhu 2024

*Tiri kuda kugumisa zvinofundiswa izvi kuvanhu veshe, pashi reshe.* Chipo chako kudetsera pamushando uyu. Unokona kuchituma neEcoCash pa: *151*2*6*58225# Mwari vakufumisei

Asi ngaabongwe Mwari, unotipa kunyisa kubudikidza ndiye Mambo wesu Jesu Kristu (1 VaKhorinte 15 ndima 57).

Mwari ndivo vakakuunza munyika muno. Avatarisiri kuti ushungurudzwe uri munyika muno. Uchishungurudzwa ngenhamo yomunyika muno. Nokuti nevanhu. Nokuti nehurumende. Haiwa, andizvopi. Dhorobha rako arisisiri kukushungurudza. Nyika yako aisisiri kukutambudza. Iwewe wakanyisa karetu. Wakatonyisa nyika ino.

Bhaibheri rine mazwi erinotipa. Tinoaerenga muna 1 Johani 5 ndima 4. Inoti, Ngokuti kunyazwi ngechiri chakabarwa ndiMwari chinonyisa nyika . Hareruya. 1 Johani 4 ndima 4 inotiwo, Vana vadoko, imwimwi munobva kunaMwari, mwakavanyisa; ngokuti uwo uri mukati mwenyu wakakura kupinda uwo uri munyika.

Mwari avachisiri kutsvaka kukupa chimweni chiro. Avachisiri kutsvaka kukuita chimweni chiro. Avachisiri kutsvaka kukusunhura mumatambudziko. Vona vakatokuitira zviro zveshe izvi. Pangaita chiro chounoda nyamashi. Mwari vakatokupa chiro ichi. Izvi ndizvo zvounosisira kuzwisisa.

Vakawanda vanongozviona sevasina simba. Vanongozviona vari vatamburi. Izvozvo azvizi kunaka. Vanhu ava vanogara veitsvaka kuti Mwari vavarwire. Vechivasunhura pamatambudziko. Ndizvo vanogara veingochema kunaMwari. Veichemera kusunhurwa. Veichemera kumirudzirwa. Veichemera kufumiswa. Asi Mwari vakatovaitira zviro zveshe izvi.

VaEfesu 1 ndima 3 inoti, Ngaakudzwe Mwari naBaba aMambo wedu Jesu Kristu, uwo wakatifumisa munaKristu ngezvifumiso zveshe zvomweya mundau dzomudenga. 2 Petro 1 ndima 3 inogwinyisawo izvi. Inoti Mwari vakatotipa zviro zveshe. Zviro izvi zvingaa zvinodikanwa munyika muno. Nokuti zvinodikanwa munyika yomweya. Vakashandisa masimba avo kutipa zviro izvi. Phauri une mazwi aanoronzawo muna 1 VaKhorinte 3 ndima 21. Mweya Wakachena ndivo vakamufemera mazwi akhona. Anoti, Ndizvo munhu asaganza ngevanhu. Ngokuti zviro zveshe ngezvenyu.

Ndizvo waa kusisira kumuka. Uashire Izwi raMwari sezveriri. Urishandise pakupona kwako. Mwari avasiri kuronga kukufumisa. Vakatokufumisa karetu. Avasiri kuronga kukuporesa. Vona vakatokuita munhu wengazi yavo. Kuronza kuti azvichaiti kuti urware. Waa kugara uri mutano. Zvirwere azvichakoni kukubata. Auchakoni kufa. Izvi zvinopinda kuporeswa.

Asi iwewe ungasazia zviro zveshe izvi. Unozogara uchishungurudzwa. Izvi ndizvo zvetinoziiswa ndiMwari. Tinoerenga mazwi avo aya muna Hosea 4 ndima 6. Inoti, Vanhu vangu vanoparadzwa ngendaa yokutama kuzia. Ndizvo pinimidza somunhu wedzinza raKristu. Iwewe waa munaKristu. Ndizvo waa kunyisa zviro zvomunyika muno. Chiereketa somunhu anozia izvi. Pona somunhu anozia izvi.

Kumbira Weiti
Ini ndaa munaKristu. Ndizvo ndaa kunyisa zviro zvomunyika muno. Andishungurudzwi ngezviro zvomunyika muno. Mweya Wakachena vane simba revakandipa. Ndizvo ndinonyisa zvipingaidzo zveshe. Ndine zveshe zvendingada. Ndizvo ndinogara ndeinyisa. Muzina raJesu. Ameni.

Dzimweni Ndima Dzinotsinhira Kufunda KwaNyamashi:
Varoma 8 ndima 37
2 Vakorinde 2 ndima 14

(Chidzidzo ichi chatorwa kubva mu:
Rhapsody of Realities (Ndau)
Rinonyorwa na:
Mufundisi Chris Oyakhilome DSc DD.
Munoriwana pa: https://rhapsodylanguages.tniglobal.org/regions/
Zvimwe zvidzidzo munozviwana pa: https://bit.ly/Shona_Church