Mipinimidzo Yako Ngaive PaMukumbiro Wako



Soto, 25 Ndira 2026



*Tiri kuda kugumisa zvinofundiswa izvi kuvanhu veshe, pashi reshe.* Chipo chako chinokona kudetsera pamushando uyu. Unokona kuchitumira ngeEcoCash pa:: *151*2*6*58225# Mwari vakufumise



"Ngokuti kudai ndechikumbira ngendimi, mweya wangu unokumbira, asi mupinimidzo wangu auzwisisi." (1 VaKhorinte 14 ndima 14).

Kukumbira ngendimi kwakakosha. Chinotoa chiro chetinoita ngemweya yedu. Ngechimweni chezviro zvakakosha yaamho zvinoitwa ngemweya yedu. Ndimi mutauro weMweya Wakachena. Ndiwo wetinoshandisa kuronza zviro zveVamwari. Ndizvo iwewe unganamata ngendimi. Mweya wako unenge uri kuereketa naMwari pachezvao. Mazwi ako anenge asikatangi apinda ngemumipinimidzo yako.

Asi mipinimidzo yako inosisira kunge iri pamunamato wako uyu. Ndikwo kuti munamato wakhona uve nesimba rakawanda. Isa mipinimidzo yako pazviro zvounenge uri kunamatira zvakhona. Mipinimidzo yako ingada hayo kupota ichida kubva pamukumbiro uyu. Ichifunga zvakawanda wanda. Asi usairekera ichidaro. Ipetudze pamukumbiro wako.

Mweya Wakachena vanozoonesa mipinimidzo yako iyi zviro zvomweya. Vechidzipa mazano eVamwari. Vanozoita kuti uzvione uchinasirisa zviro. Uchiita mishando yeVamwari. Saka mipinimidzo yako aisisiri kubva pamukumbiro wako. Ndikwo kuti ione zviri mumweya. Iwewe unosisira kuashira zvounenge waona izvi. Ndizvo zvinosisira kutungamirira mishando yako. Ngokudaro unozoita kuti zvinodiwa ngedenga zviitike munyika muno. Ndikwo kushanda pamwepo neMweya Wakachena kwounenge uri kutoita ukwokwo.

Kupona kweVamwari kunoraramiwa mumweya. Kupona uku kune kuzorora. Kune kudakara. Kune kunyisa. Mweya Wakachena vanozoita kuti ugare wakagwinya. Wakamuka. Uchigonda ndiMwari. Ndizvo varekere vakutungamirire pakukumbira. Ita zvevanokupanga. Varekere vashande mwouri. Hareruya!

Kumbira Weiti

Baba vendinoda. Ndinokumbira mumweya izvozvi. Saka imwimwi munondionesa zviro zvomumweya. Ngokudaro ndinoronga kupona kwangu. Ndechiita kuti kupinde mugwara remwakaronga imwimwi. Ndinomubonga. Munoita kuti mweya wangu uhambirane nezvomunoda imwimwi. Saka ndinoshandisa mazano enyu pakupona kwangu. Ndinoshandisa simba renyu. Uyezve ndinorarama kupona kweVamwari. Muzina raJesu.

Dzimweni Ndima Dzinotsinhira Kufunda KwaNyamashi:

Judhi 1 ndima 20

Varoma 8 ndima 26

1 Vakorinde 14 ndima 2



(Zvafundiswa izvi zvatorwa kubva mu:

Rhapsody of Realities (Ndau)

Rinonyorwa na:

Mufundisi Chris Oyakhilome DSc DD.

Munoriona pa: https://rhapsodylanguages.tniglobal.org/regions/

Zvimweni zvinofundiswa munozviona pa: https://bit.ly/Shona_Church