Pane Chewakawana Pewakaashira Jesu

Svondo, 5 Ndira 2025

*Tiri kuda kugumisa zvinofundiswa izvi kuvanhu veshe, pashi reshe.* Chipo chako kudetsera pamushando uyu. Unokona kuchituma neEcoCash pa: *151*2*6*58225# Mwari vakufumisei

Ngokuti Mwari wakaida nyika kudai, wakahina Mukororo wake wakabarwa ari ega, kuti veshe vanomutenda vasafa asi vaone kupona kusikaperi (Johani 3 ndima 16).

Ndaa dzedu dzakaiswa hadzo panaJesu. Vona vakatorangirwa ndaa idzi. Izvi ndizvo zvinoronza Vhangeri. Asi izvi azvisirizvo zvinonyanya kudakadza. Azvisirizvo zvega zvevakatiitira. Vane chimweni chevakatiitira. Vakatitsandura dzinza. Vakatiita vanhu vengazi yavo. ndizvo taa nokupona kusikaperi. MuBhaibheri mune ndima irimwo. Ndima iyi inoziikanwa yaamho ngevanhu. Inoonekwa pana Johani 3 ndima 16. Inoti, Ngokuti Mwari wakaida nyika kudai, wakahina Mukororo wake wakabarwa ari ega, kuti veshe vanomutenda vasafa asi vaone kupona kusikaperi.

Ndizvo munhu ungaa akaashira Kristu Jesu. Munhu uyu unenge akatotsandurwa dzinza. Unenge atoa wengazi yaJesu. Aasisiri kuemera kuti atsanduke kudaro. Unotsanduka paanoashira Jesu pakhona. Johani 6 ndima 47 inoti, Ngegwinyiso ndinoti kwomurii, iye unotenda waanokupona kusikaperi. ndizvo munhu uyu aasiri kugondeswa kupona kusikaperi. Unotoa nokupona kwakhona.

Inini ndinopota ndeibvunza anhu. Ndeivati, Mwakaashira Jesu ere? Vamweni vavo vanobva vatenda. Inini ndozovati, Saka mune chemwakawana ere? Vakawanda vanobva vakorera kundidaira. Kuronza kuti vane zvevasikazi kufundiswa. Munhu akaashira Jesu, pane chiro chinobva chaitika kumunhu uyu. Unobva atsandurwa dzinza. Echiitwa munhu wengazi yaMwari. Echibva aanokupona kusikaperi. Mambo avana chevakafisha. Vona vakati, Iye unotenda waanokupona kusikaperi.

1 Johani 5 ndima 11 kuguma 12 inoti, Nouhwu ndihwo uchapupu, kuti Mwari wakapa kwetiri kupona kusikaperi, noukwo kupona kuri muMukororo wake. Kunyazwi ndiani uno Mukororo uno kupona; nouwo usina Mukororo waMwari, aana kupona. Ndizvo iwewe ungaa naKristu Jesu. Izvi zvinoronza kuti waa wengazi yaMwari. Ndizvo ausisiri kunamata kuti uve wengazi yaMwari. Ndima yegumi netatu yakhona inoshamisa. Inoti, Ndanyora izvi zviro kwomuri imwimwi vanotenda muzina roMukororo waMwari, kuti muzie kuti munakwo kupona kusikaperi.

Mwari vanoda kuti uzie kuti wakatsanduka dzinza. Waa wengazi yaMwari. Izvi zvinozotsandura kupona kwako. Zvinozotsandura maponero ako. Auzogari uchitya. Unozogara wakagutsikana. Uchinyisa zviro zvounoshongana nazvo. Uchizwisisa kuti waa Mumwari. Hareruya!

Kumbira Weiti
Baba vendinoda. Ndinomubonga. Inini ndaa munaKristu Jesu. Ndizvo ndakatsanduka dzinza. Ndaa wengazi yenyu. Ndaa kupona somunhu anozwisisa dzinza rake iri. Ndeizia kuti ndakangwaririka. Ndinomubonga ngechipo ichi. Chona chinotsandura kupona. Chechiita kuti vanhu vanyise zviro zvomumyika muno. Vabudirire pane zveshe zvevanoita. Veigara vari vatano. Muzina raJesu. Ameni.

Dzimweni Ndima Dzinotsinhira Kufunda KwaNhasi:
1 Johane 5 ndima 11 kusvika 13 NIV
Johane 3 ndima 36 NKJV
Johane 5 ndima 24

(Chidzidzo ichi chatorwa kubva mu:
Rhapsody of Realities (Ndau)
Rinonyorwa ndi:
Mufundisi Chris Oyakhilome DSc DD.
Mungoriwana pa: https://rhapsodylanguages.tniglobal.org/regions/
Zvimweni zvinofundiswa munozviona pa: https://bit.ly/Shona_Church