Taiya Takakodzera Kupuwa Chipo Ichi



Chipiri, 27 Ndira 2026



*Tiri kuda kugumisa zvinofundiswa izvi kuvanhu veshe, pashi reshe.* Chipo chako chinokona kudetsera pamushando uyu. Unokona kuchitumira ngeEcoCash pa:: *151*2*6*58225# Mwari vakufumise



"Kudai, ngokuti munhu umwe wakashaisha, rufu rwakatonga kubudikidza ngomunhu umwe, kakurutu avo vanoashira ngokuwanda kwenyasha nechipo chokururama vanozotonga mukururama kubudikidza ngomunhu umwe, Jesu Kristu" (VaRoma 5 ndima 17).

Isusu taa muna Kristu Jesu. Tine kururama kwetakawana mwevari. Kururama uku kunoshamisa yaamho. Takapuwa kururama uku sechipo. Asi taiya takakodzera hedu kuchipuwa. Asi dangani umweni ungati, "Inini ndaiya ndechifunga kuti taiya tisikazi kukodzera kupuwa chipo ichi". Ichi achisiri gwinyiso. Isusu taiya takakodzera kupuwa kururama. Rekera nditsanangure kuti sei ndechidaro.

Vanhu vaa kukona kutsanduka dzinza. Vaa kukona kua vedzinza raMwari. Asi izvi azvizi kutangira paMuchinjiko. Zvakatangira pakamuka Jesu kubva kwevakafa. Asi izvi zvinorenzei? Mwari vakamusa Jesu kubva kwevakafa. Apa ndipo pevakamuka vaa nokururama kwaMwari. Hino isusu takamukawo pamwepo navo musi uyu. Kumuka kwavo uku ndiko kwakanga kuri kubarwa kwavo kechipiri.

Karakadza mazwi omunyori weNduyo. Phauri wakatsinhira mazwi amweni ega awawo. Tinoaerenga muna Zvakaitwa yegumi nechitatu ndima yemakumi matatu nechitatu. Inoti, "Kuti Mwari wakachidzadzisa ichi kwetiri vana vavo, ngokumumusa Jesu, kudai ngezvakanyorwawo munduyo yechipiri yechiti, 'Iwewe uri Mukororo wangu, nyamashi ndaita Baba ako". Mambo Jesu ndivo vakatanga kutsandurwa dzinza. Vechiitwa chipuka chitsva. Vakatsandurwa kudaro pevakamuswa kubva kwevakafa. Apa isusu taiya tiri mwevari. Saka takamuswa pamwepo navo. Saka iwewe wakatsandurwawo dzinza. Waa chipuka chitsva. Ndizvo auchisiri mushaishi. Ena mushaishi uya achiri kutsvaka kuzwirwa tsitsi.

Zvishaishi zvako zveshe zvakaikwa pamwepo naKristu. Munhu wako wekaretu wakakohomerwa pamuchinjiko. Wakakohomerwerwapo pamwepo naJesu. Hunhu hwako hwakashata hwakakohomerwa pamuchinjiko apa. VaRoma yechitanhatu ndima yechina inoti, "Ndizvo takaikwa pamwepo naye ngokubhabhatidzwa murufu, ndizvo kudai ndiKristu akamuswa kubva kwevakafa ngouthende hwaBaba, ngokudaro isusuwo tihambe mukupona kutsva". Mambo Jesu vakamuswa kubva kwevakafa. Isusu takamuswawo apapo. Taiya tiri kutobarwa kechipiri. Techibarwa tatsanduka dzinza. Ndipo petakauya taa nokururama kwavo. Kuronza kuti taiya takatokodzera kupuwa kururama kwavo.

Isusu takabarwa ndiMwari. Ndiyo ndaa taiya takakodzera kupuwa kururama kwaMwari. Taa vaMwari zvino. Iwewe unosisira kuzwisisa izvi. Ndizvo zvinosisira kuumba ukama hwako naMwari. Iri ndiro shoko revakatituma kuchumairira vanhu. Ndiro shoko retinofundisa vanhu. Vanhu veshe vakatoitwa vakarurama. Kururama kwavo uku kuri muna Kristu Jesu. Mwari vanoda kuti vanhu vazie izvi. Ivo avasisiri kushandira kururama uku. Akutoshandirwi. Kunopuwa munhu sechipo. Chipo ichi chakatengwa ngengazi yaKristu Jesu. Jesu vakatobhadhara kuti tipuwe chipo ichi. Ndicho chipo chetakakodzera kupuwa. Hareruya!

Kumbira Weiti

Baba vendinoda. Ndinomubonga. Mwandidetsera kuzwisisa kururama kwangu. Ikwo kururama kwendakawana muna Kristu Jesu. Ndinopona somunhu akamuswa pamwepo naKristu. Akaruramiswa. Akabarwa akarurama. Ndinotonga zviro zvomunyika muno. Ndinoonekwa kuti ndiri munhu wedzinza renyu. Ndinoita zvomunoda imwimwi. Ndinozviita ndakashinga. Ndakadakara. Muzina raJesu. Ameni.

Dzimweni Ndima Dzinotsinhira Kufunda KwaNyamashi:

Varoma 5 ndima 12 kusvika 17

2 Vakorinde 5 ndima 21

Varoma 6 ndima 4



(Zvafundiswa izvi zvatorwa kubva mu:

Rhapsody of Realities (Ndau)

Rinonyorwa na:

Mufundisi Chris Oyakhilome DSc DD.

Munoriona pa: https://rhapsodylanguages.tniglobal.org/regions/

Zvimweni zvinofundiswa munozviona pa: https://bit.ly/Shona_Church