Izwi Retakabatiswa Iri Rinoshanda

Chipiri, 1 Chikunguru 2025

*Tiri kuda kugumisa zvinofundiswa izvi kuvanhu veshe, pashi reshe.* Chipo chako chinokona kudetsera pamushando uyu. Unokona kuchitumira ngeEcoCash pa:: *151*2*6*58225# Mwari vakufumise


Ngokuti andina nyowa ngevhangeri; ngokuti isimba raMwari rokuponesa veshe vanotenda. (VaRoma 1 ndima 16).

Isusu tine izwi retinochumaira. Iri iVhangeri raJesu. Izwi iri rinoshanda. Rinoshandira vaya vanoriashira. Ndiyo ndaa iwewe uchisisira kugwinyisira kuriziisa vanhu.

Ndinokarakadza ndechiereketa noumweni murume. Murume uyu waiya echirwara. Waiya ane chirwere chemwoyo. Waiya echitosisira kupuwa mwoyo mutsva. Asi inini ndakamuchumairira Vhangeri iri. Ndizvo ndakamuti, Mwoyo wako uri kuzotsanduka ndechiereketa newe kudai. Iwewe unosisira zvega kungoashira mazwi endiri kukuronzera.

Ena wakapurutana. Inini ndakabva ndaereketa kwaari. Ndechimuronzera mazwi okupona. Ndakaita zvinhambo gumi nezvishanu ndechiereketa naye kudaro. Ndakabva ndati, Watopora. Ena wakabva azvitenda. Wakazoonekwa naana dhokodheya. Wakaonekwa aa nomwoyo mutsva. Waiya asikacharwari. Zviro zvakadaro ndakazviona zvechiitika kakawanda. Azvina ndaa kuti dambudziko rakhona ngerei. Izwi iri rinokona kunasirisa dambudziko iri. Izwi raJesu Kristu. Saka rinoshanda kweshe kweshe. Mwari ngavakudzwe saMwari.

Iwewe ungaa neizwi rinoshanda kudaro. Unozorironza wakashinga. Ndiyo ndaa Mambo vechida kuti tironze Izwi iri takashinga. Atikoni kunyarara. VaHebheru yegumi nenhatu ndima yesere inoti, Jesu Kristu unogara akadaro zuro nanyamashi, eya, mhera nariini.

VaRoma yokutanga ndima yegumi nechitanhatu kuguma yegumi nenomwe inoti, Ngokuti andina nyowa ngevhangeri; ngokuti isimba raMwari rokuponesa veshe vanotenda, kutanga kuvaJudha nokuvaGirikiwo. Ngokuti mukati mwaro rinoonisa kururama kwaMwari kubva mukugonda kuenda mukugonda. Izwi iri rinoshanda munyika dzeshe. Rinoshanda mudhorobha riri haro. Rinoshandira weshe unenge ariashira. Izwi iri rinonasirisa kupona kwevanhu. Rinoporesa vanorwara. Rinoita kuti vanhu vave vatano. Rinopfumisa varombo. Rinoponesa vakarashika.

Saka azviiti kuti tisarichumaira. Izwi rinoita kuti vanhu vanyise zviro zvomunyika muno. Saka iwewe unosisira kuchumaira izwi iri. Richumaire wakashinga. Rinoshanda. Rinoshanda nguwa dzeshe. Rinoshanda kweshe kwoungaenda. Uyezve rinoshandira weshe unenge ariashira. Hareruya!

Kumbira Weiti
Baba vendinoda. Ndinomubonga. Vhangeri raJesu rinoshanda. Arina perisikashandi. Rinoshanda nguwa dzeshe. Uyezve rinoshandira weshe anenge ariashira. Inini ndinochumaira vhangeri iri. Ndinorichumaira ndakashinga. Ndechizia kuti rinoshanda. Saka ndinoporesa vanorwara. Ndinoponesa vakarashika. Ndechinasirisa kupona kweveshe vanoriashira. Ameni.

Dzimweni Ndima Dzinotsinhira Kufunda KwaNyamashi:
Mabasa 26:16-18
Mariko 16 ndima 15 kusvika 18
Mabasa 1 ndima 8

(Zvafundiswa izvi zvatorwa kubva mu:

Rhapsody of Realities (Ndau)
Rinonyorwa ndi:
Mufundisi Chris Oyakhilome DSc DD.
Munoriona pa: https://rhapsodylanguages.tniglobal.org/regions/
Zvimweni zvinofundiswa munozviona pa: https://bit.ly/Shona_Church