Vadaire Ngomwazvo



Mugubera, 17 Ndira 2026



*Tiri kuda kugumisa zvinofundiswa izvi kuvanhu veshe, pashi reshe.* Chipo chako chinokona kudetsera pamushando uyu. Unokona kuchitumira ngeEcoCash pa:: *151*2*6*58225# Mwari vakufumise



"Apo kucharonzwa kuti, "Nyamashi, kudai mwechizwa izwi rake, musakonzesa mwoyo yenyu kudai ngenguwa yokumukirana" (VaHebheru 3 ndima 15).

Izwi raMwari rinoereketa kwetiri. Mweya Wakachena vanoereketawo kwetiri. Mwari ndivo vanenge vari kutoereketa nesu peshe apa. Asi aasiri munhu weshe unovadaira ngomwazvo pevanenge vari kuereketa kudaro. Iwewe ungazwa Izwi raMwari. Mwari vanotarisira kuti uridaire. Vanotarisira kuti uite zverinenge riri kuronza zvakhona. Ndikwo kuti simba ravo rikone kushanda mwouri. Ndikwo kuti Izwi iri rikushandire. Izvi ndizvo zvetinoona pana Samueri. Apa Mwari vakamudaidza. Vakamudaidza kairi keshe. Asi Samueri aisazia kuti waisisira kudaira echiti kudini. Eri ndiye wakazomufundisa. Tinoona mazwi ake mubhuku rokutanga raSamueri chitsauko chechitatu ndima yechipfumbamwe. Inoti, "Ereketa Mambo Mwari, ngokuti muranda wako unozwa".

Samueri wakazodaira ngomwazvo. Mwari vakabva vaereketa kwaari. Ndizvo zvounosisirawo kuita iwewe. Daira Mwari. Vadaire somunhu anogonda ndivo. Ndikwo kuti uzwe izwi ravo zvakajeka. Ivo vechizoonekwawo zvakanyanya mukupona kwako. Usatama shungu neIzwi raMwari. Izwi iri ringakupanga kuita chimweni chiro. Ringakutsiura. Ringakutuma kuita chimweni chiro. Unosisira kuashira Izwi iri. Unosisira kuita zverinenge rakuronzera. Unosisira kuriashira uchiti, "Eya Mambo wangu". Wobva waita zverinenge rakupanga zvakhona.

Unosisira kukasira kudaira Mwari. Unosisira kukasira kuita zvevanenge varonza. Zvisirizvo avazorambi vechiereketa kwouri. Uyezve iwewe auzokoni kuramba uchizwa pevanoereketa. Ndizvo fundisa mweya wako kukasira kudaira Mwari. Mweya Wakachena vanozodzadza kujeka mumwoyo mwako. Vechikuonesa njira yokuhamba ndiyo. Vechikututsira nyasha. Ndizvo kasira kudaira Mwari. Vadaire somunhu anogonda ndivo. Vadaire kudaro peshe pevanoereketa kwouri. Pangaa panguwa younenge uri kufunda Izwi raMwari. Pangaa panguwa dzokukumbira. Kana kuti panguwa dzounenge uri kuziiswa zviro zviri mumweya. Izwi ravo rinokona kuereketa zvinyoro nyoro. Asi rinenge rine simba. Simba rakhona ngere Vamwari.

Kumbira Weiti

Baba vendinoda. Ndinodaira kuIzwi renyu. Ndinodaira kweriri somunhu unogonda nemwi. Ndinodaira kweriri somunhu anodakarira vanhu. Ndizvo ndinofumiswa yaamho. Mwoyo wangu wakadzara nyasha. Wakadzara gwinyiso. Simba reMweya Wakachena rinoita kuti ndibudirire pane zveshe zvendinoita. Rechiita kuti nditutsire pazviro zveshe. Muzina raJesu. Ameni.

Dzimweni Ndima Dzinotsinhira Kufunda KwaNyamashi:

Jemusi 1 ndima 22

1 Samueri 3 ndima 9 kusvika 10

Johane 10 ndima 27



(Zvafundiswa izvi zvatorwa kubva mu:

Rhapsody of Realities (Ndau)

Rinonyorwa na:

Mufundisi Chris Oyakhilome DSc DD.

Munoriona pa: https://rhapsodylanguages.tniglobal.org/regions/

Zvimweni zvinofundiswa munozviona pa: https://bit.ly/Shona_Church