Ereketa NgeNdimi. Uone Zvounokwanisa Kuita Mumweya



Chishanu, 30 Ndira 2026



*Tiri kuda kugumisa zvinofundiswa izvi kuvanhu veshe, pashi reshe.* Chipo chako chinokona kudetsera pamushando uyu. Unokona kuchitumira ngeEcoCash pa:: *151*2*6*58225# Mwari vakufumise



"Ngokuti uwo unoereketa ngendimi aaereketi kunevanhu asi kunaMwari; ngokuti apana munhu unomuzwa, asi unoereketa zvakafishika muMweya" (1 VaKhorinte 14 ndima 2).

Iwewe ungaa uri kuereketa ngendimi. Unokona kubva watotanga kuona zviro zvounokona kuita. Uchizviona mumweya. Waiya uchizvizia ere? Ndiyo ndaa uchisisira kurekera Mweya Wakachena vechitungamirira mipinimidzo yako pounokumbira. Kuona mumweya kuri pairi. Mwari vane zviro zvevanokona kuonesa mweya wako. Asi mweya wako unokonawo kuronga zviro. Iwewe uchizozviona uchikona kuita zviro izvi.

Kakawanda tinongoemera kuti Mwari vationise zviri mumweya. Asi Mwari avationisi zviro zuwa rimwe ngarimwe. Vanongotionisa pevanodira ivo. Ndookana pane zviro zvevari kuda kuti tiite. Asi iwewe wakabarwa kechipiri. Mwari vakakutsandura dzinza. Vakakuita munhu wedzinza ravo. Izvi ndizvo zvetinoona mutsamba yechipiri yaPetro chitsauko chokutanga ndima yechirongomuna. Hino Mwari musiki. Asi iwewe watodzana navo. Kuronza kuti newewo waa kukona kusika zviro. Ndizvo waa kukona kushandisa mipinimidzo yako. Unoishandisa kuona mumweya. Uchiona zviro zvounokona kuita. Saka ukaereketa ngendimi, Mweya Wakachena vanokona kubva vakuonisa zviri mumweya. Kana kuti mweya wako unokona kutanga kuona zviro zvounokona kuita iwewe. Mweya Wakachena ndivo vanenge vari kudetsera mweya wako kuona zviro zvakhona.

Ndizvo pangaa nezviro zvounoda kunasirisa. Zviro zvakhona zvingaa muchiara chako. Nokuti mudhorobha rako. Nokuti mukupona kwako. Nokuti munyika mwemene. Ereketa ngendimi. Mweya Wakachena vanobva vatanga kukudetsera kuona zviro zvounosisira kuita. Iwewe ibva waongorora kuti zviro zvakhona ndizvo zvemene zvinodiwa ndiMwari ere. Wobva watozviita.

Ngatiti waiya uri kukumbirira dhorobha rako. Uchida kuti Mwari vashande mudhorobha iri. Dangani unoda kuti vanhu vakawanda vaponeswe mudhorobha iri. Mweya wako ngautange kuona vanhu vechiponeswa. Vaone uchikumbira kudaro. Mipinimidzo yako ngaione mishando yaMwari ichikurumbira mudhorobha iri.

Mwari vakakuita muemereri wavo. Ndizvo ndiwe unosisira kutoronga zvinosisira kuitika munyika. Unongosisira zvega kungwarira kuti zviro zvacho zvive zvinowirirana neIzwi ravo. Ndiyo ndaa uchisisira kugara uchikumbira ngedzimweni ndimi. Ndikwo kuti ukone kuona zvounokwanisa kuita kukumikidza kuna Mwari zvounenge uri kuona izvi. Ndivo vanosisira kuzokutendera kuzviita. Iwewe wobva wazviita. Mwari ngavairikidzwe!



Pupura Weiti

Inini ndinoereketa ngedzimweni ndimi. Ndinoronga zviro mumweya. Ndechironga zvokuita. Mweya wangu unobata pamwepo neMweya Wakachena. Ndiyo ndaa ndechikona kuronga zviro mumweya kudaro. Ndinoronga zviro zvokupona kwangu. Ndinoronga zvinosisira kuitika mudhorobha rangu. Ndinoronga zvinosisira kuitika munyika. Zvendinoronga zveshe izvi zvinowirirana nezvakarongwa ndiMwari. Saka ndinonyisa zveshe zvendinoshongana nazvo. Mweya Wakachena vechindidetsera kubudirira pane zveshe zvendinoita. Ameni.

Dzimweni Ndima Dzinotsinhira Kufunda KwaNyamashi:

1 Vakorinde 14 ndima 2 NKJV

2 Pita 1 ndima 4 AMPC

Judhi 1 ndima 20 TPT



(Zvafundiswa izvi zvatorwa kubva mu:

Rhapsody of Realities (Ndau)

Rinonyorwa na:

Mufundisi Chris Oyakhilome DSc DD.

Munoriona pa: https://rhapsodylanguages.tniglobal.org/regions/

Zvimweni zvinofundiswa munozviona pa: https://bit.ly/Shona_Church