Jesu Vakakunda Satani Mugomba ReMoto

Muvhuro, 20 Ndira 2025

*Tiri kuda kusvitsa dzidziso iyi kuvanhu vose, pasi rose.* Chipo chako chinogona kubatsira pabasa iri. Unogona kuchituma neEcoCash pa: *151*2*6*58225# Mwari vakuropafadze

Vakazotora vabati. Nemasimba. Ndokuvaita nhapwa. Ndokuvanika pachena. Kuti vavonekwe nezvisikwa zvose kuti vakanga vavakurira (Vakorose 2 ndima 15).

Muponesi vakakunda. Vakakunda Muchinjikwa. Vakabva vaenda kugomba remoto. Ndokunokurira Satani ikoko. Asi vakanga vasiri kuzvirwira ivo. Vakanga vari kurwira isu. Ivo vakanga vakatimiririra. Isu tisu taifanira kuroverwa paMuchinjikwa. Asi ivo ndivo vakasarudza kuroverwapo. Vachitsvaka kuti isu tisaroverwapo. Kureva kuti takatoroverwa paMuchinjikwa. Takafa navo. Uye takavigwavo navo.

Jesu vakazoenda kugomba remoto. Izvi ndizvo zvinotaura Bhaibheri. Mutadzi wose aifanira kuenda kugomba remoto. Apa Jesu vakanga vakamiririra vatadzi. Saka ndivo vakanga vatova mutadzi wacho. Ndiko kusaka vakaendeswa kugomba remoto. Ivo vakanga vasingazivi chivi. Asi vakaitwa chivi zvakadero. Izvi ndizvo zvatinoverenga muna 2 Vakorinde 5 ndima 21. Inoti, Muponesi ava vakanga vasina chivi. Vachitozviziva kuti vakanga vasina chivi. Asi Mwari vakavaita chipiriso chechivi. Kuti isu tive kururama kwavo kuya. Kuri muna Muponesi.

Zvivi zvedu ndizvo zvakaendesa Jesu kugomba remoto. Asi ikoko ndiko kwavakanokurira zvivi. Ndiko kwavakanokurira Satani. Ndiko kwavakanokurira mweya yerima. Rangarira zvinotaura Vaefeso 4 ndima 9. Inoti, Kukwira kudenga uku kunoreva kuti vakatanga vambodzika pasi. Kunzvimbo iri pasi penyika. Vanhu vakanga vari kuenda kugomba remoto. Hapana wavo akanga ambogona kubuda mariri. Asi Jesu vakabuda. Satani akatorana nevabati vake. Vakaidza kukurira Jesu. Asi Jesu vakavakurira vose. Vakakurira Satani uyu.

Gomba remoto yakanga iri nzvimbo yaitongwa naSatani. Vaivamo vose vaifanira kumugwadamira. Asi Jesu havana kumugwadamira. Mweya yakaipa yakamboidza kumanikidza Jesu ava. Ichitsvaka kuti vagwadamire Satani. Asi Jesu vakaikurira. Vakaikandira kure. Vakaitorera masimba ayo. Vakaikurira kudai zvisikwa zvose zvichivona. Izvi ndizvo zvatinoziviswa muna Vakorose 2 ndima 15. Iyi yakanga ichitova hondo. Ihondo yakarwiwa mugomba remoto.

Mweya yerima yose yakaona Jesu vachikurira Satani. Vakavavona vachimutorera masimba ekuvharira vanhu mugomba remoto. Vakavavona vamutorera masimba ekuuraya vanhu. Tichadzidza izvi muchidzidzo chinotevera. Hareruya!

Namata Uchiti
Baba vandinoda. Ndinokutendai. Muponesi vakakurira Satani. Vakakurira masimba erima. Vakanga vasiri kuzvirwira ivo. Vakanga vari kurwira ini. Ivo vakakurira chivi. Vakakurira rufu. Vakakurira gomba remoto. Izvi zvinoreva kuti ini ndakakuriravo zvinhu zvose izvi. Ndava kurarama semunhu akakurira zvinhu izvi. Saka ndinotonga zvinhu zvenyika ino. Ndinotonga vabati verima. Ndinoshandisa masimba aMuponesi pakurarama kwangu. Ndinorarama semunhu ane kururama kwaMuponesi. Ndakatorwa ndikakunda. Hareruya!

Dzimwe Ndima Dzinotsigira Chidzidzo ChaNhasi
1 Vakorinde 15 ndima 54 kusvika 57
Vahebheru 2 ndima 14 kusvika 15
Vakorose 1 ndima 12 kusvika 13

(Chidzidzo ichi chatorwa kubva mu:
Rhapsody of Realities (Shona)
Rinonyorwa na:
Mufudzi Chris Oyakhilome DSc DD.
Munoriwana pa: https://rhapsodylanguages.tniglobal.org/regions/
Zvimwe zvidzidzo munozviwana pa: https://bit.ly/Shona_Church