Vhangeri

Chishanu, 2 Ndira 2026



*Tiri kuda kugumisa zvinofundiswa izvi kuvanhu veshe, pashi reshe.* Chipo chako chinokona kudetsera pamushando uyu. Unokona kuchitumira ngeEcoCash pa:: *151*2*6*58225# Mwari vakufumise



"Neiri vhangeri roumambo rinozochumairwa munyika dzeshe kuita chapupu kumadzinza eshe; naapo kupera kunozoguma" (Mateu 24 ndima 14).

Mwari vane izwi revakatipa. Iri iVhangeri. Vhangeri iri ndiro rinodzinga chidima chenyika ino. Ndiro rinopedza njodzi dzenyika ino. Isusu tinosisira kugumisa Vhangeri iri kumunhu weshe. Vanhu vanosisira kuzwa Vhangeri iri. Mambo vanosisira kuwana munhu weshe arizwa. Vhangeri iri rinosisira kuchumairwa munyika yeshe. Ndipo pachazoguma nyika ino. Apana munhu unosisira kuzoti waiya asikazii kuti nyika ino ichaguma.

Ndizvo Vakacheneswa vari kupedzisa mushando uyu. Izvozvo ndizvo zvakarongwa ndiMwari. Iwewe uri umweni wevanhu vachaona kuguma kwenyika ino. Ndizvo usangoringira vamweni veishanda. Newewo shandawo. Tsamwirira pakukumbira. Tsamwirira kuchumairira vanhu Vhangeri. Mare yako ngaidetsere kugumisa Vhangeri kuvanhu. Pupurira Mambo Jesu. Vapupurire wakashinga.

Mweya waMwari wakakushongedza. Ndizvo waa kukona kugumisa Vhangeri kuvanhu. Ivo vanhu vaya vounoshongana navo. Tsamba yechipiri kuvaKhorinte chitsauko chechitatu ndima yechishanu kuguma yechitanhatu inoti, "Haiwa kuti isusu pachedu tagutswa, kuti tironze chiro kuti chinobva kwetiri, asi kugutswa kwedu kunobva kunaMwari, uwo wakatiita vanokona kuita vashandiri vechitenderano chitsva. ...". Zvakaitwa yokutanga ndima yechisere inoti, "Asi munozoashira simba apo Mweya Wakachena auya padera penyu; nemwi munozoita zvapupu zvangu muJerusarema, muJudhia mweshe, muSamaria nokumagumo enyika".

Tichine umweni mushando wokuita. Iwewe unosisira kukarakadza izvozvo. Mwari vanoda kuti munhu weshe aponeswe. Vanoda kuti munhu weshe agumisire aa kuzia gwinyiso. Rona gwinyiso rokuti kunongoa naMwari umwe ega. Uyezve kuti Kristu Jesu ndivo vega vanogumisa vanhu kuna Mwari ava. Ivo Kristu Jesu vaya vakafira munhu weshe. Izvi ndizvo zvetinooneswa mutsamba yokutanga kuna Thimothi chitsauko chechipiri ndima yechishanu kuguma yechitanhatu.

Mambo Jesu ndivo vega vanokona kunasirisa matambudziko enyika ino. Ndivo vega vanokona kudusa marwadzo enyika ino. Ndivo vega vanokona kuporesa matenda enyika ino. Ivo ndivo Mwari vakhona. Ndivo Kupona Kusikaperi. Izvi ndizvo zvetinoziiswa mutsamba yokutanga yaJohani chitsauko chechishanu ndima yemakumi mairi. Inoti, "Nesu tinozia kuti Mukororo waMwari wakauya, akatipa kuzwisisa kuti tizie uwo unegwinyiso; nesu tiri mukati mwouwo uri gwinyiso, mukati mwoMukororo wake Jesu Kristu. Uyu ndiye Mwari wegwinyiso nokupona kusikaperi".

Kumbira Weiti

Baba vendinoda. Ndinomubonga. Mune mushando wemwakaisa munyara dzangu. Uyu mushando wokugumisa Vhangeri kuvanhu. Mweya wenyu unondishongedza. Wechiita kuti ndiziise vanhu kuti Kristu vanovadakarira. Ndechivaziisa ngezvesimba raKristu. Pamwepo nokururama kwavo. Tiri kudetsera vanhu kuona nyasha dzenyu. Tiri kuvadetsera kuzia gwinyiso renyu. Ndizvo nyasha dzenyu dziri kukurumbira munyika dzeshe. Izwi renyu riri kukurumbira munyika dzeshe. Muzina raJesu. Ameni.

Dzimweni Ndima Dzinotsinhira Kufunda KwaNyamashi:

Mariko 16 ndima 15

Varoma 1 ndima 16

Matiyo 28 ndima 19 kusvika 20



(Zvafundiswa izvi zvatorwa kubva mu:

Rhapsody of Realities (Ndau)

Rinonyorwa na:

Mufundisi Chris Oyakhilome DSc DD.

Munoriona pa: https://rhapsodylanguages.tniglobal.org/regions/

Zvimweni zvinofundiswa munozviona pa: https://bit.ly/Shona_Church