Unosisira Kupona SoMumwari

Mugubera, 17 Chivabvu 2025

*Tiri kuda kusvitsa dzidziso iyi kuvanhu vose, pasi rose.* Chipo chako chinogona kubatsira pabasa iri. Unogona kuchituma neEcoCash pa: *151*2*6*58225# Mwari vakuropafadze

Nouthende hwomwakandipa, ndakahupawo kwavari, kuti vaite umwe kudai tisu tiriumwe (Johani 17 ndima 22).

Johani yegumi nechinomwe ine mukumbiro weinotipa. Uyu mukumbiro wakaitwa ndiMambo Jesu. Apa Jesu vaiya vari kukumbira zvine shungu. Vaiya vachangobva kuvhaisana nevadzidzi vavo. Nguwa yokusungwa kwavo yaiya yaa pasimba. Vechizookohomerwa paMuchinjiko. Jesu vakaonisa kudakarira vadzidzi vavo pamukumbiro uyu. Vechishuwira kuti vadzidzi ava vadziirirwe. Vabatane. Uyezve vatsanangurwe.

Mazwi etabeura ndiwo anotorwa mumukumbiro uyu. Mazwi aya anoti, Nouthende hwomwakandipa, ndakahupawo kwavari, kuti vaite umwe kudai tisu tiriumwe. Mazwi aya akadzama yaamho. Vona vakatiita vedzinza ravo. Mwari ngavakudzwe. Vakacheneswa vakawanda vanokumbira veiti, Mwari woye. Isusu atidi kutora mbiri yenyu. Izvi zvinoita sezvine musoro hazvo. Asi azvina zvezvinoronza. Zvinopesana neIzwi raMwari.

Jesu vakaitwa vedzinza raMwari. Vakabva vatiitawo vedzinza raMwari. Kuronza kuti taawo nembiri yavo. Jesu pachezvavo ndivo vakaronza kudaro. Ndizvo taa kusisira kupona seVamwari. Tsvaka kuzwisisa izvi. Vapristi vekare vaiva nehanzu dzevaishandisa. Muhanzu idzi ndimwo mwaia nesimba raMwari. Hanzu idzi dzaiya dzechionesa kururama. Hanzu dzakhona dzaitozwi hanzu dzokururama. Simba raMwari iri ndiro retakapfekedzwa ndiJesu. Hareruya!

Ndizvo pona soMumwari. Kuronza kuti unosisira kushandisa pfuma yeshe yevakakupa. Asi dangani ungagara uchirwara. Dangani ungaa murombo. Dangani ungapona muzvishaishi. Unenge usiri kurarama kupona kweVamwari. Mwari vakaronga kuti unyise zveshe zvounoshongana nazvo mukupona. Vakaronga kuti ugare wakapfuma. Vakaronga kuti uve mutano savo. Vakaronga kuti utonge mukupona. Kupona uku ndikwo kwounosisira kupona. Simba ravo rinozoonekwa pakupona kwako. Unozoawo nepfuma yawanda.

Shandisa zveshe zvewakapuwa ndiMwari. Usasiya zvimweni. Uri jinda raMwari. Wakatsaurwa. Wakatsanangurwa. Wakapembedzwa. Wakaitwa munhu wedzinza reVamwari. Ndizvo simba raMwari rinosisira kuonekwa pouri. Izvi ndizvo zvetinoziiswa muna 1 Petro 2 ndima 9. Inoti, Asi imwimwi muri dzinza rakatsanangurwa, muri voupristi hwoumambo, dzinza rakachena, vanhu vaMwari vaakadzionera, kuti muchumaire ngemishando inesimba yaakaita uwo wakamudaidza kubva muchidima, kuti mupotere mukujeka kwake kunoshamisa.

Kumbira Weiti

Baba vakarurama. Ndinomubonga. Inini ndaa muna Kristu Jesu. Ndizvo mwakandiita munhu wedzinza renyu. Andicharwari. Andichina chendinotama. Andichina chendinotya. Ndinoshinga kupona soMumwari. Ndechizia kuti mwakandipa pfuma yenyu. Muzina raJesu. Ameni.

Dzimweni Ndima Dzinotsinhira Kufunda KwaNyamashi:
Isaya 60:1-2
2 VaKorinte 3:18
1 Petro 2:9 AMPC
VaRoma 8:30

(Chidzidzo ichi chatorwa kubva mu:
Rhapsody of Realities (Ndau)
Rinonyorwa na:
Mufundisi Chris Oyakhilome DSc DD.
Munoriwana pa: https://rhapsodylanguages.tniglobal.org/regions/
Zvimwe zvidzidzo munozviwana pa: https://bit.ly/Shona_Church