Vanhu Ngavazie Kuti Jesu Kristu Vanopona

Chitatu, 9 Chikunguru 2025

*Tiri kuda kugumisa zvinofundiswa izvi kuvanhu veshe, pashi reshe.* Chipo chako chinokona kudetsera pamushando uyu. Unokona kuchitumira ngeEcoCash pa:: *151*2*6*58225# Mwari vakufumise


Jesu Kristu unogara akadaro zuro nanyamashi, eya, mhera nariini (VaHebheru 13 ndima 8).

Ndakatanga kuita mavhuserero makore akawanda apinda. Shungu dzangu dzaia dzokuti vanhu vazie kuti Jesu Kristu vachiri vanopona. Ndizvo ndaishambadza ndechiti, Tiri kuuya kuzokuonesai kuti Jesu Kristu vanopona. Inini ndaizia kuti Jesu Kristu avasati vapinduka. Ivo vane zviro zvevaiita munguwa dzeBhaibheri. Vachiri kuita zviro izvi nyamashi.

Izvi ndizvo zvetichiri kuita nazvino. Tiri kuonesa vanhu kuti Jesu Kristu vachiri vanopona. Izvi zvinoonekwa muzvinyorwa zvetinonyora. Zvinoonekwa muchumairo dzedu. Tinoda kuti vanhu vazie kuti Jesu avapinduki. Uyezve kuti vane simba. Pamazuwa iwayo tine misangano yetaiita. Taiita misangano iyi kamwe kega pagore. Chinangwa chemumwe wakhona chaia chokuonesa kuti Mambo Jesu avasiri munhu wengano.

Eya. Mambo Jesu avasiri vengano. Ivo vanotoa nesimba. Ndivo Mwari. Vanotonga. Vane nyasha. Vachiri vanopona nanyamashi. Vari kufumisa vanhu. Vechinasirisa kupona kwevanhu. Vechiita zvevaiita munguwa dzeBhaibheri. Vamwari avasiri vekungoerenga muBhaibheri zvega. Varipo kuziisa vanhu kuti Jesu Kristu vanopona zvegwinyiso. Uyeze kuti Jesu ava avasiri vengano zvega.

Tinosisira kugumisa Izwi iri kunyika dziri kuretu. Aya ndiwo anosisira kua mapinimidziro ako kunyanya munguwa yetaa ino. Chiara cheVakacheneswa chaa kusisira kugara chechikura. Chinosisira kugara chechigumisa Vhangeri kuvanhu vatsva. Chechichumaira kuti Jesu Kristu vanopona. Vari kushanda nyamashi. Uyezve kuti ndivo Mambo. Vanotonga munyika yanyamashi. Hareruya!

Kumbira Weiti
Baba vendinoda. Ndinomubonga. Chinangwa chenyu achipinduki. Ndaa kuzwisisa kuti Kristu Jesu vanopona nyamashi. Ndaa kugumisa Vhangeri kunyika dziri kuretu. Ndechiziisa vanhu kuti Kristu vanopona. Chiara cheVakacheneswa chiri kuhambira mberi. Chiri kukura. Chechironzera vanhu izwi rerudo rwenyu. Rona izwi resimba renyu. Nerenyasha dzenyu. Chiri kupinda mumikoto yeshe yenyika dzeshe. Muzina raJesu. Ameni.

Dzimweni Ndima Dzinotsinhira Kufunda KwaNyamashi:
Matiyo 28 ndima 19
Mariko 16 ndima 15
Mabasa 1 ndima 8

(Zvafundiswa izvi zvatorwa kubva mu:

Rhapsody of Realities (Ndau)
Rinonyorwa ndi:
Mufundisi Chris Oyakhilome DSc DD.
Munoriona pa: https://rhapsodylanguages.tniglobal.org/regions/
Zvimweni zvinofundiswa munozviona pa: https://bit.ly/Shona_Church