Zwisisa Chizoro

Soto, 4 Ndira 2026



*Tiri kuda kugumisa zvinofundiswa izvi kuvanhu veshe, pashi reshe.* Chipo chako chinokona kudetsera pamushando uyu. Unokona kuchitumira ngeEcoCash pa:: *151*2*6*58225# Mwari vakufumise



"Asi imwimwi kudzodzwa kwemwakaashira kwaari kunogara mukati mwenyu, amutami kuti munhu amudzidzise. Asi kudai ngokudzodza kwake kunomudzidzisa ngezviro zveshe, nazvo igwinyiso, asikunyepapi, kudai ngezvekwakamudzidzisa, munogara mukati mwake" (1 Johani 2 ndima 27).

Kune vamweni Vakacheneswa. Vakacheneswa ava avazwisisi zodzo. Ndima yetabeura ndiyo inoiti kudzodza kwaMwari. Vakacheneswa ava vanofunga kuti zodzo iyi inopota ichibva pamunhu. Asi izvi azvisirizvo. Iwewe wakatsanduka dzinza. Waa muna Kristu. Zodzo iyi yaa kugara mukati mwako. Akuna kweichaenda. Zodzo iyi ngeyaMwari. Isimba reMweya Wakachena. Ndiro simba riya rinokushongedza. Rechiita kuti ukone kurarama kupona kweVamwari.

Izvi azvisirizvo zvetinoona muChitenderano cheKaretu. Apa madzimambo aiita zvokudzorwa mafuta. Vapristi vaiitawo zvokudzorwa mafuta. Iyi yaiya iri njira yekukhombisa kuti vaa kuera. Isusu taa muChitenderano Chitsva. Atichaiti zvokudzorwa mafuta. Taa neMweya Wakachena mwetiri. Ndivo vaa kugara mwetiri. Mweya Wakachena ava vanotoa munhu. Ndizvo vakauya mwetiri netwavo tweshe. Ndizvo iwewe waa neMweya waMwari wakaperera. Waa nesimba ravo reshe.

Auchasisiri kukumbira imweni zodzo. Auchasisiri kukumbira Mwari rimweni simba. Waa kungosisira kuzwisisa Mweya Wakachena ava. Nyasha dzavo dzinozotutsira kushanda mwouri. Simba ravo rinozotutsira kushanda mwouri. Ndizvo chirekera kuramba wakaemera simba raMwari. Simba iri rinotoa mwouri. Zodzo yakhona inotoa mwouri. Ndiyo inokufundisa. Ndiyo inokutungamirira. Ndiyo inokugwinyisa. Ichikushongedza. Zvechizoita kuti ubudirire pane zveshe zvounoita. Izvi ndizvo zvetaerenga mundima yetabeura ndiyo. Chipona somunhu anozwisisa izvi.

Pupura Weiti

Inini ndine mazano eVamwari. Ndaa kukona kuita mishando yeshe. Mweya Wakachena vaa kugara mwendiri. Ndizvo simba raMwari riri kushanda mwendiri. Riri kushanda yaamho. Riri kuita kuti zviro zvangu zveshe zvibude zvakanaka. Mweya Wakachena ava ndivo vanonditungamirira. Ndivo vanondifundisa zviro zveshe. Vechiita kuti ndibudirire pane zveshe zvendinoita. Mwari ngavakudzwe.

Dzimweni Ndima Dzinotsinhira Kufunda KwaNyamashi:

Johane 3 ndima 34

2 Vakorinde 1 ndima 21 kusvika 22

Johane 14 ndima 16 kusvika 17

(Zvafundiswa izvi zvatorwa kubva mu:

Rhapsody of Realities (Ndau)

Rinonyorwa na:

Mufundisi Chris Oyakhilome DSc DD.

Munoriona pa: https://rhapsodylanguages.tniglobal.org/regions/

Zvimweni zvinofundiswa munozviona pa: https://bit.ly/Shona_Church