Tiri Vanhu VeMudenga

Muvhuro, 6 Ndira 2025

*Tiri kuda kugumisa zvinofundiswa izvi kuvanhu veshe, pashi reshe.* Chipo chako kudetsera pamushando uyu. Unokona kuchituma neEcoCash pa: *151*2*6*58225# Mwari vakufumisei

Munhu wokutanga wakabva mumavhu, munhu wemavhu. Munhu wechipiri wakabva mudenga (1 VaKhorinte 15 ndima 47).

Iwewe ungaa naKristu. Izvi zvinoronza kuti wakatsanduka dzinza. Waa wengazi yaMwari. Asi dangani ungasaa naKristu. Izvi zvinoronzawo kuti ausisiri wengazi yaMwari. Izvi ndizvo zvetakaona muchidzidzo chapera. Iwewe ungasaa naKristu. Izvi zvinoronza kuti uchakatodzana naAdhamu wekutanga. Adhamu uyu waia ari munhu wenyama. Waia ari wenyika yepashi pano. Izvi ndizvo zvetinoziiswa muna 1 VaKhorinte 15 ndima 47. Yati, Munhu wokutanga wakabva mumavhu, munhu wemavhu. Munhu wechipiri wakabva mudenga.

Kwakamboa naAdhamu wokutanga. Adhamu uyu ndiye munhu wenyika ino. Ndiye uya wakashaisha. Vanhu venyika ino vanosungwa ngezviro zvomunyika muno. Avana zvakawanda zvevanokona kuita. Vachaparadzwa. Iroro ndiro gwinyiso. Tinoripuwa ngeBhaibheri. Kune vanhu vasikazi kubarwa kechipiri. Vanhu ava vacharangwa. Vachaparadzwa. Vanhu vakhona vangaa vemhuri yako. Dzingaa shamwari dzako. Vangaa vatungamiriri. Vanhu veshe ava ngevenyika ino. Vakaemera kurangwa. Ndiyo ndaa teisisira kuvachumairira Vhangeri. Izwi iri ndiro rega rinokona kuvaponesa.

Erenga 1 VaKhorinte 15 ndima 48. Inotsanangura vanhu vemhando mbiri. Vamweni vakhona ngewe nyika ino. Vamweni ngevemudenga. Ndima iyi inoti, Avo vari vemavhu vakadai ngouwo wemavhu. Naavo vari vomudenga, vakadai ngouwo womudenga. Kune vanhu vasati vabarwa kechipiri. Vanhu ava ndivo venyika ino. Ndizvo vanopinimidza sevanhu venyika ino. Asi kune vamweni vakabarwa kechipiri. Vona vaya vari muna Kristu. Vanhu ava vanopinimidza sevanhu vemudenga. Izvi ndizvo zvetiri isusu. Tinopinimidza sevanhu vemudenga. Tiri munyika ino hedu. Asi tinoshandisa mipango yemudenga pakupona kwedu.

Mazano aMwari ndiwo etinoshandisa pakupona kwedu. Izvi ndizvo zvinoitika pounobarwa kechipiri. Ndima yemakumi marongomuna nepfumbamwe yakhona inoti, Kudai ngezvetaiya mumuemo wouwo wemavhu, zve, tinozowa nomuemo wouwo womudenga. Isusu taiya takatodzana nomunhu wevhu. Apa ndipo petaiya tiri vashaishi. Ndipo petaiya tiri vanhu venyika ino. Takasungwa nezviro zvenyika ino. Asi takazotsanduka dzinza. Taa zvisikwa zvitsva. Taa vanhu vedzinza raKristu Jesu.

Atichisiri vanhu venyika ino. Taa vanhu vemudenga. Tichiri munyika muno hedu. Asi atichisiri vanhu venyika ino. Izvi ndizvo zvetinoziiswa muna Johani 17 ndima 16. Iwewe waa munhu wemudenga. Waa kurarama kupona kwenyika inotongwa ndiMwari. Mipango yenyika iyi ndiyo yawava kushandisa pakurarama kwako. Mazano aMwari ndiwo ewaa kushandisa pakupona kwako. Hareruya!

Kumbira Weiti
Baba vendinoda. Ndaa munhu wengazi yaKristu. Ndaa munhu wemudenga. Ndaa kupona zvinoenderana neRhapsody renyu. Ndizvo ndinoramba kusungwa ngezviro zvenyika ino. Ndinomubonga. Mwakandipa kupona kutsva uku. Kwona kupona kuri muna Kristu. Ndinogara ndeinyisa. Ndeipinimidza somunhu wemudenga. Ndeigwinyiswa ngeMweya Wakachena. Muzina raJesu. Ameni.

Dzimweni Ndima Dzinotsinhira Kufunda KwaNyamashi:
Vakorose 3 ndima 1 kusvika 2
1 VaKorinte 15 ndima 47 kusvika 49 AMPC
Varoma 12 ndima 2

(Chidzidzo ichi chatorwa kubva mu:
Rhapsody of Realities (Ndau)
Rinonyorwa ndi:
Mufundisi Chris Oyakhilome DSc DD.
Mungoriwana pa: https://rhapsodylanguages.tniglobal.org/regions/
Zvimweni zvinofundiswa munozviona pa: https://bit.ly/Shona_Church