Zvinoda Simba ReVamwari



Chitatu, 28 Ndira 2026



*Tiri kuda kusvitsa dzidziso iyi kuvanhu vose, pasi rose.* Chipo chako chinogona kubatsira pabasa iri. Unogona kuchituma neEcoCash pa: *151*2*6*58225# Mwari vakuropafadze



"Asi muchawana simba. Muchariwana kana Mweya Mutsvene vauya pamusoro penyu. Mugogona kuva zvapupu zvangu. ..." (Mabasa 1 ndima 8).

Isu tingaparidza shoko reRuponeso. Tinofanira kushandisa simba reVamwari kuriparidza. Shoko iri rinofanira kutsigirwa neminana. Asi handisi kuti rinofanira kutsigirwa nemashiripiti. Simba raMweya Mutsvene ndiro rinoita minana. Mweya vaMwari vari matiri. Ndivo vanofamba nesu zvekare. Ivo ndivo simba ratinoshandisa pakurarama kwedu. Zvatinoda zvose zviri mavari. Tsamba yechipiri kuVakorinde chitsauko chetatu ndima yeshanu kusvika yetanhatu inoti, "Tisingazviidzi nyanzvi isu pachedu. Zvekuti tingatozvikudza. Asi tinoshanda nehunyanzvi hwaMwari. Ivo vakatiita vashumiri vaya. Vanoshumira sungano itsva. Vanogona basa. ...".

Mwari vane basa ravakakupa. Basa iri ibasa raMweya Mutsvene. Wakaripiwa naMweya Mutsvene pachavo. Haugoni kuriita uri woga. Ivo ndivo vanofanira kukubatsira kuriita. Ndiko kuti pasava nechaunozokoniwa kuita. Ndiko kusaka uchifanira kudyidzana navo.

Mwari vakanga vachida havo kuti vadzidzi vanoparidza Ruponeso. Asi vakafanira kuvayambira. Tinoverenga yambiro yacho muna Ruka yemakumi maviri nemana ndima yemakumi mana nepfumbamwe. Inoti, "Asi tarirai. Ndichakutumirai chinhu chiya. Chamakavimbiswa naBaba vangu. Chichauya pamuri. Asi chimborambai muri muJerusarema. Kusvika mapiwa simba richabva kudenga". Simba iri rakazouya. Rakauya muna Mabasa yechipiri ndima yekutanga kusvika yechina. Ndipo vadzidzi vaya pavakazadzwa naMweya Mutsvene.

Zvinhu zvakabva zvashanduka kubva musi uyu. Vadzidzi vaya vakatanga kuparidza Ruponeso. Vachiruparidza zvinoshamisa. Vakaruparidza vakashinga. Simba raMwari richivonekwa pavaiparidza kudai. Mweya Mutsvene vakaita minana. Vakaita zvishamiso. Hareruya!

Ishe vane shoko ravakatipa. Iri ishoko ratinofanira kuzivisa vanhu. Asi pfungwa dzevanhu hadzigoni kugamuchira shoko iri. Vanongorigamuchira chete kana rikauya riine simba reVamwari. Vanhu vemuBhaibheri ndivo vaitofanira kugona kugamuchira shoko iri. Asi naivo havana kugona kurigamuchira. Mweya Mutsvene ndivo vakatozovabatsira kurigamuchira. Kureva kuti vanhu venguva ino havangatomborigamuchiri zvachose. Mweya Mutsvene ndivo vanotofanira kuvabatsira kurigamuchira. Tinofanira kutaridza vanhu ava kuti shoko iri nderechokwadi. Baba vedu vekudenga vanotoziva izvi. Vakatotipa zvose zvinodiwa kuti vanhu vagamuchire shoko racho.

Iwe haufaniri kutsvaka kuti Mwari vapupurire shoko iri. Ivo ndivo vari kutokuzivisa izvi. Ndivo vari kutotsvaka kuripupurira. Vakawanda vanonamata vachiti, "Nhai Mwari! Ndinoda kuparidza shoko reRuponeso. Ndinoda kuti simba renyu rivonekwe pandinoriparidza kudai". Iwe haufaniri kunamata uchidai. Mwari vanotozviziva. Ndivo vari kutokupa shungu dzekuparidza Ruponeso nenzira iyi. Saka iwe ingobvuma kutungamirwa navo. Varege vakutaridze chaizvo zvekuita.

Iwe ungava wakagamuchira Mweya Mutsvene. Izvi zvinoreva kuti une simba rawava naro. Iri isimba rekuva chapupu chinogona basa. Wava kugona kupupurira shoko reRuponeso iri. Nyasha dzavo dziri kushanda mauri. Vimba nenyasha idzi. Vimba neShoko ravo. Ivo vangataura kumoyo wako. Vachikutaridza zvekuita. Gamuchira mashoko avo aya. Ndiko kuti ugone kuita minana. Minana yacho ingasava hayo nemashiripiti mukati.

Namata Uchiti

Muzita raIshe Jesu. Ini ndinoshandisa simba raMweya Mutsvene pakurarama kwangu. Ndinobvuma kutongwa naMweya Mutsvene. Ndivo vanondipa mazano. Ndivo vanondipa mashoko ekutaura. Ndivo vanopupurira shoko randinoparidza. Vachiritsigira neminana. Ndinosvitsa simba reVamwari kuvanhu. Ndinogadzirisa matambudziko. Ndinoshandura hupenyu hwevanhu. Ndinobatsira dzinyika. Ndinoita zvose izvi ndichibatsirwa nesimba raMweya vaMwari. Ameni.

Dzimwe Ndima Dzinotsigira Chidzidzo ChaNhasi

Zakariya 4 ndima 6 NKJV

1 Vakorinde 2 ndima 4 kusvika 5 AMPC

Mabasa 14 ndima 3 NIV



(Chidzidzo ichi chatorwa kubva mu:

Rhapsody of Realities (Shona)

Rinonyorwa na:

Mufudzi Chris Oyakhilome DSc DD.

Munoriwana pa: https://rhapsodylanguages.tniglobal.org/regions/

Zvimwe zvidzidzo munozviwana pa: https://bit.ly/Shona_Church)