Zveshe Zviri Mukati Mwako


Soto, 13 Chikunguru 2025

*Tiri kuda kugumisa zvinofundiswa izvi kuvanhu veshe, pashi reshe.* Chipo chako chinokona kudetsera pamushando uyu. Unokona kuchitumira ngeEcoCash pa:: *151*2*6*58225# Mwari vakufumise


Simba rake rouMwari rakatipa zviro zveshe zvinotamika mukupona uku, nomukudira kubudikidza ngokuzia uwo wakatidaidza ngouthende hwake nokunaka (2 Petro 1 ndima 3)

Mambo vanoshamisa. Chimbopinimidza ngepadera pezveshe zvevakatiita. Nezveshe zvevakatipa. Zvona zviya zviri muna Kristu Jesu. Vona vakatipa zviro zveshe. Zvingaa zvinodiwa munyika muno. Zvingaa zvinodiwa mumweya. Izvi ndizvo zvetaziiswa ngendima yetabeura ndiyo. Saka iwewe ungada kunyisa zveshe zvoungashongana nazvo. Ungada kugara uri mutano. Ungada kugara wakapfuma. Uine kunyarara. Wakatopuwa zveshe zvinodikanwa kuti uwane zviro zveshe izvi. Zviro zveshe izvi zviri mukati mwako.

Saka mare yako aisiriyo inokupa kupona kwakanaka. Mare chiro chinotobvawo mukati mwako. Zvouchaa nazvo zveshe zvinotoa mukati mwako. Dzingaa motokari. Zvingaa zvokupfeka. Dzingaa mhatso. VaEfesu yechitatu ndima yemakumi mairi inoti, Kwaari ngakua nouthende muchiara nomunaKristu Jesu kunemazero eshe mhera nariini. Ameni.

Muchumairi yechitatu ndima yegumi naimwe inoti, Wakaita kuti chiro cheshe chiite chinonakira nguva yacho; zve, wakaisa mupinimidzo wokuzia zvekaretu nezvichauya mumwoyo mwake, asi apana munhu ungakona kuzwisisa mushando waakaita Mwari kubvira mukutanga metsa kumagumo. Saka pangaita chiro chounoda. Chiro ichi chinotoa mumwoyo mwako. Chakatoemera kuti uchibudise. Saka unosisira kuereketa somunhu anogonda ndiMwari. Uchiita zviro zvako somunhu anogonda ndiMwari. Ndikwo kuti chiro chakhona chibude mwouri. Saka kupona kwako kuri mumwoyo mwako.

Izvi zvinotidetsera kuzwisisa mazwi aMambo. Tinoerenga mazwi akhona muna Ruka yechitanhatu ndima yemakumi marongomuna nechishanu. Inoti, Munhu wakanaka kubva paupfumi hwakanaka hwemumwoyo mwake unobudisa icho chakanaka, nomunhu wakashata kubva paupfumi hwakashata hwemumwoyo wake unobudisa icho chakashata; ngokuti muromo unoereketa kubva kunezvakawanda zviri mumwoyo. Apa vari kutionesa kunobva zvakanaka. Vari kutionesawo kunobva zvakashata. Zviiri izvi zvinobva mumwoyo mwako. Anotionesawo kuti zviro izvi zvinoita mabudirei mumwoyo. Zvinobuda ari mazwi ounoronza.

Mwari vakaisa zvoungada zveshe mukati mwako. Zviro izvi zvakauya zviri muna Jesu Kristu. Iwewe wakaita setsangu. Une zveshe zvinodiwa kuti umere. Une zveshe zvinodiwa kuti ubereke michero. Uchizoita shango. Asi unosisira kututsira kuzwisisa Izwi raMwari. Uchiereketawo somunhu anotenderana neIzwi iri. Izvi ndizvo zvetinoona muna 1 vaKhorinte yechipiri ndima yegumi nechitatu. Inoti, Tinoereketa ngezviro izvi ngemazwi . Ndizvo iwewe unosisira kuereketa. Ndikwo kuti zviri mwouri zvibude. Zvona zviya zvakaiswa mwouri ndiMwari.

Kumbira Weiti
Baba vendinoda. Ndinomubonga. Mwaita kuti mweya wangu uzwisise Izwi renyu. Zveshe zvendinoda zvinotoa mukati mwangu. Zviro izvi zvingaa zvomunyika muno. Zvingaa zvomumweya. Ndizvo ndinopona somunhu anozwisisa izvi. ndechitutsira pfuma yangu. Ndechinyisa zveshe zvendinoshongana nazvo. Ndechigara ndiri mutano. Kururama kwenyu kuchionekwa pendiri. Runako rwenyu ruchionekwa pendiri. Mwari vechionekwa pane zveshe zvendinoita. Muzina raJesu. Ameni.

Dzimweni Ndima Dzinotsinhira Kufunda KwaNyamashi:
Mateo 12:35
2 Petro 1:3 NIV
1 VaKorinte 2:12-13

(Zvafundiswa izvi zvatorwa kubva mu:

Rhapsody of Realities (Ndau)
Rinonyorwa ndi:
Mufundisi Chris Oyakhilome DSc DD.
Munoriona pa: https://rhapsodylanguages.tniglobal.org/regions/
Zvimweni zvinofundiswa munozviona pa: https://bit.ly/Shona_Church