Waa Mumwari

Chishanu, 11 Chikunguru 2025

*Tiri kuda kugumisa zvinofundiswa izvi kuvanhu veshe, pashi reshe.* Chipo chako chinokona kudetsera pamushando uyu. Unokona kuchitumira ngeEcoCash pa:: *151*2*6*58225# Mwari vakufumise


Asi michero yoMweya rudo, kudakara, kunyarara, kusengerera, nyasha, kunaka, kugondeka, kupfaa, kudzibata. Akuna mupango unorwisana nezvakadai. (VaGaratia 5 ndima 22 kuguma 23).

Mambo Jesu vane mazwi evakamboereketa. Tinoaerenga muna Ruka yechitanhatu ndima yemakumi marongomuna nerongomuna. Vakati, Ngokuti muti weshe unoziikanwa ngemichero yawo. Ngokuti vanhu avakayi maonde kubva pamiti yeminzwa, nokuti parukato avakayi michero yemavhini. Saka ukaona muti unobereka matamba, unobva watozia kuti muti uyu unozwi mutamba. Ukaonawo muti unobereka matohwe. Unobva watozia kuti muti uyu unozwi mutohwe. Kuronza kuti muti unozikanwa ngemichero yawo.

Chirekerai tiringire pandima yetabeura ndiyo. Inoronza ngepadera pemichero yomweya womunhu. Iwo mweya uya wakabarwa kechipiri. Muchero wawo wokutanga unozwi rudo. Kuronza kuti iwewe uri muti worudo. Mweya wako unodakarira vanhu. Chimweni chemichero yawo chinozwi kudakara. Kuronza kuti iwewe unozwi Kudakara.

Chimweni chemichero yawo chinozwi kunyarara. Kuronza kuti iwewe unozwi Kunyarara. Kusengerera ngechimweni chemichero yawo. Kuronza kuti iwewe unozwi Kusengerera. Ndizvo usaereketa weiti, Inini andikoni kusengerera. Andinyengereri. Haiwa, andizvopi. Waakukona kusengerera. Kupfaa ngechimweni chemichero yawo. Ndizvo iwewe waa kuzwi Kupfaa.

Kunaka ngechimweni chemichero yawo. Ndizvo iwewe waa kuzwi Kunaka. Kugondeka ngechimweni chemichero iyi. Pamwepo nenyasha. Nokukona kudzibata. Mweya wako waa kubereka michero yeshe iyi. Saka ndizvo zviro zvaa kuonekwa pouri. Ndihwo hwaa hunhu hwako. Mwari ngavairikidzwe. VaEfesu yokutanga ndima yegumi nechinomwe inotsanangurawo zvewaa. Inozvitsanangura ngenjira inodakadza yaamho. Ndima iyi inoronza hayo ngepadera paBaba ako vomudenga. Asi iri kutotsanangurawo zvouri iwewe. Inovati, Baba veVamwari veshe. Kuronza kuti iwewe uri Mumwari. Mwari vaa kuonekwa pouri. Mwari ngavakudzwe!

Pupura Weiti

Inini ndinobereka michero yokururama. Ndinorarama kupona kweVamwari. Rudo ndirwo runoonekwa pendiri. Ndinodakarira vanhu. Ndinogara ndakadakara. Ndiine kunyarara. Michero yemweya wakasikwa patsva ndiyo inoonekwa pendiri. Humwari ndihwo hunoonokwa pakupona kwangu. Ndaa muna Kristu. Ndinozwisisa dzinza rangu. Kunaka kwaMwari kunoonekwa pendiri. Muzina raJesu. Ameni.

Dzimweni Ndima Dzinotsinhira Kufunda KwaNyamashi:
VaFiripi 1:9-11
Mateo 7:16-20

(Zvafundiswa izvi zvatorwa kubva mu:

Rhapsody of Realities (Ndau)
Rinonyorwa ndi:
Mufundisi Chris Oyakhilome DSc DD.
Munoriona pa: https://rhapsodylanguages.tniglobal.org/regions/
Zvimweni zvinofundiswa munozviona pa: https://bit.ly/Shona_Church