Kunzwisisa Soko Kungokubatsira Kuti Urisenzese Ngemazvo

Mugovera, 14 Gunyana 2024

*Tiri kuda kusvitsa dzidziso iyi kuvanhu vose, pasi rose.* Chipo chako chinogona kubatsira pabasa iri. Unogona kuchituma neEcoCash pa: *151*2*6*58225# Mwari vakuropafadze

Nzwisisani hungwaru, imwemwe wasina nzeroba, iwani ngemwoyo ungonzwisisa. (Zvirewo 8 ndima 5).

Kunzwisisa Soko raMwari kudokosha pakurisenzesa tingoyita muhupenyu hwasu. Muna Zvirewo 4 ndima 7 Bhayibheri ringoti, "Hungwaru shiro shidokosha,saka tsvaka hungwaru ngezvetse zvawunazvo." Tenzi Yeso pashawo wadotawura kukosha kwekunzwisisa muna Matewu 13 ndima 3 kusvika 8 pawadotawura mufananidzo wemuzvari.

Mumufananidzo wawo,wadotsanangura kuti muzvari uyu paadoyenda komwiza mbewu yashe, idodonhera panzvimbo dzidosiyana. Ina idodonhera panhiwi yenzira iyibva yahiwa ngechiri saka hayina kuzowona mukana wekumeraba. Tenzi Yeso wadotipangidza dambudziko rewanhu wadoshare kuti ngerekumbunda kunzwisisa Soko rawangonga wanzwa. Wadoti, Kana munhu anzwa Soko rehuMambo hwaMwari,ayisarinzwisisaba,. Adonyangara angowuya ayibva abvuta Soko ranga rayiswa mumwoyo mashe. Ndiye adofanana ngembewu idodonhera parutiwi penzira.

Kuti ukwanise kusenzesa Soko raMwari ngemazvo hunga warinzwisisa. Hawukwanisi kusenzesa Soko raMwari rawusina kunzwisisaba. Ukambunda kurinzwisisa, zvingonetsa kuti mitemo ngemirayiro yaro inyatse kusenza muhupenyu hwako zuwa ngezuwa.

Ndiyo ndawa tiyikurudzira wanhu kuti wafunde zvidzidzo zveRhapsody mazuwa etse. Ringosenza tseshombo shekuti unzwisise Soko raMwari. Umo riri mune magwaro eBhayibheri adotsanangurwa zvingoyita kuti wawerengi wanzwisise zvetse ngekukwanisa kusenzesa Soko raMwari. Kusharezvi, kutsanangura magwaro uku kungoyita kuti urarame ngekusenzesa rutendo rwako ngehushingi pamwepo ngeshinangwa mazuwa etse.

2 Timoti 2 ndima 15 ingoti, "Shinga kufunda uzvipangidze pamberi paMwari kuti uri musenzi adotendeka asina shaangoshaba, angowerenga ngekunzvera magwaro ediko mushe." Koshesa kunzwisisa Soko raMwari kuyitira kuti ugwinye pakurisenzesa uyiziwa kuti ukashare, ungogashira idi retse riri mumagwaro.

Namata Uyiti

Baba wandingoda, ndingokutendani ngenzero ngekunzwisisa uko mudondipa kuburikidza ngeSoko ranu. Ndingokutendani naMwiya Mutsvene awo wangondipa kunzwisisa kudodzama kwediko ngezvidozezwa zvemuhuMambo. Ndingotenda ngekundipa mwoyo ungobata ngekugashira pamwepo ngekusenzesa mitemo yehumambo hwanu muhupenyu hwangu mazuwa etse. MuZita raYeso . Ameni.

Dzina Ndima Dzingotsinhira Shidzidzo Shenyamusi :
Mapisarema 119 ndima 130
Jemusi 1 ndima 22 kusvika 25
2 Timoti 2 ndima 15
Zvirevo 4:7

Chidzidzo ichi chatorwa kubva mu:
Rhapsody of Realities (Manyika)
Rinonyorwa na:
Mufudzi Chris Oyakhilome DSc DD.
Munoriwana pa: https://rhapsodylanguages.tniglobal.org/regions/
Zvimwe zvidzidzo munozviwana pa: https://bit.ly/Shona_Church