Ngapasaa NeChounotya

China, 2 Chivabvu 2024

*Tiri kuda kugumisa zvinofundiswa izvi kuvanhu veshe, pashi reshe.* Chipo chako kudetsera pamushando uyu. Unokona kuchituma neEcoCash pa: *151*2*6*58225# Mwari vakufumisei

“Ngokuti kunyazwi ngechiri chakabarwa ndiMwari chinonyisa nyika. Nouku ndikwo kunyisa kwakanyisa nyika, ndikwo kugonda kwedu” (1 Johani 5 ndima 4).

Munyika mwadzara mazwi okuvhundusira vanhu. Ndizvo kune vaa kugara veitya. Vanotya vakhona ngevaya vasikazi kudzika midzi yavo muIzwi raMwari. Asi dangani iwewe uri Mukristu. Wakagara pamwepo naKristu. Pewakagara pakhona ndipo panogara Vamwari. Vanhu vanogara apa vanotonga zviro zvomunyika muno. Izvi zvinoronza kuti wakaita somunhu ari padera pegomo.

Saka ungashongana nezviro. Zviro izvi zvingaa zvinotsvaka kukutorera kudakara. Zvingaa zvinotsvaka kukushaishidzira. Usavhunduka zviro izvi. Dangani ungaronzerwa kuti une denda rewabata. Denda rakhona ringaa rakashata yaamho. Usatya hako. Denda iri arikoni kukuuraya. Jesu vane mazwi evakaronza. Tinoaerenga muna Ruka 10 ndima 19. Inoti, “Penyai, ndakamupa simba rokutsika nyoka nezvinyaada, nepadera pesimba reshe regaa; akuna nechiro nachimwe chinozomuremadza”.

Iwewe waa munhu wedzinza reVamwari. Pona somunhu anozia izvi. Waa wengazi yeVamwari. Ndizvo auchaponi ngengazi yevanhu vomunyika muno. Waa kuraramiswa ngoMweya waMwari. Mweya ava vanogara mwouri. Izvi ndizvo zvetinoona muna vaRoma 8 ndima 11. Inoti, “Kudai Mweya wouwo wakamusa Jesu kubva kwevakafa wechigara mukati mwenyu, uwo wakamusa Kristu kubva kwevakafa unozoponesazve miiri yenyu inofa ngoMweya wake unogara mukati mwenyu”. Ndima iyi iri kuronza zvewaa zvemene. Aisiri kuronza zvouchazoa ngerimweni zuwa. Mweya Wakachena waa kugara mwouri. Ndivo vaa kuraramisa muiri wako wenyama.

Dangani wakatobatwa denda. Ukatozwi denda rakhona aricharapiki. Usatya hako. Ramba uchironza Izwi raMwari. Rironze mhera ngazi yeVamwari yaa kutonga munyama yako. Ereketa somunhu anogonda ndiMwari. Uerekete weiti, “Pane Mweya unogara mwendiri. Mweya uyu ndiwo uya wakamusa Jesu kubva kwevakafa. Mweya uyu unoponesa muiri wangu wenyama. Ndizvo ndaa mutano. Ndaa mutano saMwari”.

Ema wakagwinya. Uchigonda ndiMwari. Uchironza zvakaronzwa ndiMwari. Zvironze kunyazwi unenge uri kurwadziwa. Zvironze kunyazwi zviro zvisikazi kukuemera zvakanaka. Mwari vane mazwi evakatoronza. Tinoaona muIzwi ravo. Vakati iwewe wakatonyisa karetu. Vakati une masimba anopinda aSathani. Vakati une masimba anopinda emweya yechidima. Ndizvo chitobva waronza izvozvi. Ronza kuti unogara uchinyisa. Izwi raMwari ndiro rinokudetsera kunyisa. Uyezve Mweya Wakachena vanokudetserawo kunyisa kudaro. Ndizvo unonyisa zvirwere. Unonyisa matenda. Unonyisa rufu. Hareruya!

Pupura Weiti
Kupona kwangu ngokweVamwari. Kunoemurika. Akuna chinofa mukupona kwangu. Ndinobudirira pane zveshe zvendinoita. Ndinogara ndechinyisa. Ndinogara ndiri mutano. Ndaa munhu wengazi yeVamwari. Ndizvo ndinogara ndeinyisa zviro zvomunyika muno. Zvona zviya zvinotsvaka kuparadza vanhu. Ndinopona ngeIzwi raMwari. Ndinoponawo ngeMweya Wakachena. Saka ndinonyisa zvirwere. Ndinonyisa matenda. Ndinonyisa utera hweshe. Muzina raJesu. Ameni.

Dzimweni Ndima Dzinotsinhira Kufunda KwaNyamashi:
1 Johane 4 ndima 4
VaRoma 8 ndima 35 kusvika 37
VaRoma 8 ndima 10 kusvika 11 NIV

(Zvetafundiswa izvi zvatorwa kubva mu:
Rhapsody of Realities (Ndau)
Rinonyorwa ndi:
Mufundisi Chris Oyakhilome DSc DD.
Mungoriwona pa: https://rhapsodylanguages.tniglobal.org/regions/
Zvimweni zvinofundiswa munozviona pa: https://bit.ly/Shona_Church