Koshesa Zvine Mushando Zvega

Soto, 6 Chikunguru 2025

*Tiri kuda kugumisa zvinofundiswa izvi kuvanhu veshe, pashi reshe.* Chipo chako chinokona kudetsera pamushando uyu. Unokona kuchitumira ngeEcoCash pa:: *151*2*6*58225# Mwari vakufumise


Naye wakati kwavari veshe, Kudai aripo munhu anoda kuuya sure kwangu, ngaadzirambe, atore muchinjiko wake zuwa ngezuwa anditeere (Ruka 9 ndima 23).

Iwewe unosisira kushandisa mazano aMwari pakupona kwako. Ndikwo kuti ubudirire kuita mishando yevakakupa. Unosisira kukoshesa Mwari. Vakoshese kupinda zvimweni zviro zveshe. Mazano avo ndiwo anosisira kukutungamirira pakupona. Izwi raMwari ndiwo mazano aMwari. Ndizvo koshesa Izwi ravo. Izvi ndizvo zvetinopangwa muna vaKhorose yechitatu ndima yegumi nechitanhatu. Inoti, Izwi raKristu ngarigare mukati mwenyu ngokuwandisa. .

Asi vakawanda vanokoshesa zviro zvisina mushando. Avazii zviro zvemene zvinosisira kuitwa. Vanopedzera nguwa yavo muzviro zvisiri zvepamweya. Mare yavo yakawanda inoenda kuzviro zvisiri zvemweya. Izvi zvinotikarakadzisa nhoroondo yevamweni vasikana. Vasikana ava vaiya vari vairi. Umweni waiya ari Maritha. Umweni waiya ari Maria. Jesu vakavhakachira vasikana ava. Vakavavhakachira kumhatso kwavo. Ivo vakavaashira ngenjira dzakasiyana. Tinoerenga nhoroondo iyi muna Ruka yegumi ndima yemakumi matatu nechisere kuguma yemakumi marongomuna nembiri.

Maritha waiya ari kungoshingaira. Echibikira Mambo. Mipinimidzo yake yaiya isikazi kugadzikana. Asi Maria wakatsanangura kugara pana Jesu. Echizwa Jesu vechifundisa. Echiwadzana navo. Izvi ndizvo zvakadakadza Mambo.

Maritha aazi kudakadzwa ngezvaiitwa ndiMaria izvi. Asi Mambo vakabva vaereketa kwaari. Tinoerenga mazwi avo muna Ruka yegumi ndima yemakumi marongomuna neimwe kuguma yemakumi marongomuna nembiri. Inoti, Maritha, Maritha, unodembatemba nokuneseka ngezviro zvakawanda, asi chiro chimwe chinodikanwa. Maria, watsanangura rupande rwakanaka, rusikazoduswi kubva kwaari. Kuronza kuti zvaikosheswa ndiMaritha zvaiya zvisina mushando.

Iwewe unosisira kukoshesa Izwi raMwari. Rikoshese kupinda zvimweni zviro zveshe. Zvisirizvo pane zvakawanda zvousikazozwisisi mukupona. Mipinimidzo yako ngaigare iri paIzwi raMwari. Izwi iri ngarigarewo riri mumipinimidzo yako. Zvipe nguwa yokuaraidzana neMweya Wakachena. Zviro izvi ndizvo zvakanyanya kukosha. Zvinozokudetsera kurarama kupona kweVamwari. Uchigara uchinyisa. Uchibudirira pane zveshe zvounoita. Pfuma yako ichitutsira. Uchiraramawo kupona kunodakadza Mambo.

Kumbira Weiti
Baba vendinoda. Ndinomubonga. Izwi renyu ndiro rinondionesa mazano enyu. Ndiro rinondionesa pane mwoyo wenyu. Inini ndinovavarira kuaraidzana neIzwi renyu. Ndikwo kuaraidzana nemwi kwendinenge ndiri kutoita ukwokwo. Ndinoshandisa mazano enyu pakupona kwangu. Ndinotungamirirwa ngeMweya wenyu. Ndinozvipira kuita mishando yenyu. Ndechiita zvinokudakadzai zvega. Muzina raJesu. Ameni.

Dzimweni Ndima Dzinotsinhira Kufunda KwaNyamashi:

Mazwi Akangwara 4 ndima 20 kuguma 22
Zvirevo 4 ndima 20 kusvika 22
Mapisarema 119 ndima 162 (NKJV)
Vafiripi 3 ndima 7 kusvika 8

(Zvafundiswa izvi zvatorwa kubva mu:

Rhapsody of Realities (Ndau)
Rinonyorwa ndi:
Mufundisi Chris Oyakhilome DSc DD.
Munoriona pa: https://rhapsodylanguages.tniglobal.org/regions/
Zvimweni zvinofundiswa munozviona pa: https://bit.ly/Shona_Church