Koshesa Mushando Wewakapuwa NdiMwari

Chitatu, 2 Chikunguru 2025

*Tiri kuda kugumisa zvinofundiswa izvi kuvanhu veshe, pashi reshe.* Chipo chako chinokona kudetsera pamushando uyu. Unokona kuchitumira ngeEcoCash pa:: *151*2*6*58225# Mwari vakufumise


Ngokuti andizi kutera kudziereketera ngesimba rangu; asi Baba uwo wakandituma iye pachake wakandipanga chendinozoronza nechendinozoereketa (Johani 12 ndima 49).

Mambo Jesu vane mushando wevaiya vakapuwa ndiMwari. Mushando uyu ndiwo wevaikoshesa. Ndiwo wevaigara vechitsamwirira kuita. Ivo vaizia zvevaiya vakaurira munyika. Ndizvo apana chaikona kuvadusa pamushando uyu. Vakatomboereketa ngezvemushando uyu. Vechionesa kuti vaiya vakazvipira kuuita. Izvi ndizvo zvetinoona muna Ruka yegumi nepfumbamwe ndima yegumi. Inoti, Ngokuti Mukororo woMunhu wakauya kootsvaka nokuponesa izvo zvakarashika.

Mambo Jesu vane amwenizve mazwi evakaronza. Tinoaerenga muna Johani yechirongomuna ndima yemakumi matatu nerongomuna. Inoti, Kurya kwangu ndikwo kuita kuda kwouwo wakandituma nokupedza mushando wake. Ndizvo Jesu vaiya vechikoshesa mushando wavo. Iwo mushando uya wevaiya vapuwa ndiMwari. Asi vane zvimweni zvevakazoronza. Tinozvierenga muna Johani yemakumi mairi ndima yemakumi mairi neimwe. Inoti, Kudai ngezvaakandituma Baba, ngokudaro ndinomutumawo. Ndizvo isusu tinosisira kuita zvaiita Mambo Jesu. Izvozvo zvokukoshesa mushando wedu. Wona mushando uya wetakapuwa ndiMwari.

Jesu vakaronzazve muna Marako yegumi netanhatu ndima yegumi neshanu. Vakati, Endai munyika dzeshe, muchumaire vhangeri kunezvisikwa zveshe. Uyu ndiwo mushando wakhona wetakapuwa. Mateu yemakumi mairi nerongomuna ndima yegumi nerongomuna inoti, Neiri vhangeri roumambo rinozochumairwa munyika dzeshe kuita chapupu kumadzinza eshe; naapo kupera kunozoguma. Gore rino tine mushando. Uyu mushando wokupedzisa kuchumaira Vhangeri munyika dzeshe. Wakazvipira zvakadini kumushando uyu?

Unosisira kutsamwirira kuchumaira Vhangeri. Izvozvo ndizvo zvounotarisirwa ndiMwari kuita. Ivo vane mushando wevakakupanga kuita. Mushando uyu ndiwo wevanoda kuti uite. Ndizvo ausisiri kunge uri kutsamwirira kuita zvimweni zviro zveshe zveshe. Mambo Jesu vaitsamwirira kuita mushando waMwari. Tinoona izvi mumazwi etabeura ndiwo. Vona vaigara vechiereketa semunhu anokoshesa mushando waMwari. Izvi ndizvo zvetinosisira kuitawo isusu.

Ivo vakaereketa muna Johani yechisere ndima yemakumi mairi nepfumbamwe vechiti, Nouwo wakandituma undori neni; aazi kundisiya ndega, ngokuti ndinoita zvinomudakadza mukuwo weshe. Ndizvo ereketa saMambo. Ita zvaiita Mambo. Uzvipire kumushando waMwari saMambo. Tsvaka kuti Vhangeri rigume kuvanhu. Izvozvo ndizvo zvounosisira kukoshesa. Kuchumaira Vhangeri mushando. Mushando uyu wakaiswa munyara dzako. Iwewe unosisira kuzwisisa izvi. Akuna chimweni chakakosha kupinda mushando uyu.

Kumbira Weiti
Baba vendinoda. Ndinomubonga. Mwakaita kuti ndiponere mushando wenyu. Ndinoponera kukudakadzai zvega. Ndechizwisisa kuti ndakapuwa mushando wokugumisa Vhangeri kuvanhu. Mushando uyu ndiwo wendinoponera. Muzina raJesu. Ameni.

Dzimweni Ndima Dzinotsinhira Kufunda KwaNyamashi:
Mabasa Avapostora (Mabasa) 20:18-25
1 VaKorinte 9:16-17

(Zvafundiswa izvi zvatorwa kubva mu:

Rhapsody of Realities (Ndau)
Rinonyorwa ndi:
Mufundisi Chris Oyakhilome DSc DD.
Munoriona pa: https://rhapsodylanguages.tniglobal.org/regions/
Zvimweni zvinofundiswa munozviona pa: https://bit.ly/Shona_Church