Mweya Wakachena Ndivo Simba ReChumairo Yedu



Chishanu, 16 Ndira 2026



*Tiri kuda kugumisa zvinofundiswa izvi kuvanhu veshe, pashi reshe.* Chipo chako chinokona kudetsera pamushando uyu. Unokona kuchitumira ngeEcoCash pa:: *151*2*6*58225# Mwari vakufumise



"Asi munozoashira simba apo Mweya Wakachena auya padera penyu; nemwi munozoita zvapupu zvangu muJerusarema, muJudhia mweshe, muSamaria nokumagumo enyika" (Zvakaitwa 1 ndima 8)

Vhangeri ngere gwinyiso. Izvi ndizvo zvetakafunda zuro. Hino isusu tikachumaira Vhangeri iri, Mweya Wakachena ndivo vanoita kuti kuchumaira kwedu uku kutsandure vanhu. Waiya uchizvizia ere? Saka tinosisira kua neMweya Wakachena. Ndikwo kuti tikone kuereketa saMwari. Mazwi edu echizokona kutsandura vanhu. Zvisirizvo mazwi edu anoa asina simba. Mweya Wakachena ndivo vanoita kuti tizie kuti Kristu vari mwetiri zvegwinyiso. Ndivo vanoitawo kuti vanhu vakone kuashira Kristu ava.

Mweya Wakachena ndivo vanoita kuti tive noukama naMwari. Zvechiita kuti tisangoa vanhu vanongodira sevanhu veshe veshe. Iwewe ungaa wakaashira Mweya Wakachena ava. Une simba rewakapuwa zuwaro. Iri isimba rinoita kuti ukone kuita zvaiitwa ndiMambo Jesu. Wakabva waa munhu unohamba akatwara simba raMwari. Anokona kuita mishando yaMwari. Munhu unosisira kua neMweya Wakachena. Zvisirizvo aangakoni kurarama kupona kweVamwari. Mweya Wakachena ava ndivo Munyaradzi wako. Ndivo Chipangamazano chako. Ndivo Mudetseri wako. Ndivo vanokukumbirira. Ndivo Gweta rako. Ndivo Mugwinyisi wako. Ndivo vanokudetsera pounenge wapera simba.

Mweya Wakachena ava vaa mukati mwako. Vachagara mwouri nokusikaperi. Izvi ndizvo zvetinoona muna Johani yegumi nechirongomuna ndima yegumi nechitanhatu. Ivo ndivo Mwari vounohamba navo. Vanotokudetsera zvegwinyiso. Vanotokudetsera kupinda vanhu veshe voungahamba navo. Ndizvo gwinyisa ukama hwako navo. Ndikwo kuti ukone kushandisa mazano avo pakupona kwako. Ndikwo kuti simba ravo rionekwe mwouri. Gonda ndivo. Varekere vatungamirire mapinimidziro ako. Ndivo vanosisira kukuitisa zvounoita. Varekere vatungamirire mikumbiro yako. Varekere vaise simba mumazwi ounoronza.

Ndizvo iwewe ungaa neMweya Wakachena. Auzombotodzani nevanhu vomunyika muno. Uyezve akuna chingazokunyisa mukupona. Ivo ndivo vanokuita muchumairi akashinga. Ndivo vanokuita muchumairi anokona mushando. Ena uya anokona kupetudza vanhu kunaMwari. Erengazve ndima yetabeura ndiyo. Mweya Wakachena ava vanoita kuti ukone kunyisa zveshe zvoungashongana nazvo. Vechiita kuti simba reVamwari rionekwe pouri. Ivo ndivo Baba veVamwari. Ndivo Mwari vanogara mukati mwako. Ndivo vanopa simba kuchumairo yedu.

Kumbira Weiti

Mweya Wakachena vakafumiswa, ndinomubonga. Imwimwi mwaa kugara mwendiri. Simba renyu ndiro raa kushanda mukupona kwangu. Ndimwi muembedzeri wangu. Ndimwi mufundisi wangu. Ndimwi mutungamiriri wangu. Ndinotenda kuti mushande mukupona kwangu. Ngokudaro ndinonyisa zveshe zvendinoshongana nazvo. Ndinoita zveshe ngomwazvo. Ndinotonga zviro zvomunyika muno. Inini ndinemwi. Ndizvo ndinokona kuita zviro zveshe. Ndinonyisa nguwa dzeshe. Muzina raJesu. Ameni.

Dzimweni Ndima Dzinotsinhira Kufunda KwaNyamashi:

Johane 14 ndima 16 kusvika 17

Zakariya 4 ndima 6

Mabasa 4 ndima 31

Mateo 28:19-20



(Zvafundiswa izvi zvatorwa kubva mu:

Rhapsody of Realities (Ndau)

Rinonyorwa na:

Mufundisi Chris Oyakhilome DSc DD.

Munoriona pa: https://rhapsodylanguages.tniglobal.org/regions/

Zvimweni zvinofundiswa munozviona pa: https://bit.ly/Shona_Church