Mushando Wako Kuona Kuti Mweya Yavo Yakura

Chitatu, 15 Ndira 2025

*Tiri kuda kugumisa zvinofundiswa izvi kuvanhu veshe, pashi reshe.* Chipo chako kudetsera pamushando uyu. Unokona kuchituma neEcoCash pa: *151*2*6*58225# Mwari vakufumisei

Dzingwarirenyi imwimwi pachenyu nedanga reshe remwakaemeswa padera paro ndiMweya Wakachena, kuti muite vangwariri varo, muushe chiara chaMwari, chaakatenga ngengazi yoMukororo wake emene (Zvakaitwa 20 ndima 28).

Iwewe ungaa mutungamiriri mumhatso yaMwari. Unosisira kuzwisisa kuti uri mutariri. Une mushando wewakapuwa. Uyu mushando wokungwarira vana vaMwari. Vona vaya vakafirwa ndiKristu Izvi ndizvo zvetinoona muna 1 Petro 5 ndima 2 kuguma 3. Inoti, Ushai muhlambi waMwari waakaisa pashi penyu, haiwa ngokuangiridzwa, asi ngokuda, kudai ngokuda kwaMwari; haiwa kuti muuyirwe ngemare inetsvina, asi ngokudisisa, musikaiti kudai ngevatongi padera pezvakakoanisirwa kwomuri, asi mwechiita zvionero kumuhlambi.

Vanhu vakhona vangaa vakawanda. Vangaa vashomanani. Izvozvo azvina mushando. Mushando wakhona unongoa umwewo. Auna wounosisira kusiya echipetuka sure. Vakumbirire. Tsvaka kuti Mwari vavape zvevanoshuwira mukupona. Vanhu ava vangaa nezvinovanesa mukupona. Tsvaka kuti Mwari vavadetsere kuzvinyisa. Wana pounonyora mazina evanhu veshe ava. Wokumbirira umwe ngaumwe wavo. Uchidaidza mazina avo. Uchirwira mweya yavo. Pangaa nezviro zvinoshaishidza mweya yavo kukura. Kumbira zvine shungu. Uchitsvaka kuti zviro zveshe izvi zviparadzwe. Uchitsvakawo kuti vadakadzwe ngezviro zvaMweya. Vatutsirwe nyasha. Vatutsire kuzwisisa Mambo Jesu Kristu.

Iwewe unotenderwa kukumbirira vanhu ava. Ndiwe mupristi wavo. Ndiwe wakapuwa mushando wokushumira kwevari. Uchivakumbirira. ndizvo Mwari vanokuzwa. Dangani ungaa mutungamiriri wechiara chidoko. Kana kuti unotungamirira vanoemba. Kana kuti uri mufundisi wechiara-mai. Nhengo dzeboka rako dzingashongana nezvinonesa. Vaemerere. Wovakumbirira kuna Mwari.

Iwewe ndiwe mutungamiriri wavo. Une mushando wewakapuwa. Uyu mushando wokuona kuti mweya yevanhu ava yakura. Vadetsere. Vafundise. Vatungamirire muzviro zvaMwari. Vaonese kuti Mwari vanovadakarira. Vanhu ava vanozokura. Izvi zvinozokudakadzawo. Uchiona Izwi raMwari rechishanda mukupona kwavo. Vanhu ava ndivo vouchazonobvunzwa ndiMwari. Hareruya!

Kumbira Weiti
Baba vendinoda. Ndinomubonga. Mwakandiita mutariri wemakwai enyu. Ndine nyasha dzokungwarira umwe ngaumwe wemwakandipa. Ndinovakumbirira zvine shungu. Vanhu ava vanogwinyiswa. Vanoakwa ngeIzwi raMwari. Nyasha dzinotutsirwa pevari. Vanogara vechitutsira kuzia Mambo wedu. Vona Kristu Jesu. Shungu dzavo dzokushandira Mwari dzinotutsira. Muzina raJesu. Ameni.

Dzimweni Ndima Dzinotsinhira Kufunda KwaNyamashi:
Mabasa Avapostora 20 ndima 28 NIV
Ezekieri 3 ndima 17
1 Petro 5 ndima 2 kusvika 3 NKJV

(Chidzidzo ichi chatorwa kubva mu:
Rhapsody of Realities (Ndau)
Rinonyorwa ndi:
Mufundisi Chris Oyakhilome DSc DD.
Mungoriwana pa: https://rhapsodylanguages.tniglobal.org/regions/
Zvimweni zvinofundiswa munozviona pa: https://bit.ly/Shona_Church