Mweya Wako Ngautungamirire Pakurarama Kwako

Chipiri, 4 Mbudzi 2025

*Tiri kuda kusvitsa dzidziso iyi kuvanhu vose, pasi rose.* Chipo chako chinogona kubatsira pabasa iri. Unogona kuchituma neEcoCash pa: *151*2*6*58225# Mwari vakuropafadze

Ndiko kusaka tisingaperi simba. Kana kuneta. Kunyangwe miviri yedu ichiparara hayo. Iyo miviri yedu yenyama iyi. Inova munhu wedu wekunze. Asi munhu wemukati anovandudzwa. Anovandudzwa zuva rimwe nerimwe (2 Vakorinde 4 ndima 16).

Pauro ndiye akanyora ndima yatavhura nayo iyi. Ane vanhu vaakanga ari kutaura nezvavo. Vanhu ava vaviri. Mumwe wacho munhu wekunze. Mumwe wacho munhu wemukati. Iye anoti, Kunyangwe miviri yedu ichiparara hayo. Iyo miviri yedu yenyama iyi. Inova munhu wedu wekunze. Asi munhu wemukati anovandudzwa. Anovandudzwa zuva rimwe nerimwe. Apa akanga ari kutaura nezvenjodzi dzavaisangana nadzo. Vaisangana nenjodzi idzi pakushumira kwavo. Ivo vaipota vachirohwa. Vachikuvadzwa. Zvinhu zvichipota zvichimbovawomera. Asi ivo vaisanetseka. Nokuti munhu wavo wemukati aigara achisimbiswa. Achisimbiswa kudai munjodzi dzose idzi.

Asi Pauro anoti njodzi idzi dzakanga dzakareruka. Izvi ndizvo zvatinovona mundima yegumi nenomwe. Apa akanga asingarevi kuti njodzi idzi dzaisarwadza. Kwete. Asi njodzi dzacho dzakanga dziri kumuwanisa maropafadzo. Maropafadzo acho akanga ari makuru. Saka iye aisazotarisa kurwadza kwenjodzi dzacho. Ndima iyi inoti, Nokuti kutambudzika kwedu uku. Kwakareruka. Kwenguva doko. Kunoita kuti Humwari hwedu huwedzere kubuda pachena. Apa Pauro akanga asiri kutarisa njodzi idzi semunhu wenyika ino. Akanga ari kudzitarisa nemeso emweya.

Pauro anozotitaridza kuti sei aivona njodzi idzi nenzira iyi. Tinovona izvi mundima yegumi nesere yacho. Inoti, Ndokunge tikasatarisa pazvinhu zvinovonekwa nemeso enyama. Asi pane zvisingavonekwi nemeso enyama. Mashoko aya akadzama zvikuru. Pane zvinhu zvisingavonekwi nemeso enyama. Iwe unogona kuvona zvinhu izvi. Asi unoshandisa meso emweya wako kuzvivona. Pauro anozotiudza kuti sei izvozvo zvakakosha. Tinozvivona mundima yegumi nesere iyi zvekare. Inoti, Nokuti zvinovonekwa nemeso zvinopfuura. Asi zvisingavonekwi izvi ndizvo zvinogara nekusingaperi. Kune zvinhu zviri mumweya. Zvinhu izvi ndizvo zviripo pachokwadi. Ndizvo zvinogara nekusingaperi. Ndizvo zvaungatovimba nazvo.

Pita anotauravo zvimwe chete izvi. Tinozvivona mutsamba yake yekutanga chitsauko chetatu ndima yechina. Apa anotaura pamusoro pemunhu akavanzwa mumoyo. Munhu uyu ndiye uya wemukati. Pita anotsanangura munhu uyu. Anoti, moyo ... Unova ndiye munhu wemukati. Asingafi. Mweya wake ngauve wakazvininipisa. Wakadzikama. Zvinova ndizvo zvinonyanya kukosheswa naMwari. Munhu uyu akavanzwa hake. Asi Mwari vanoda kuti ave iye anovonekwa nevanhu.

Mweya wako wakasikwa patsva. Mweya uyu ndiwo unofanira kuvonekwa. Ndiwo unofanira kutungamirira pakurarama kwako. Runako rwawo ndirwo runofanira kuvonekwa pahupenyu hwako. Simba rawo ndiro rinofanira kuvonekwa pakururama kwako. Ndiko kuti ugokurira zvinhu zvenyika ino.

Namata Uchiti
Baba vandinoda. Ndinokutendai. Muri kusimbisa munhu wangu wemukati. Muri kumuvandudza. Ndinoisa meso angu pazvinhu zvemweya. Mweya wangu ndiwo unotungamirira pakurarama kwangu. Hunhu hwemweya wangu ndihwo hunovonekwa pandiri. Nokudero imi munokudzwa saMwari. Muzita raJesu. Ameni.

Dzimwe Ndima Dzinotsigira Chidzidzo ChaNhasi