Runako RwoMunhu Ari Muna Kristu



China, 22 Ndira 2026



*Tiri kuda kugumisa zvinofundiswa izvi kuvanhu veshe, pashi reshe.* Chipo chako chinokona kudetsera pamushando uyu. Unokona kuchitumira ngeEcoCash pa:: *151*2*6*58225# Mwari vakufumise



"Nemwi mwakadzipfekedza munhu mutsva, uwo unomusirirwa muruziyo kuti aedzane nomuedzaniso wouwo wakamusika" (VaKhorose 3 ndima 10).

Iwewe ungaa wakabarwa kechipiri. Apa ndipo pewakabva wasikwa patsva. Uchisikwa wakarurama. Uchiera. Uri wakacheneswa. Ausiri mushaishi akakungurirwa. Uri munhu mutsva wemene. Auna nhoroondo yokupona kwekaretu. Wakasikwa patsva. Uchisikwa kudaro wakatodzana naMwari. VaKhorose yokutanga ndima yemakumi mairi nemairi inotsanangura zvouri. Inoti waa munhu unoera. Auchina ndaa youchakona kupomerwa. Mwari avana chishaishi chevanoona pouri. Avachina daka newe.

Waa kupinimidza saMwari. Waa kuereketa saMwari. Waa kuita zviro zvako saMwari. Uri mushando wenyara dzaMwari. Mwari vakakusika ngounyanzvi. Izvi ndizvo zvetinoona muna vaEfesu yechipiri ndima yegumi. Inoti, "Nokuti tiri basa remavoko aMwari. Takasikwa patsva. Kuri kuzvarwa patsva. Kechipiri. Tichizvarirwa muna Muponesi Jesu. Kuti tiite mabasa akanaka. Nekurarama hupenyu hwakanaka. Uhwo hwatakagara tarongerwa naMwari".

Iwewe wakabarwa kechipiri. Apa ndipo pewakauya waa akacheneswa. Ndipo pewakauya warurama. Saka ausiri kutsvaka kua akacheneswa. Ausiri kutsvaka kua munhu akarurama. Asi unosisira kuzviona somunhu akarurama kudaro. Unosisira kugara uchizviona somunhu akacheneswa. Ndikwo kuti kucheneswa kwakhona kutungamirire mapinimidziro ako. Ndikwo kuti kururama kwakhona kutungamirire zviito zvako. Kuchizoonekwa pakupona kwako. Ausiri munhu akangovandudzwa. Ausiri munhu akangotsanduka tsika. Waa munhu mutsva. Munhu wako wekaretu aachisiripopi. Iwewe wakabarwa kechipiri. Ndizvo wakatsanduka dzinza. Waa wengazi yaKristu. Waa wedzinza raKristu. Ndizvo wachena. Warurama. Waa kuera. Waa Mumwari. Wakapembedzwa.

Ndiyo ndaa usikasisiri kua mutera. Ndiyo ndaa usikasisiri kunyiswa. Nokuti kushaisha. Mwari vanosisira kuonekwa pouri. Simba raMwari rinosisira kuonekwa pouri. Izvozvo ndizvo zvewakasikirwa. Tsamba yokutanga yaPetro chitsauko chechipiri ndima yechipfumbamwe inoti, "Asi imwimwi muri dzinza rakatsanangurwa, muri voupristi hwoumambo, dzinza rakachena, vanhu vaMwari vaakadzionera, kuti muchumaire ngemishando inesimba yaakaita uwo wakamudaidza kubva muchidima, kuti mupotere mukujeka kwake kunoshamisa".

Mwari vakaronga kuti uve wedzinza ravo. Vakaronga kuti uite zviro zvinodakadza. Izvi ndizvo zvetinoona mutsamba yechipiri yaPetro chitsauko chokutanga ndima yechitatu. Inoti, "Simba rake rouMwari rakatipa zviro zveshe zvinotamika mukupona uku, nomukudira kubudikidza ngokuzia uwo wakatidaidza ngouthende hwake nokunaka". Chipona somunhu anozia dzinza rake. Vanhu ngavaone runako rwaKristu pouri. Ngavaone rudo rwaKristu pouri. Ngavaone mazano aMwari pouri. Ngavaone kuchena kwaKristu pouri. Ukwokwo ndikwo kupona kwako. Ndikwo kwewakarongerwa ndiMwari. Mwari ngavakudzwe saMwari.

Kumbira Weiti

Baba vendinoda. Ndinomubonga. Mwakandisika patsva. Apa ndipo pendakazobuda ndarurama. Ndaa akacheneswa. Ndaa kuera. Ndizvo ndakatsanduka dzinza. Runako rwenyu rwaa kuonekwa paendiri. Mazano enyu ndiwo endaa kushandisa pakupona kwangu. Rudo rwenyu rwaa kuonekwa pendiri. Simba renyu raa kuonekwa pendiri. Kupona kwangu kunopupurira nyasha dzenyu. Kunopupurira kururama kwenyu. Nesimba renyu. Muzina raJesu. Ameni.

Dzimweni Ndima Dzinotsinhira Kufunda KwaNyamashi:

Vaefeso 4 ndima 24

2 Vakorinde 5 ndima 17

Varoma 8 ndima 29

Jakobo 1 ndima 18



(Zvafundiswa izvi zvatorwa kubva mu:

Rhapsody of Realities (Ndau)

Rinonyorwa na:

Mufundisi Chris Oyakhilome DSc DD.

Munoriona pa: https://rhapsodylanguages.tniglobal.org/regions/

Zvimweni zvinofundiswa munozviona pa: https://bit.ly/Shona_Church