Bvuma Kudzorwa

Svondo, 30 Mbudzi 2025

*Tiri kuda kusvitsa dzidziso iyi kuvanhu vose, pasi rose.* Chipo chako chinogona kubatsira pabasa iri. Unogona kuchituma neEcoCash pa: *151*2*6*58225# Mwari vakuropafadze

Samueri ndokutiwo, Tenzi anofarira here mipiro yokupisa kana kuti zvibayiro? Handiti Tenzi anotofarira kuti izwi rake riteererwe? Chinzwa! Kuteerera kuri nani pane kupira chibayiro, kuva unonzwa kuri nani pane kupira mafuta ehondohwe; nokuti kupanduka chitadzo chimwechetecho nokushopera, kuzvitutumadzawo chiri chimwecho nouipi nokunamata zvifananidzo (1 Samueri 15 ndima 22 kusvika 23).

Samueri ndiye akataura mashoko atavhura nawo ayo. Apa akanga ari kutaura kuna Sauro. Sauro uyu ndiye akanga ari mambo weIsiraeri. Mashoko aya akakosha zvikuru. Anotizivisa kuti kusateerera kune njodzi. Sauro ane zvaakanga arairwa kuita. Asi haana kuzviteerera. Mwari ndivo vakanga vamuraira kuita zvinhu zvacho. Samueri ndiye wavakanga vatuma kuzomuraira zvinhu izvi. Sauro akabva aita zvaakanga achida iye. Samueri akazomutsiura. Akati kwaari, Kuteerera kuri nani pane kupira chibayiro, kuva unonzwa kuri nani pane kupira mafuta ehondohwe.

Saka kuteerera kwakakosha. Kunodarika kupira zvibairo. Mwari vanoda kuti ushandise Shoko ravo pakurarama kwako. Vanoda kuti uve Shoko iri. Izvozvo ndizvo zvavanonyanya kukoshesa. Zvinodarika kungotevera tsika dzekunamata. Samueri haana kugumira apa. Akazoti kusateerera Mwari kwakafanana nekuroya. Izvi ndizvo zvaaireva paakati, kupanduka chitadzo chimwechetecho nokushopera. Izvi zvinoshamisa chose. Munhu angatanga nekusateerera. Munhu uyu anotozopedzisira apanduka.

Samueri akaramba achitsiura Sauro uyu. Akazoti, kuzvitutumadzawo chiri chimwecho nouipi nokunamata zvifananidzo. Munhu angapanduka. Anozopedzisira ava kuzvitutumadza. Apa anenge asindimara. Asi kusindimara kuita sei? Kusabvuma kudzorwa. Kusabvuma kutsiurwa. Munhu akadai anenge ava kungokoshesa mazano ake chete. Anenge asisiri kugamuchira mazano aMwari. Hapana anenge ava kugona kumuudza zvekuita. Izvozvo zvakafanana nekunamata zvifananidzo. Izvi ndizvo zvataurwa neBhaibheri.

Munhu akadai anenge ava kuzvivona seakanyanya kukosha. Anenge ava kuzvitutumadza. Anenge ava kufunga kuti anoziva kudarika Mwari. Munhu uyu anenge ava kutozvinamata iye. Anenge ava kutozvivona sekuti anotova Mwari. Ikoko ndiko kunamata zvifananidzo. Saka munhu anotanga nekusateerera. Anozopedzisira apanduka. Achizopedzisira asindimara. Ava kuzvitutumadza. Apa anenge ava kutozviona saMwari. Saka anenge ava kutozvinamata iye. Anenge atofanana nemunhu anonamata zvifananidzo. Saka Mweya Mutsvene vangatsvaka kukudzora. Haufaniri kushaya hanya nemashoko avo. Koshesa zvinotaura Shoko raMwari. Ungazopedzisira wava kuzvivona saMwari. Saka unofanira kuzvininipisa. Uchigamuchira mazano eShoko raMwari.

Namata Uchiti
Baba vandinoda. Ndinokutendai. Shoko renyu rine simba. Rakajeka. Rinovandudza hupenyu hwangu. Moyo wangu wakanyorova. Unogamuchira mirairo yenyu. Ndinokoshesa inzwi renyu. Ndinorikoshesa kudarika mazano angu. Zvamunoda imi ndizvo zvandinokoshesa. Ndinorarama mukururama. Saka ndakasungunuka. Uye ndinogara ndakafara. Muzita raJesu. Ameni.

Dzimwe Ndima Dzinotsigira Chidzidzo ChaNhasi
Zvirevo 29 ndima 1
Jemusi 1 ndima 22
Vahebheru 12 ndima 9 kusvika 11
Zvirevo 3 ndima 11

(Chidzidzo ichi chatorwa kubva mu:
Rhapsody of Realities (Shona)
Rinonyorwa na:
Mufudzi Chris Oyakhilome DSc DD.
Munoriwana pa: https://rhapsodylanguages.tniglobal.org/regions/
Zvimwe zvidzidzo munozviwana pa: https://bit.ly/Shona_Church