Une Ropa ReVamwari Mauri



Chipiri, 13 Ndira 2026



*Tiri kuda kusvitsa dzidziso iyi kuvanhu vose, pasi rose.* Chipo chako chinogona kubatsira pabasa iri. Unogona kuchituma neEcoCash pa: *151*2*6*58225# Mwari vakuropafadze



"Uhu ndihwo huchapupu hwaMwari. Mwari vakatipa hupenyu husingaperi. Vachitsvaka kuti tive veropa ravo. Zvino hupenyu uhu huri muMwanakomana wavo. Munhu angava naMwanakomana. Munhu uyu ane hupenyu uhu. Ndeweropa ravo. ..." (1 Johane 5 ndima 11 kusvika 12).

Munhu angava nehupenyu husingaperi. Izvi hazvingorevi kuti anorarama nekusingaperi. Munhu uyu anenge ava weropa reVamwari. Saka anenge asiyana nevanhu venyika ino. Vanhu veropa reVamwari vakuru kuna Satani. Havarwari. Havakundikani. Havafi.

Ishe Jesu vakauya panyika. Havana kuuya kuzotipa imwe nzira yekunamata nayo. Vakauya kuzotiita veropa raMwari. Izvi ndizvo zvatinovona muna Johane yegumi ndima yegumi. Johane yegumi ndima yemakumi maviri nenomwe kusvika makumi maviri nesere inoti, "Ndine makwai. Makwai aya anonzwa inzwi rangu. Neni ndinoaziva. Iwo anonditeerera. Ndine hupenyu hwandinoapa. Hupenyu uhu hahuparari. Saka haasi kuzofa. Achagara ari mapenyu. Makwai aya ari muruvoko rwangu. Hapana angaabvuta". Saka iwe ungava nehupenyu husingaperi. Izvi zvinoreva kuti watsaurwa. Wabviswa kubva kuvanhu vanofanira kuparara.

Johane yetatu ndima yegumi netanhatu inoti, "Nokuti Mwari vakada nyika. Vakasvika pakuipa Mwanakomana wavo. Anova ndiye oga wavakanga vazvara. Vaida kuti vanhu vamugamuchire. Vasazoparara. Asi vawane hupenyu husingaperi". Munhu angava nehupenyu husingaperi. Hazvigoni kuti munhu akadai aparadzwe. Hazvigoni kuti akurirwe. Munhu uyu anenge ava werudzi rweVamwari. Izvi ndizvo zvawavavo iwe. Wakazvarwa kechipiri. Wava weropa reVamwari. Uri mumuviri wenyama hako. Asi wava Mumwari chaiye.

Une muviri wenyama. Muviri uyu chinongova chifukidziro. Mauri ndimo munogara mweya wako. Mweya uyu ndiye iwe chaiye. Mweya uyu ndiwo wakashanduka rudzi. Ndiwo wava werudzi rwaMwari. Ndiwo wava weropa reVamwari. Mumweya umu ndimo mune simba raMwari. Simba iri haringoshandi mumweya wako chete. Rinoshandavo mumuviri wako wenyama. Iwe ndiwezve anoshandura vanhu rudzi. Achivaita veropa reVamwari.

Ishe Jesu ndivo Muraramisi. Ndivo Adhama wechipiri. Anova ndiye Adhama wekupedzisira. Izvi ndizvo zvatinoziviswa mutsamba yekutanga kuVakorinde chitsauko chegumi neshanu ndima yemakumi mana neshanu kusvika makumi mana nenomwe. Zvino iwe wava werudzi rweMuraramisi uyu. Saka ungabata chinhu. Kana kuti ungabata munhu. Munhu uyu anobva atoraramiswa. Uchiri panyika pano hako. Asi wakafanana naIshe Jesu pazvose. Izvi ndizvo zvatinoziviswa mutsamba yekutanga yaJohane chitsauko chechina ndima yegumi nenomwe. Wava muraramisi.

Unoporesa vanhu kose kwaungaenda. Pawasvika panova nerugare. Zvinhu zvinosara zvanaka. Ungabata murwere nemavoko ako. Simba reVamwari rinobva rabuda mumavoko ako. Richiporesa murwere uyu. Ungataura mashoko. Uchiataura semunhu anovimba naMwari. Mashoko aya anozoraramisa zvinhu. Wakasiyana nevanhu venyika ino. Wava munhu werudzi rweVamwari. Wakasarudzwa naMwari. Ukatsaurwa. Humwari ndihwo hwava kufanira kuvonekwa pauri. Simba raMwari rava kuvonekwa pauri. Kururama kwava kuvonekwa pauri. Hareruya!

Namata Uchiti

Baba vandinoda. Ndinokutendai. Makandishandura rudzi. Mukandiita weropa reVamwari. Saka ndasiyana nevanhu venyika ino. Ndava kuverengerwa kuboka renyu. Ndinoshandisa mazano enyu pakurarama kwangu. Ndinoshandisa simba renyu pakurarama kwangu. Ndine runako rwenyu. Ndava kuraramisa zvinhu. Ndinosvitsa simba renyu kose kwandinoenda. Muzita raJesu. Ameni.

Dzimwe Ndima Dzinotsigira Chidzidzo ChaNhasi

1 VaKorinte 15:45-47

2 Pita 1 ndima 4

1 Johane 5:11-13 NIV



(Chidzidzo ichi chatorwa kubva mu:

Rhapsody of Realities (Shona)

Rinonyorwa na:

Mufudzi Chris Oyakhilome DSc DD.

Munoriwana pa: https://rhapsodylanguages.tniglobal.org/regions/

Zvimwe zvidzidzo munozviwana pa: https://bit.ly/Shona_Church)