Chumaira Ngezve Kupona Kwokugara Uchinyisa

Chishanu, 29 Kurume 2024

*Tiri kuda kugumisa zvinofundiswa izvi kuvanhu veshe, pashi reshe.* Chipo chako kudetsera pamushando uyu. Unokona kuchituma neEcoCash pa: *151*2*6*58225# Mwari vakufumisei

"Asi ngaabongwe Mwari, uwo munaKristu unotitungamirira kudai ngemabhanditi mukufora kwokunyisa kwaKristu. Mwari unotishandisa kuti ruziyo ngendaa yaKristu rugume kundau dzeshe kudai ngegwema rakanaka" (2 VaKhorinte 2 ndima 14).

Vhangeri raJesu rine kupona kwerakatiunzira. Uku kupona kwokupfuma. Kwokugara munhu ane utano hwakanaka. Kwokugara zviro zvake zveshe zvakaema zvakanaka. Ena echinyisa zveshe zvaanoshongana nazvo. Uku ndikwo kupona kwetinofundisa vanhu ngezvakwo. Asi kune vamweni vasikadi kuti tierekete ngezvekupona kwakadaro. Vanoti ngokwekunyepa. Unozwa veiti, "Mufundisi Chris vanongogondesa vanhu kupona kusina nhamo. Vechiti kupona akuzi kuoma. Akuna matambudziko".

Mwari vane kupona kwevakatotipa. Uku kupona kwokugara techinyisa. Ndikwo kwendinosisira kuziisa vanhu. Andisisiri kuvaronzera ngezvekupona kwekutambura. Eya. Tingatambudzwa hedu. Asi Mwari vanoti tinosisira kudakara zvakanyadaro. Izvi ndizvo zvetinoona muna Jakobe 1 ndima 2. Ngei veida kuti tigare techidakara? Ngokuti akuna chiro chinokona kushaishidza kupona kwedu. Akuna munhu unokona kushaishidza kupona kwedu. Munhu uyu ungaa mudenga. Ungaa munyika muno. Ungaa mudzara remuriro.

Ndiyo ndaa techikona kugara takadakara. Techingoirikidza nyasha dzaMwari. Techidakara kuti taa Vamwari. Chimbofunga ngepadera paJobe. Zviro zvakambomuomera yaamho. Asi une mazwi aakaronza. Tinoaerenga muna Jobe 13 ndima 15. Inoti, "Ringirai, unozondiuraya, andichina gonda; asi ndinozorwisa njira dzangu pamberi pake".

Isaya 43 ndima 2 inoti, "Naapo wechiambuka ngomumvura, ndinozoapo newe; peunopinda mundwizi adzizokunzvaidzi; naapo peunopotya mumuriro, auzopishwi, nomurazvu auzokupedzi". Mwari avazi kutigondesa kupona kusina matambudziko. Vakangoti matambudziko akhona tinoanyisa. Saka atisisiri kuneseka ndiwo.

1 VaKhorinte 15 ndima 57 inoti, "Asi ngaabongwe Mwari, unotipa kunyisa kubudikidza ndiye Mambo wedu Jesu Kristu". Izvi zvinoda kutodzana nezvetaerenga mundima yetabeura ndiyo. Isusu tinonyisa NGUWA DZESHE. Tinonyisa kweshe kwetaenda. Azvina mushando kuti tashongana nezvakaoma zvakadini.

Tsvaka kuzwisisa Mambo Jesu. Vona vakambopona munyika muno. Vane zviro zvevakashongana nazvo munyika muno. Asi vakazvinyisa zveshe. Vakararama kupona kweVamwari. Vakatonga zviro zvomunyika muno. Vakabva vadzidzisa vadzidzi vavo kupona ngenjirayo. Vane mazwi evakamboereketa kwevari. Tinoaerenga muna Johani 16 ndima 33. Inoti, "" Munyika munozoa nematambudziko. Asi shingai mwoyo; ndainyisa nyika!".

Vakaereketazve munaRuka 10 ndima 19. Vakati, "Penyai, ndakamupa simba rokutsika nyoka nezvinyaada, nepadera pesimba reshe regaa, akuna nechiro nachimwe chinozomuremadza". Hareruya! Kristu vane kupona kwevakatipa. Uku kupona kwokunyisa zviro zveshe zvomunyika muno. Isusu takaashira kupona uku. Ndikwo kwetaa kupona. Ndikwo kwevakatituma kuchumaira kuvanhu.

Kumbira Weiti
Baba vane nyasha. Ndinomubonga. Mune kupona kwemwakandipa. Uku kupona kweVamwari. Kwokugara ndechinyisa. Ndechinyisa zvirwere. Zvisikakoni kuti ndive murombo. Pasina chendisikakoni kuita. Ndisikafi. Ndinopona somunhu akakodzera kupona uku. Ndechishandisa simba riri mwendiri. Rona simba reVamwari. Muzina raJesu. Ameni.

Dzimweni Ndima Dzinotsinhira Kufunda KwaNyamashi:
Johani 10 ndima 10 AMPC
2 VaKhorinte 2 ndima 14

(Chidzidzo ichi chatorwa kubva mu:
Rhapsody of Realities (Manyika)
Rinonyorwa ndi:
Mufundisi Chris Oyakhilome DSc DD.
Mungoriwona pa:https://rhapsodylanguages.tniglobal.org/regions/
Zvimweni zvinofundiswa munozviona pa: https://bit.ly/Shona_Church