Zwisisa Mwoyo WaMwari

Mugubera, 5 Chikunguru 2025

*Tiri kuda kugumisa zvinofundiswa izvi kuvanhu veshe, pashi reshe.* Chipo chako chinokona kudetsera pamushando uyu. Unokona kuchitumira ngeEcoCash pa:: *151*2*6*58225# Mwari vakufumise


Mukororo womunhu une zvaakainga. Aazi kuuya kuzoparadza kupona kwevanhu. Wakauya kuzovaponesa (Ruka 9 ndima 56)

Iwewe ungaa uri kukumbirira nyika yako. Nokuti dhorobha rako. Uchitsvaka kuti zviro zvitsanduke mundau iyi. Unosisira kutanga wazwisisisa Izwi raMwari. Uyezve unosisirawo kutanga wazwisisa ndangariro dzaMwari. Chimbopinimidza ngepadera pevamweni Vakacheneswa. Vakacheneswa ava vanokona kunge vari kukumbira. Vechitsvaka kuti umweni mushandi wehurumende aduswe. Asi panokonawo kunge pane vamweni Vakacheneswa. Vakacheneswa ava vanokona kunge vari kukumbirawo. Vechitsvaka kuti mushandi uyu arambe ari pamushando wake.

Mushandi uyu unokona hake kunge asiri kushanda zvakanaka. Asi Mwari vanozwawo Vakacheneswa vanoda kuti asabva pamushando. Izvi zvinotionesa kuti Mwari ndiBaba. Iwewe ungada hako kuti vaite chimweni chiro. Asi ivo vangasachiita. Indaa yokuti ivo avapinimidzi sevanhu vomunyika muno. Vanodakarira vana vavo veshe. Vanodakarira vanhu. Vane tsitsi. Uyezve vane zvavo zvevanotsvakawo kuti zviitike.

Imbopinimidza ngepadera paJakobe naJohani. Tinoerenga nhoroondo yavo muna Ruka yepfumbamwe ndima yemakumi mashanu nechirongomuna kuguma makumi mashanu nechitanhatu. Vairi ava vane vanhu vaiya vasikazi kuvadakadza. Vanhu ava vaiya vasikazi kukona kuashira Mambo Jesu. Ndizvo vakabva vaereketa kuna Mambo. Tinoerenga mazwi avo muna Ruka yepfumbamwe ndima yemakumi mashanu nechirongomuna. Vakati, Mambo, unoda here kuti tironze kuti muriro udzake kubva mudenga, uvapedze. Mambo Jesu vakabva vavadaira. Tinoerenga mazwi avo mundima yemakumi mashanu nechishanu kuguma yemakumi mashanu nechitanhatu yakhona. Vakati, Amuzii kuti muri mweya yerudzii. Mukororo womunhu une zvaakainga. Aazi kuuya kuzoparadza kupona kwevanhu. Wakauya kuzovaponesa.

Mambo vaiya vari kuonesa mwoyo waMwari Baba. Uyu mwoyo worudo. Wetsitsi. Ivo vaizwisisa zvevaiya vainga munyika. Zviro izvi ndizvo zvevaitsvaka kuita. Uyezve vaida kuzviita ngenjira yaidakadza Mwari. Mwari avatsanduki tsanduki. Ivo vane tsitsi. Vanodakarira vanhu. Vanoshandisa mazano eVamwari. Shungu dzavo ngedzokuponesa vanhu. Vanoda kuti vana vavo vazwisise mushando wevakatumwa ndiMwari kuita.

Iwewe unosisira kuzwisisa izvi. Mwari vangazosaita zvounotarisira hako. Vasikazviiti kunyazwi iwewe uchipinimidza kuti ndizvo zvinosisira kuitwa. Asi iwewe unozovazwisisa. Saka unosisira kugara ndangariro dzako dziri paIzwi ravo. Uchitenda kutungamirirwa ngeMweya wavo. Unozogara uchitutsira kuzwisisa zvinovadakadza zvemene. Uchizoita zviro ngenjira inovadakadza yemene. Saka unozokona kukumbira ngomwazvo. Uchikumbira kudai ngomunhu anozia pane mwoyo waMwari.

Kumbira Weiti

Baba vendinoda. Ndinomubonga. Munondidakarira. Mune tsitsi. Mazano enyu ngeeVamwari. Mune mwoyo waBaba. Ndizvo ndinotenda kuti muite zvomunoda neni. Ndinotenderana neIzwi renyu. Ndechitsvaka kurarama kupona kwemwakandirongera kwemene. Ndizvo rudo rwenyu runotonga kupona kwangu. Nyasha dzenyu dzinotonga kupona kwangu. Dzinotongawo kupona kwevanhu vari pendiri. Muzina raJesu. Ameni.

Dzimweni Ndima Dzinotsinhira Kufunda KwaNyamashi:
Johane 3 ndima 16 kusvika 17
2 Pita 3 ndima 9
Ezekieri 18 ndima 23

(Zvafundiswa izvi zvatorwa kubva mu:

Rhapsody of Realities (Ndau)
Rinonyorwa ndi:
Mufundisi Chris Oyakhilome DSc DD.
Munoriona pa: https://rhapsodylanguages.tniglobal.org/regions/
Zvimweni zvinofundiswa munozviona pa: https://bit.ly/Shona_Church