Unobudirira Pane Zveshe Zvounoita



Chitatu, 7 Ndira 2026



*Tiri kuda kugumisa zvinofundiswa izvi kuvanhu veshe, pashi reshe.* Chipo chako chinokona kudetsera pamushando uyu. Unokona kuchitumira ngeEcoCash pa:: *151*2*6*58225# Mwari vakufumise



"Hino ngezuwaro mutwaro wake uchaduswa pamapfudzi ako, nejoka rake pamutsipa wako, joka richaparadzwa ngendaa yemafuta" (Isaya 10 ndima 27).

Iwewe une chifumiso chaMwari. Chifumiso ichi chinogara chechishanda mwouri. Achinei kuti uri pari. Unokona kunge uri kutorwiswa. Chifumiso ichi chinongoshanda zvega. Iwewe unobudirira kweshe kwounoenda. Mwari vakaronga kuti ubudirire. Unobudirira peshe poungaa. Unobudirira nguwa dzeshe. Hareruya!

Iwewe uri mwana wedzinza raAbrahama. Ndiyo ndaa uchibudirira kudaro. Ndizvo ungarwiswa hako. Kurwiswa kwakhona kunotokubeurira imweni mikana. Kunotokudetsera kuti ubudirire. Pane simba riri kushanda mwouri. Simba iri rinoshanda mumweya. Rinokushandirazve. Rinokubeurira njira. Rechiita kuti zviro zvikunakire. Zvechizoita kuti ubudirire pane zveshe zvounoita. Iwewe uchitutsira kuzwisisa Mwari.

Mundima yetabeura ndiyo mune izwi rinoti, "mafuta". Amweni maBhaibheri anonyora kuti "chizoro". Izwi iri rinoronzawo "kufuta". Zvechironza kututsira. Ndizvo iwewe uri kukura. Saka pangaa nezvinotsvaka kukusunga. Zviro zveshe izvi zvinodambuka. Chifumiso chinoita kuti ubudirire pane zveshe zvounoita. Uchizogumisira wakura yaamho. Zvokuti apana chinozokona kukukonyera.

Izvi ndizvo zvetinoona pana Isaka. Tinoerenga nhoroondo yake muna Genisisi yemakumi mairi nechitanhatu ndima yegumi nemairi kuguma gumi nechisere. Apa Isaka wakasima mbeu dzake. Wakadzisima kusina mvura yainaya. Asi wakakukura zvakanyadaro. Munda umwe wega wakamupa hukuro yeminda zana. Izvi zvakabva zvaita kuti Vafirisitia vamuitire godo. Vamweni vanhu veshe avana chevakakona kukukura. Asi Isaka ndipo paakatokukura kupinda amweni makore eshe. Apana munhu akakona kuzwisisa izvi.

Chifumiso ichi ndicho chiri kushandawo mwouri. Asi chako chinotopinda chaIsaka ichi. Chiri kushanda mumare dzako. Muutano hwako. Mushumiro yako. Nemuzviro zveshe zvokupona kwako. Chiri kukubeurira njira. Chechiita kuti ubudirire pane zveshe zvounoita. Chifumiso ichi chinonasirisa zviro zvako. Ndizvo ereketa somunhu anogonda ndiMwari. Shandisa Izwi raMwari pakupona kwako. Rekera simba rechifumiso iri rionekwe pouri. Chinozokuita kuti ukone kuita zvisikakonekwi ngevanhu vomunyika muno.

Nduyo yokutanga ndima yokutanga kuguma yechitatu inoti, "Unomuchena munhuwo usikahambi ngokupanga kwevakashata, usikaemi munjira yevashaishi, usikagari pachigaro chevaangarari; asi kudakara kwake kuri mumupango waMAMBO MWARI, unopinimidza ngomupango wake masikati nousiku. Naye unozodai ngomuti wakasimwa pasinde pemigero yemvura, unobara michero yawo ngenguwa yawo, mashakani awo aazofoti. Zveshe zvaanoita, unozobudirira". Izvi ndizvo zviri kupona kwako. Pona somunhu anozwisisa izvi.



Kumbira Weiti

Ndinomubonga Mambo. Ndakafumiswa. Ndine zveshe zvinodiwa kuti ndibudirire. Ndine chifumiso. Chifumiso ichi chiri kushanda mwendiri. Chiri kundibeurira mikana. Chechindinasirira zviro zvangu. Zvechiita kuti ndikone kubudirira. Ndine Mweya Wakachena. Ndizvo ndinogara ndechitutsira. Ndechikura. Apana chinokona kundiita kuti ndisabudirira. Simba reMweya Wakachena riri kuita kuti ndikure. Ndechitutsira zuwa rimwe ngarimwe. Muzina raJesu. Ameni.

Dzimweni Ndima Dzinotsinhira Kufunda KwaNyamashi:

Genesi 26 ndima 12 kusvika 13

Mapisarema 92 ndima 12 kusvika 14

Mapisarema 1:1-3 TPT



(Zvafundiswa izvi zvatorwa kubva mu:

Rhapsody of Realities (Ndau)

Rinonyorwa na:

Mufundisi Chris Oyakhilome DSc DD.

Munoriona pa: https://rhapsodylanguages.tniglobal.org/regions/

Zvimweni zvinofundiswa munozviona pa: https://bit.ly/Shona_Church