Unonyisa Zvinokurwisa Zveshe



Chipiri, 20 Ndira 2026



*Tiri kuda kugumisa zvinofundiswa izvi kuvanhu veshe, pashi reshe.* Chipo chako chinokona kudetsera pamushando uyu. Unokona kuchitumira ngeEcoCash pa:: *151*2*6*58225# Mwari vakufumise



"Kudai wechidemera ngezuwa rokutambudzika, simba rako idoko" (Mazwi Akangwara 24 ndima 10).

Isusu tiri Vamwari. Tingarwiswa hedu. Asi simba redu ariperi. Tinonyisa zvega. Tinotonga. Tinonyisa ngozi dzeshe. Mambo Mwari ndivo simba rako. Ndizvo simba rako arisiri shomanani. Izvi ndizvo zvetinoona mubhuku yechipiri yaSamueri chitsauko chemakumi mairi nemairi ndima yemakumi matatu nechitatu. Inoti, "Mwari ndiye rusvingo rwangu runesimba; naye unobeura njira yangu kuti iperere".

Tsamba yokutanga yaJohani chitsauko chechirongomuna ndima yechirongomuna inoti, "Vana vadoko, imwimwi munobva kunaMwari, mwakavanyisa; ngokuti uwo uri mukati mwenyu wakakura kupinda uwo uri munyika". Iwewe wakabarwa ndiMwari. Saka simba raMwari ndiro rounoshandisa pakupona kwako. Izvi ndizvo zvetinoona mutsamba yechipiri kuvaKhorinte chitsauko chechitatu ndima yechishanu. Inoti, "Haiwa kuti isusu pachedu tagutswa, kuti tironze chiro kuti chinobva kwetiri, asi kugutswa kwedu kunobva kunaMwari".

Ndizvo azviiti kuti upererwe. Azviiti kuti unyiswe. Azviiti kuti ukoneswe kuwana zvounoda. Azviiti kuti ukoneswe kuita zvounoda. Iwewe waa muna Kristu. Saka wakatsanduka dzinza. Uyezve warurama saivo. Unosisira kuzwisisa izvi. Izvi zvinozoita kuti ushinge. Unozoshinga kunyazwi uri kurwiswa. Unozotsikira pashi izvozvo zveshe zvinokurwisa. Zviro izvi ndizvo zvinotozokugwinyisa.

Iwewe ungaa unozia kuti wakarurama. Apana chiro chinozokona kukuvhundusira. Apana munhu unozokona kukuvhundusira. Sathani aazokoni kukuvhundusira. Auzotyi kuti une ndaa. Auzovhunduki magaa. Unenge waa kuzwisisa kuti ndiwe wakaemerera Kristu. Uyezve kuti waa kuzikanwa ngezina ravo. Izvi zvinozoita kuti utsike nyoka. Nezvinyaada. Nemasimba eshe egaa. Unenge waa kuzwisisa kuti zviro zveshe izvi azvikoni kukukuwadza.

Ndizvo tonga matenda. Tonga madhimoni. Tonga rufu. Kumbira wakashinga. Wakagutsikana kuti urikuzwikwa. Ereketa samambo. Simba reVamwari ngarionekwe pakupona kwako. Hareruya!

Kumbira Weiti

Baba vendinoda. Ndinomubonga. Mwakandiita munhu akarurama. Mweya Wakachena wakandiita munhu akashinga. Ndimwi simba rangu. Ndizvo ndinotonga zviro zvokupona kuno. Ndinozvitonga ndechishandisa simba rekururama. Akuna chendinotya. Ndinoshandisa simba reVamwari pakupona kwangu. Mazwi angu akadzara simba. Mishando yangu yakadzara nyasha. Muzina raJesu. Ameni.

Dzimweni Ndima Dzinotsinhira Kufunda KwaNyamashi:

Varoma 8 ndima 35 kusvika 39

Varoma 5 ndima 17 AMPC



(Zvafundiswa izvi zvatorwa kubva mu:

Rhapsody of Realities (Ndau)

Rinonyorwa na:

Mufundisi Chris Oyakhilome DSc DD.

Munoriona pa: https://rhapsodylanguages.tniglobal.org/regions/

Zvimweni zvinofundiswa munozviona pa: https://bit.ly/Shona_Church