Satani Akakurirwa Zvachose

China, 27 Mbudzi 2025

*Tiri kuda kusvitsa dzidziso iyi kuvanhu vose, pasi rose.* Chipo chako chinogona kubatsira pabasa iri. Unogona kuchituma neEcoCash pa: *151*2*6*58225# Mwari vakuropafadze

Wakazodzwa sekerubhi rinorinda, nokuti ndiko kugadza kwandakakuita. Wakanga uri pamusoro pegomo dzvene raMwari; wakanga uchifamba pakati pamabwe omoto (Ezekieri 28 ndima 14).

Kuda mumwe angabvunza achiti, Sei Mwari vasina kungogara vaparadza Satani? Imhaka yekuti Satani akanga akapiwa simba raMweya Mutsvene. Bhaibheri rinoti iye aiva ngirozi. Ingirozi yakanga yakapiwa simba raMweya Mutsvene. Simba iri rinodzivirira munhu. Saka Mwari vakapa Satani simba iri. Isimba risingagoni kuparadzwa. Isimba raasingagoni kungotorerwa.

Mwari havazvirwisi. Ivo vangapa munhu chipo. Havazomutoreri chipo ichi. Vangapa munhu basa. Havazomutoreri basa iri. Izvi ndizvo zvatinovona muna Varoma yegumi neimwe ndima yemakumi maviri nepfumbamwe. Ndiko kusaka Satani asina kuparadzwa zvachose. Iye ane simba raanaro. Mwari ndivo vakamupa simba iri. Iye akazopanduka hake. Asi haana kubva atorerwa simba iri. Mwari vakangomusiya. Ndokuronga kuponesa vanhu. Vakabva vaunza mumwe munhu. Munhu uyu ndivo Ishe Jesu. Mwari vakabva vapa Jesu ava simba raMweya Mutsvene. Vakavapa zita ravo. Jesu ava ndivo vakazokurira Satani. Vakashandisa mutemo waMwari kumukurira.

Funga pamusoro penyaya iri muna Judhi yekutanga ndima yepfumbamwe. Tinoona Maikoro mundima umu. Akanga ari kunetsana naSatani. Vainetsanirana muviri waMosesi. Maikoro haana kugona kutuka Satani uyu. Iye akangoti, Ishe ngavakutuke vomene. Iyi yaiva mhaka yekuti Satani uyu ane masimba aakanga ava nawo. Masimba acho akanga ari aAdhamu.

Adhamu ane mhosva yaakapara. Iyi yakanga iri mhosva yekutengesa nyika. Iye akatengesa nyika ino kuna Satani. Akabva apa masimba ake ose kuna Satani. Satani akabva awedzerwa masimba. Akanga asisiri ngirozi chete. Iyo ngirozi iya yakanga yapiwa simba raMweya Mutsvene. Akabvazve atora masimba aAdhamu. Masimba aya akakura kudarika engirozi. Maikoro ainzwisisa izvi. Iye akanga ari ngirozi huru chose. Asi ainzwisisa masimba aSatani. Achiziva kuti masimba aya aidarika engirozi. Saka Maikoro uyu haana kugona kumutuka amene. Akafanira kushandisa zita raIshe. Zvino isu tava kuzikanwa nezita iri. Kureva kuti tava vakuru kuna Satani. Saka tava kumutonga.

Saka Satani achine simba raanaro. Iri isimba raakapiwa naMwari. Akatoreravo Adhamu masimba ake. Ndiko kusaka Mwari vasina kumuparadza. Asi Satani uyu haana kugona kukonesa Mwari kuita zvavakanga vakaronga. Mwari vakazotuma Ishe Jesu. Jesu ava vakauya vari Adhamu wechipiri. Ivo vakazvarwa naMweya Mutsvene. Vakapiwa simba raMweya Mutsvene. Vakabva vakurira Satani uyu. Vakamukurira nokuti masimba avo aidarika aSatani. Saka vakakurira Satani uyu zvachose. Nesuvo takakurira Satani uyu. Izvi ndizvo zvinonyanya kufadza. Taiva muna Jesu pavakafa. Taiva mavari pavakavigwa. Taiva mavari pavakazomuka kuvakafa. Saka taiva mavari pavakakurira Satani. Negomba remoto. Nemweya yose yerima. Saka IWE wakakurira Satani. Wakamukurira zvachose. Haachatogoni kukurwisa.

Namata Uchiti
Baba vandinoda. Ndinokutendai. Mazano eShoko renyu akadzama. Ndinogamuchira kutonga kwenyu. Ndinogamuchira simba renyu. Nekuzvipira kwenyu kukururama. Ndinokutendai. Makatuma Ishe Jesu. Ivavo vamakapa zita renyu. Ndivo vakazoponesa vanhu vose. Vachitipa simba rekutonga Satani. Pamwe nevabati vake. Ndinorarama semunhu akakurira Satani. Muzita raJesu. Ameni.

Dzimwe Ndima Dzinotsigira Chidzidzo ChaNhasi
Varoma 5 ndima 17
Judhi 1 ndima 9
Vakorose 2 ndima 15
Marko 16 ndima 17

(Chidzidzo ichi chatorwa kubva mu ndima
Rhapsody of Realities (Shona)
Rinonyorwa na:
Mufudzi Chris Oyakhilome DSc DD.
Munoriwana pa: https://rhapsodylanguages.tniglobal.org/regions/
You can get other teachings on: https://bit.ly/Shona_Church