Jesu Vakanyisa Sathani Murindi ReMuriro

Muvhuro, 20 Ndira 2025

*Tiri kuda kugumisa zvinofundiswa izvi kuvanhu veshe, pashi reshe.* Chipo chako kudetsera pamushando uyu. Unokona kuchituma neEcoCash pa: *151*2*6*58225# Mwari vakufumisei

Wakadusapo vatongi nevanesimba, akavabudisa pamhene, echivanyisa ndiwo (VaKhorose 2 ndima 15).

Kristu vakanyisa. Vakanyisa Muchinjiko. Vakabva vaenda kurindi remuriro. Vakandoonyisa Sathani ikweyo. Asi vaiya vasiri kuzvirwira ivo. Vaiya vari kurwira isusu. Ivo vaiya vakatiemerera. Isusu tisu taisisira kukohomerwa paMuchinjiko. Asi vona ndivo vakatsanangura kukohomerwapo. Vechitsvaka kuti isusu tisakohomerwapo. Kuronza kuti takatokohomerwa paMuchinjiko. Takafa navo. Uyezve takaikwawo navo.

Jesu vakazoenda kurindi remuriro. Izvi ndizvo zvinoronza Bhaibheri. Mushaishi weshe waisisira kuenda kurindi remuriro. Apa Jesu vaiya vakaemerera vashaishi. Saka ndivo vaiya vatoa mushaishi wakhona. Ndiyo ndaa vakaendeswa kurindi remuriro. Ivo vaiya vasikazii chishaishi. Asi vakaitwa chishaishi zvakanyadaro. Izvi ndizvo zvetinoerenga muna 2 VaKhorinte 5 ndima 21. Inoti, Iye wakamuita kushaisha ngendaa yedu, uwo waiya asikazi kuzia kushaisha, kuti mwaari isusu tiite kururama kwaMwari.

Zvishaishi zvedu ndizvo zvakaendesa Jesu kurindi remuriro. Asi ikweyo ndikwo kwevakanonyisa zvishaishi. Ndikwo kwevakanonyisa Sathani. Ndikwo kwevakanonyisa madhimoni. Karakadza zvinoronza VaEfesu 4 ndima 9. Inoti, Wakakwira, zvinoronzenyi asi kuti makadzakazve kundau dziri pashi munyika?. Vanhu vaiya vari kuenda kurindi remuriro. Akuna wavo waiya ambokona kubuda mweriri. Asi Jesu vakabuda. Sathani wakatorana nevabati vake. Vakaedza kunyisa Jesu. Asi Jesu vakavanyisa veshe. Vakanyisa Sathani uyu.

Rindi remuriro yaiya iri ndau yaitongwa ndiSathani. Vaiamwo veshe vaisisira kumugwadamira. Asi Jesu avazi kumugwadamira. Madhimoni akamboedza kumanikidza Jesu ava. Echitsvaka kuti vagwadamire Sathani. Asi Jesu vakaanyisa. Vakaakandira kuretu. Vakaatorera masimba awo. Vakaanyisa kudaro zvisikwa zveshe zvechiona. Izvi ndizvo zvetinoziiswa muna VaKhorose 2 ndima 15. Iyi yaiya ichitoa hondo. Ihondo yakarwiwa murindi remuriro.

Mweya yechidima yeshe yakaona Jesu vechinyisa Sathani. Vakavaona vechimutorera masimba okukonyera vanhu murindi remuriro. Vakavaona vamutorera masimba okuuraya vanhu. Tichafunda izvi muchidzidzo chinoteera. Hareruya!

Kumbira Weiti
Baba vendinoda. Ndinomubonga. Kristu vakanyisa Sathani. Vakanyisa masimba echidima. Vaiya vasiri kuzvirwira ivo. Vaiya vari kurwira inini. Ivo vakanyisa chishaishi. Vakanyisa rufu. Vakanyisa rindi remuriro. Izvi zvinoronza kuti inini ndakanyisawo zviro zveshe izvi. Ndaa kupona somunhu akanyisa zviro izvi. Ndizvo ndinotonga zviro zvomunyika muno. Ndinotonga vabati vechidima. Ndinoshandisa masimba aKristu pakupona kwangu. Ndinopona somunhu ane kururama kwaKristu. Ndakatorwa ndikanyisa. Hareruya!

Dzimweni Ndima Dzinotsinhira Kufunda KwaNyamashi:
1 Vakorinde 15 ndima 54 kusvika 57
Vahebheru 2 ndima 14 kusvika 15
Vakorose 1 ndima 12 kusvika 13

(Chidzidzo ichi chatorwa kubva mu:
Rhapsody of Realities (Ndau)
Rinonyorwa ndi:
Mufundisi Chris Oyakhilome DSc DD.
Mungoriwana pa: https://rhapsodylanguages.tniglobal.org/regions/
Zvimweni zvinofundiswa munozviona pa: https://bit.ly/Shona_Church