Tichine Umweni Mushando Wokuita

China, 1 Ndira 2026



*Tiri kuda kugumisa zvinofundiswa izvi kuvanhu veshe, pashi reshe.* Chipo chako chinokona kudetsera pamushando uyu. Unokona kuchitumira ngeEcoCash pa:: *151*2*6*58225# Mwari vakufumise



Jesu wakati kwavari, "Kurya kwangu ndikwo kuita kuda kwouwo wakandituma nokupedza mushando wake" (Johani 4 ndima 34).

Mambo Jesu vaida kuita zvaidiwa ndiMwari. Vaiya nomushando wevaiya vatumwa kuzoita munyika. Vona vaida kupedza mushando uyu. Apa ndipo paiya neshungu dzavo dzeshe. Shungu idzi ndidzo dzetinadzowo isusu. Ndidzo dzakaita kuti tipedzise kuchumaira Vhangeri kunyika dzeshe mugore rapera. Asi tichine umweni mushando wokuita.

Tinosisira kuramba techichumairira nyika idzi. Techifundisa kurarama. Izvi ndizvo zvetakapangwa ndiMambo. Tioerenga mazwi avo muna Mateu yemakumi mairi nesere ndima yegumi nepfumbamwe kuguma makumi mairi. Inoti, "Ndizvo endai, mwechiita vadzidzi kumadzinza eshe, mwechivabhabhatidza ngezina raBaba neroMukororo neroMweya Wakachena, mwechivadzidzisa kungwarira zviro zveshe zvendakamupanga; penyai, ndinemwi mazuwa eshe metsa kuguma kwenyika". Izvi ndizvo zvinoshuwirwa ndiMwari Baba. Ndizvowo zvounosisira kukoshesa mukupona.

Vanhu vanosisira kufundiswa Izwi raMwari. Vanosisira kudetserwa kunasirira kupetuka kwaMambo. Mwari ndivo vakatipa bhuku reRhapsody. Ndiro revakaronga kuti tishandise kufundisa vanhu kudaro. Ndiro retinoshandisa kufundisa vanhu. Techivafundisa kurarama kupona kwevakarongerwa ndiMwari. Tinovafundisa kudaro teidetserwa ngeMweya Wakachena.

Habhakuku yechipiri ndima yegumi nerongomuna inoronza ichiti, "Asi nyika inozodzara ngokuzia uthende hwaMAMBO MWARI, kudai ngemvura inofukidza ruandhle". Ichi ndicho chinosisira kunge chiri chinangwa chako. Ichocho chokuti munhu weshe agumisire aa kuzia simba raMwari. Ndiyo ndaa uchisisira kutenderusira vanhu kuna Mwari. Uchipa vanhu mabhuku eRhapsody. Mare yako ichidetsera kuti Vhangeri rigume kuvanhu. Zveshe izvi ndizvo zvinoita kuti vanhu vagumisire vaa kuziya simba raMwari.

Ndizvo usaarairwa. Fundisa vanhu kupona kweVamwari. Ngavaone simba rekururama kwaMwari kuri mwetiri. Zvipire kufundisa vanhu. Uchivadetsera kuzwisisa gwinyiso riri muVhangeri.

Kumbira Weiti

Baba vendinoda. Ndinomubonga. Mwakandiona somunhu akagondeka. Mukandipinza mumushando wenyu. Wona mushando wamuri kuita pamazuwa ano ekugumisira. Mushando uyu ndiwo wendinoponera. Ndechivavarira kuti uitwe. Upere. Uwowo mushando wokufundisa vanhu. Ndechivadetsera kuzwisisa Izwi renyu. Ndiripo kuti vanhu vaone simba renyu pakupona kwangu. Shungu dzangu ngedzokuunza vanhu munyika yaMwari. Ndizvo Mweya Wakachena vanondigwinyisa. Vanondipa shungu dzokuita mushando uyu. Muzina raJesu. Ameni.

Dzimweni Ndima Dzinotsinhira Kufunda KwaNyamashi:

Matiyo 28 ndima 19 kusvika 20

Habhakuku 2 ndima 14 NLT

Marko 16 ndima 15 kusvika 16

(Zvafundiswa izvi zvatorwa kubva mu:

Rhapsody of Realities (Ndau)

Rinonyorwa na:

Mufundisi Chris Oyakhilome DSc DD.

Munoriona pa: https://rhapsodylanguages.tniglobal.org/regions/

Zvimweni zvinofundiswa munozviona pa: https://bit.ly/Shona_Church