Zvinoda Simba ReVamwari



Chitatu, 28 Ndira 2026



*Tiri kuda kugumisa zvinofundiswa izvi kuvanhu veshe, pashi reshe.* Chipo chako chinokona kudetsera pamushando uyu. Unokona kuchitumira ngeEcoCash pa:: *151*2*6*58225# Mwari vakufumise



"Asi munozoashira simba apo Mweya Wakachena auya padera penyu; nemwi munoita zvapupu zvangu. ..." (Zvakaitwa 1 ndima 8).

Isusu tikachumaira Vhangeri, tinosisira kushandisa simba reVamwari kurichumaira. Vhangeri iri rinosisira kutsigirwa ngemioniso. Asi andisiri kuti rinosisira kutsigirwa ngemashiripiti. Simba reMweya Wakachena ndiro rinoita mioniso. Mweya waMwari vari mwetiri. Ndivozve vanohamba nesu. Ivo ndivo simba retinoshandisa pakupona kwedu. Zvetinoda zveshe zviri mwevari. Tsamba yechipiri kuvaKhorinte chitsauko chechitatu ndima yechishanu kuguma yechitanhatu inoti, "Haiwa kuti isusu pachedu tagutswa, kuti tironze chiro kuti chinobva kwetiri, asi kugutswa kwedu kunobva kunaMwari, uwo wakatiita vanokona kuita vashandiri vechitenderano chitsva. ...".

Mwari vane mushando wevakakupa. Mushando uyu mushando weMweya Wakachena. Wakaupuwa ndiMweya Wakachena pachezvavo. Aukoni kuuita uri wega. Ivo ndivo vanosisira kukudetsera kuuita. Ndikwo kuti pasaa nechousikazokoni kuita. Ndiyo ndaa uchisisira kudyidzana navo.

Mwari vaiya vechida havo kuti vadzidzi vanochumaira Vhangeri. Asi vaisisira kuvayambira. Tinoerenga yambiro yakhona muna Ruka yemakumi mairi nemarongomuna ndima yemakumi marongomuna nechipfumbamwe. Inoti, "Penyai, ndinotuma chigondiso chaBaba angu padera penyu; asi garai mudhodobha, metsa mupfekedzwe ngesimba rinobva mudenga". Simba iri rakazouya. Rakauya muna Zvakaitwa yechipiri ndima yokutanga kuguma yechirongomuna. Ndipo vadzidzi vaya pevakadzadzwa ngeMweya Wakachena.

Zviro zvakabva zvatsanduka kubva musi uyu. Vadzidzi vaya vakatanga kuchumaira Vhangeri. Vechirichumaira zvinoshamisa. Vakarichumaira vakashinga. Simba raMwari rechionekwa pevaichumaira kudaro. Mweya Wakachena vakaita mioniso. Vakaita zvishamiso. Hareruya!

Mambo vane shoko revakatipa. Iri ishoko retinosisira kuziisa vanhu. Asi mipinimidzo yevanhu aikoni kuashira Vhangeri iri. Vanongoriashira zvega kana rikauya riine simba reVamwari. Vanhu vemuBhaibheri ndivo vaitosisira kukona kuashira vhangeri iri. Asi naivo avazi kukona kuriashira. Mweya Wakachena ndivo vakatozovadetsera kuriashira. Kuronza kuti vanhu venguwa ino avangatomboriashiri zvachose. Mweya Wakachena ndivo vanotosisira kuvadetsera kuriashira. Tinosisira kuonesa vanhu ava kuti vhangeri iri ngeregwinyiso. Baba vedu vomudenga vanotozia izvi. Vakatotipa zveshe zvinodiwa kuti vanhu vaashire vhangeri rakhona.

Iwewe ausisiri kutsvaka kuti Mwari vapupurire vhangeri iri. Ivo ndivo vari kutokuziisa izvi. Ndivo vari kutotsvaka kuripupurira. Vakawanda vanokumbira vechiti, "Mwari woye! Ndinoda kuchumaira Vhangeri. Ndinoda kuti simba renyu rionekwe pendinorichumaira kudaro". Iwewe ausisiri kukumbira uchidaro. Mwari vanotozvizia. Ndivo vari kutokupa shungu dzokuchumaira Vhangeri ngenjirayo. Ndizvo iwewe ingotenda kutungamirwa ndivo. Varekere vakuonise zvemene zvokuita.

Iwewe ungaa wakaashira Mweya Wakachena. Izvi zvinoronza kuti une simba rewaa naro. Iri isimba rokua chapupu chinokona mushando. Waa kukona kupupurira Vhangeri iri. Nyasha dzavo dziri kushanda mwouri. Gonda ngenyasha idzi. Gonda ngeIzwi ravo. Ivo vangaereketa kumwoyo wako. Vechikuonesa zvokuita. Ashira mazwi avo aya. Ndikwo kuti ukone kuita mionis. Mioniso yakhona ingasaa hayo nemashiripiti mukati.

Kumbira Weiti

Muzina raMambo Jesu. Inini ndinoshandisa simba reMweya Wakachena pakupona kwangu. Ndinotenda kutongwa ngeMweya Wakachena. Ndivo vanondipa mazano. Ndivo vanondipa mazwi okuereketa. Ndivo vanopupurira vhangeri rendinochumaira. Vechiritsigira ngemionis. Ndinogumisa simba reVamwari kuvanhu. Ndinonasirisa matambudziko. Ndinotsandura kupona kwevanhu. Ndinodetsera dzinyika. Ndinoita zveshe izvi ndechidetserwa ngesimba reMweya waMwari. Ameni.

Dzimweni Ndima Dzinotsinhira Kufunda KwaNyamashi:

Zakariya 4 ndima 6 NKJV

1 Vakorinde 2 ndima 4 kusvika 5 AMPC

Mabasa 14 ndima 3 NIV



(Zvafundiswa izvi zvatorwa kubva mu:

Rhapsody of Realities (Ndau)

Rinonyorwa na:

Mufundisi Chris Oyakhilome DSc DD.

Munoriona pa: https://rhapsodylanguages.tniglobal.org/regions/

Zvimweni zvinofundiswa munozviona pa: https://bit.ly/Shona_Church