Kuzwisisa Mwari Zvakatodzana

Muvhuro, 7 Chikunguru 2025

*Tiri kuda kugumisa zvinofundiswa izvi kuvanhu veshe, pashi reshe.* Chipo chako chinokona kudetsera pamushando uyu. Unokona kuchitumira ngeEcoCash pa:: *151*2*6*58225# Mwari vakufumise


Metsa teshe taguma pakutenda kumwekwo noruziyo rwoMukororo waMwari, kuita vanhu vakaperera, kuchipimo choukuru hwakaperera hwaKristu (VaEfesu 4 ndima 13).

Vakacheneswa vachabvutwa. Asi vachatanga vazwisisa Mwari veshe zvakatodzana. Kune vamweni vachange vachangoponeswa havo. Ivavo vachange vari vadoko havo. Vechisisira kumbotutsira kufunda Izwi raMwari. Asi vazhinji vavo vanenge vakura. Vaa kuzwisisa Mwari. Vechivazwisisa zvakatodzana. Saka vanhu vaMwari vari kukura. Vari kututsira kuzwisisa Mwari. Vechivazwisisa zvakatodzana.

Vacharamba vechitutsira kuzwisia Mwari kudaro. Vechizogumisira mweya yavo yaema pachiro chimwe. Vaema paIzwi raMwari. Mweya Wakachena vechishumira mumweya yavo.

Ndima yetabeura ndiyo ine zveinotironzera. Zviro izvi azvisiri kuzoitika taa mudenga. Zviri kuzoitika tichiri munyika muno. Ndima iyi inoti, Metsa teshe taguma pakutenda kumwekwo . Kuronza kuti teshe tichange tabatana. Vakacheneswa veshe vachange vabatana. Vachangoponeswa vachange vari kutarisirwawo kungoteera vaya vaaruka. Vechingozotodzanawo nevaya vaa kuzwisisa Mwari.

Ndiyo ndaa Phauri akaronza echiti, Tevedzerai zvandinoita. Seni ndichitevedzeravo Muponesi. Tinoerenga mazwi ake aya muna 1 vaKhorinte yegumi neimwe ndima yokutanga. Phauri waiya ari kuteedzera Kristu. Saka waidawo kuti Vakacheneswa ava vamuteedzere. Izvi zvinoda kutodzana nezvetinoona mazuwa ano. Munhu ungaa ari kugara mune rimweni dhorobha. Dhorobha rakhona ringaa rakabudirira yaamho. Riine zviro zvemazuwa ano. Munhu uyu ungaa asina kufunda hake. Asi unozonge akachangamuka. Echitozwisisa kupona kwomudhorobha rakhona. Echitoitawo sokuti wakafunda yaamho. Izvi ndizvo zvetiriwo isusu. Tine dhorobha retaa kugara mweriri. Dhorobha rakhona ngeraMwari. Riri mumweya. Izvi ndizvo zvetinoziiswa muna vaHebheru yegumi nembiri ndima yemakumi mairi nembiri. Inoti, Asi imwimwi mwauya kuMutunhu weZioni nokudhorobha raMwari unopona, Jerusarema romudenga, nokuhondo dzengirosi dzisikaerengeki mumushongano wedhiri.

Ndizvo teshe tiri kukura. Tiri kufunda Izwi raMwari. Tiri kuteera Mambo. Techidetserawo vamweni kuti vakure. Ndizvo teshe tichazongogumisira taa kuzwisisa Mwari. Tichazongogumisira taaruka. Tabatana pamwepo. Ndizvo iwewe detsera vamweni kukurawo.

Kumbira Weiti
Baba vendinoda. Ndinomubonga. Mweya Wakachena vari kushanda muVakacheneswa venyu. Izwi renyu rechivabatanidza. Rechiita kuti teshe tiaruke muna Kristu. Vanhu vari kuponeswa. Vechiuya mumhatso yaMwari. Vechikona kufunda kupona kweVamwari pendiri. Ndinoteedzera Kristu. Ndizvo vamweni vanonditeerawo. Vechiwana chevanofunda mumazwi angu. Nemuzviro zvendinoita. Nomukuzvipira kwangu kwomuri. Ndinomubonga. Nyasha dzenyu dziri kuita kuti ndikone kushandisa mazano enyu pakupona kwangu. Muzina raJesu. Ameni.

Dzimweni Ndima Dzinotsinhira Kufunda KwaNyamashi:
VaEfeso 4:11-16
1 Petro 2:2

(Zvafundiswa izvi zvatorwa kubva mu:

Rhapsody of Realities (Ndau)
Rinonyorwa ndi:
Mufundisi Chris Oyakhilome DSc DD.
Munoriona pa: https://rhapsodylanguages.tniglobal.org/regions/
Zvimweni zvinofundiswa munozviona pa: https://bit.ly/Shona_Church