Jesu Vakararama Kupona KweVamwari

Chipiri, 15 Chikunguru 2025

*Tiri kuda kugumisa zvinofundiswa izvi kuvanhu veshe, pashi reshe.* Chipo chako chinokona kudetsera pamushando uyu. Unokona kuchitumira ngeEcoCash pa:: *151*2*6*58225# Mwari vakufumise


Asi zviripo zvimweni zvizhinji zvaakaita Jesu; kudai zvakanyorwa chimwe ngachimwe chazvo, ndinoti pamweni nenyika yemene aingaeneri tsamba dzinganyorwa (Johani 21 ndima 25).

Kupona kwaJesu kwaingoa mioniso yega yega. Kwaiya kuri kupona kweVamwari. Simba raMwari raionekwa pevari. Nyasha dzaMwari dzaionekwa pevari. Bhaibheri rinotionesa zvaiya zvakaita kupona uku.

Johani yemakumi mairi ndima yemakumi matatu kuguma makumi matatu neimwe inoti, Zvino Jesu wakaita mioniso imweni mizhinji mukuona kwevadzidzi vake, isikazi kunyorwa mutsamba iyi. Asi iyi yakanyorwa kuti imwimwi mutende kuti Jesu ndiKristu, Mukororo waMwari, ngokuti ngokutenda muone kupona ngezina rake. Bhaibheri rinongotipa imweni yemioniso iyi. Yerinotipa yakhona mishomani. Ngeye kungoti tikone kugonda ndiJesu. Titende kuti vona ndivo Kristu. Titende kuti vona ndivo vakapuwa zina raMwari. Vanozviashira vakhona vechizoraramiswa.

Johani unotutsira kutsanangura izvi. Tinoerenga mazwi ake muna Johani yemakumi mairi neimwe ndima yemakumi mairi nechishanu. Inoti, Asi zviripo zvimweni zvizhinji zvaakaita Jesu; kudai zvakanyorwa chimwe ngachimwe chazvo, ndinoti pamweni nenyika yemene aingaeneri tsamba dzinganyorwa. Kuronza kuti Jesu vakaita mioniso isikaperi. Iri ndiro gwinyiso. Izwi raMwari arinyepi.

Jesu vakaita mioniso yakawanda yaamho. Akuna munhu waikona kuinyora yeshe pashi. Vona vakaporesa vanhu vakawanda. Vakafundisa zvakawanda. Vakaonesa simba raMwari ngenjira dzakawanda. Akuna munhu wakamboita zvakaitwa ndiJesu. Kuronza kuti Jesu ava vanotoa Mwari pachezvavo. Rudo rwaMwari rwakaonekwa pevari. Simba raMwari rakaonekwa pevari.

Kumbira Weiti

Baba vendinoda. Ndinomubonga. Mwandionesa kupona kwaJesu. Kupona kwakhona kwaiya kuri kweVamwari. Kwakaonesa pamhene kuti vona ndiMwari zvegwinyiso. Inini ndinotenda kuti Jesu ndiMwari. Ndinopemberera mishando yavo. Iyoyo inoramba ichiita kuti vanhu vakone kugonda ndiMwari. Echitsandura kupona kwevanhu nyamashi. Ngokuti vona Jesu avapinduki. Zvevaia zuro ndizvo zvevari nyamashi. Uyezve zvevari nyamashi ndizvo zvevacharamba vari nokusikaperi. Inini ndinorarama kupona kweVamwari uku. Simba raMwari rechionekwa pendiri nyamashi. Muzina raJesu. Ameni.

Dzimweni Ndima Dzinotsinhira Kufunda KwaNyamashi:
Mabasa 10 ndima 38
Matiyo 4 ndima 23 kusvika 25
Johane 20:30-31 AMPC

(Zvafundiswa izvi zvatorwa kubva mu:

Rhapsody of Realities (Ndau)
Rinonyorwa ndi:
Mufundisi Chris Oyakhilome DSc DD.
Munoriona pa: https://rhapsodylanguages.tniglobal.org/regions/
Zvimweni zvinofundiswa munozviona pa: https://bit.ly/Shona_Church