Une Ngazi YeVamwari Mwouri



Chipiri, 13 Ndira 2026



*Tiri kuda kugumisa zvinofundiswa izvi kuvanhu veshe, pashi reshe.* Chipo chako chinokona kudetsera pamushando uyu. Unokona kuchitumira ngeEcoCash pa:: *151*2*6*58225# Mwari vakufumise



"Nouhwu ndihwo uchapupu, kuti Mwari wakapa kwetiri kupona kusikaperi, noukwo kupona kuri muMukororo wake. Kunyazwi ndiani uno Mukororo uno kupona; nouwo usina Mukororo waMwari, aana kupona." (1 Johani 5 ndima 11 kuguma 12).

Munhu ungaa nokupona kusikaperi. Izvi azvingoronzi kuti unopona nokusikaperi. Munhu uyu unenge aa wengazi yeVamwari. Ndizvo unenge asiyana nevanhu vomunyika muno. Vanhu vengazi yeVamwari vakuru kuna Sathani. Avarwari. Avanyiswi. Avafi.

Mambo Jesu vakauya munyika. Avazi kuuya kuzotipa imweni njira yokudira ndiyo. Vakauya kuzotiita vengazi yaMwari. Izvi ndizvo zvetinoona muna Johani yegumi ndima yegumi. Johani yegumi ndima yemakumi mairi nechinomwe kuguma makumi mairi nechisere inoti, "Makwai angu anozwa izwi rangu, neni ndinoazia, nawo anonditeera; ndinoapa kupona kusikaperi, nawo aazofi nariini, zve akuna unoabvuka kubva munyara yangu". Ndizvo iwewe waa nokupona kusikaperi. Izvi zvinoronza kuti watsaurwa. Waduswa kubva kuvanhu vanosisira kuparara.

Johani yechitatu ndima yegumi nechitanhatu inoti, "Ngokuti Mwari wakaida nyika kudai, wakahina Mukororo wake wakabarwa ari ega, kuti veshe vanomutenda vasafa asi vaone kupona kusikaperi". Munhu ungaa nokupona kusikaperi. Azviiti kuti munhu wakadaro aparadzwe. Azviiti kuti anyiswe. Munhu uyu unenge aa wedzinza reVamwari. Izvi ndizvo zvewaawo iwewe. Wakabarwa kechipiri. Waa wengazi yeVamwari. Uri mumuiri wenyama hako. Asi waa Mumwari emene.

Une muiri wenyama. Muiri uyu chinongoa chifukidziro. Mwouri ndimwo munogara mweya wako. Mweya uyu ndiye iwewe wemene. Mweya uyu ndiwo wakatsanduka dzinza. Ndiwo waa wedzinza raMwari. Ndiwo waa wengazi yeVamwari. Mumweya umwu ndimwo mune simba raMwari. Simba iri aringoshandi mumweya mwako zvega. Rinoshandawo mumuiri wako wenyama. Iwewe ndiwezve unotsandura vanhu dzinza. Uchivaita vengazi yeVamwari.

Mambo Jesu ndivo Muraramisi. Ndivo Adhamu wechipiri. Anova ndiye Adhamu wekugumisira. Izvi ndizvo zvetinoziiswa mutsamba yokutanga kuvaKhorinte chitsauko chegumi nechishanu ndima yemakumi marongomuna nechishanu kuguma makumi marongomuna nechinomwe. Hino iwewe waa wedzinza reMuraramisi uyu. Saka ukabata chiro, kana kuti ukabata munhu, munhu uyu anobva atoraramiswa. Uchiri munyika muno hako. Asi wakatodzana naMambo Jesu panezveshe. Izvi ndizvo zvetinoziiswa mutsamba yokutanga yaJohani chitsauko chechirongomuna ndima yegumi nechinomwe. Waa muraramisi.

Unoporesa vanhu kweshe kwoungaenda. Pewaguma panoa nokunyarara. Zviro zvinosara zvanaka. Ukabata murwere nenyara dzako, simba reVamwari rinobva rabuda munyara dzako. Rechiporesa murwere uyu. Ukaronza mazwi, uchiaronza somunhu anogonda ndiMwari, mazwi aya anozoraramisa zviro. Wakasiyana nevanhu vomunyika muno. Waa munhu wedzinza reVamwari. Wakatsanangurwa ndiMwari. Ukatsaurwa. Umwari ndiwo hwaa kusisira kuonekwa pouri. Simba raMwari raa kuonekwa pouri. Kururama kwaa kuonekwa pouri. Hareruya!

Kumbira Weiti

Baba vendinoda. Ndinomubonga. Mwakanditsandura dzinza. Mukandiita wengazi yeVamwari. Ndizvo ndasiyana nevanhu vomunyika muno. Ndaa kuerengerwa kuboka renyu. Ndinoshandisa mazano enyu pakupona kwangu. Ndinoshandisa simba renyu pakupona kwangu. Ndine runako rwenyu. Ndaa kuraramisa zviro. Ndinogumisa simba renyu kweshe kwendinoenda. Muzina raJesu. Ameni.

Dzimweni Ndima Dzinotsinhira Kufunda KwaNyamashi:

1 VaKorinte 15:45-47

2 Pita 1 ndima 4

1 Johane 5:11-13 NIV



(Zvafundiswa izvi zvatorwa kubva mu:

Rhapsody of Realities (Ndau)

Rinonyorwa na:

Mufundisi Chris Oyakhilome DSc DD.

Munoriona pa: https://rhapsodylanguages.tniglobal.org/regions/

Zvimweni zvinofundiswa munozviona pa: https://bit.ly/Shona_Church