Tsvaka Kuzwisisa Izwi RaMwari

China, 28 Kurume 2024

*Tiri kuda kugumisa zvinofundiswa izvi kuvanhu veshe, pashi reshe.* Chipo chako kudetsera pamushando uyu. Unokona kuchituma neEcoCash pa: *151*2*6*58225# Mwari vakufumisei

"Iri Bhuku remipango risazobva pamuromo wako, asi unozopinimidza ndiro masikati nousiku, kuti ungwarire zveshe zvakanyorwa mukati mwaro. Ngokuti ngokudaro unozopfumiswa munjira yako, naapo unozonasa kubudirira" (Joshua 1 ndima 8).

Izwi raMwari rinoita kuti ugare uchitutsira kutodzana naMwari. Izvi zvinoitika pounenge uri kuashira zverinoronza. Mweya wako uchinyasa kubata zverinoronza zvemene. Iwewe uchitenderana nezvinoronza Mwari. Asi iwewe unosisira kuzia zvakaronza Mwari zvakhona. Ndikwo kuti ukone kutenderana nazvo.

Ndiyo ndaa uchisisira kutsvaka kuzwisisa Izwi raMwari. Rineri igore rokusunhura. Nokutora. Ndiro gore rounosisira kunyanya kutsvaka kuzwisisa zvinoronza Izwi raMwari. Ndikwo kuti ukone kutora pfuma yako mweriri. Unosisira kuronza izwi iri. Uchirironza somunhu anotenderana naro.

1 Petro 2 ndima 2 kuguma 3 inoti, "Kudai ngevana vatsva vachaamba kuberekwa, disisai mukaka woMweya usina kuchengedzera, kuti mukure ndiwo, muponeswe". Mambo Jesu vane mazwi evakamboereketa. Vaiya vari kuereketa kune amweni maJudha. MaJudha aya aiya avaashira. Tinoerenga mazwi akhona muna Johani 8 ndima 31 kuguma 32. Inoti, "" Kudai mwechigara mumazwi angu, ngegwinyiso muri vadzidzi vangu, nemwi munozozia gwinyiso negwinyiso rinozomusunhura".

MaJudha aa aisisira kugara ari muIzwi raMwari. Ndizvo zveaiya ari kukurudzirwa ndiMambo Jesu. Izvi zvinoronza kuti unosisira kua neshungu dzokuzwisisa Izwi raMwari. Izwi raMwari ndiro rinotsandura mapinimidziro edu. Ndiro rinopa mweya yedu simba rokugonda ndiMwari. Ndiro rinoaka hunhu hwedu.

Phauri unoronza ngezvekutsvaka kuzwisisa Izwi raMwari uku. Tinoerenga mazwi ake muna 2 Thimothi 2 ndima 15. Inoti, "Gwinya kudzipira kunaMwari uri unotendeka kwaari, mushandi usikatami kutsveruka, unoruramisa kubata Izwi regwinyiso".

Mambo Jesu vane amweni mazwi evakaronza. Tinoaerenga muna Johani 5 ndima 39. Inoti, "Munotsvakisisa zvinyorwa"". MuIzwi raMwari ndimwo mwetinoona mipinimidzo yaMwari. Ndizvo tsvaka kuzwisisa Izwi raMwari iri. Wogara uchiriereketa. Uchirishandisa pakupona kwako.

Kumbira Weiti
Baba vendinoda. Ndinomubonga. Mwandionesa kukosha kwokutsvaka kuzwisisa Izwi raMwari. Ichi chiro chakakosha yaamho pakupona kwangu kweChikristu. Ndinogara ndeitsvaka kuzwisisa Izwi renyu. Mipinimidzo yangu ichigara iri periri. Izvi zvinoita kuti ndikone kurarama kupona kwemwakandirongera. Zvinoitawo kuti ndibudirire. Kubudirira kwangu uku kunoonekwa ngevanhu veshe. Muzina raJesu. Ameni.

Dzimweni Ndima Dzinotsinhira Kufunda KwaNyamashi:
Nduyo 119 ndima 105
2 Thimothi 3 ndima 16 kuguma 17
Zvakaitwa 17 ndima 11

(Zvetafundiswa izvi zvatorwa kubva mu:
Rhapsody of Realities (Manyika)
Rinonyorwa ndi:
Mufundisi Chris Oyakhilome DSc DD.
Mungoriwona pa:https://rhapsodylanguages.tniglobal.org/regions/
Zvimweni zvinofundiswa munozviona pa: https://bit.ly/Shona_Church