Rufu RwaJesu Rwaishamisa

Chitatu, 16 Chikunguru 2025

*Tiri kuda kugumisa zvinofundiswa izvi kuvanhu veshe, pashi reshe.* Chipo chako chinokona kudetsera pamushando uyu. Unokona kuchitumira ngeEcoCash pa:: *151*2*6*58225# Mwari vakufumise


Naapo nduna yezana, iyo yaiema yakaringisana naye, yaona kuti wafa ngokudaro, yakati, Ngegwinyiso Munhu uyu waiya Mukororo waMwari (Marako 15 ndima 39).

Rufu rwaJesu rwaishamisa. Mioniso mizhinji yakaitika pevaiya vari kufa kudaro. Izvozvo zvakaonesa kuti Jesu ndiMwari pachezvavo. Jesu vane ndaa dzevaiya vapumhwa. Ndaa dzakhona dzaiya dziri dzokunyepa. Asi vakasungwa. Vakakohomerwa paMuchinjiko. Vapristi vakuru vakavasheka vari paMuchinjiko apa. Vanyori vakavashekawo. Pamwepo nevakuru vevaJudha. Izvi ndizvo zvetinoona muna Mateu yemakumi mairi nechinomwe ndima yemakumi maronomuna nembiri kuguma makumi marongomuna nechitatu. Pane magandanga akakohomerwa pamwepo naJesu. Magandanga akhona aiya ari mairi. Magandanga aya akatoshekawo Jesu. Izvi ndizvo zvetinoona muna Mateu yemakumi mairi nechinomwe ndima yemakumi marongomuna nechirongomuna. NaMarako yegumi nechishanu ndima yemakumi matatu nembiri.

Chidima chakabva chauya munyika. Chakaita maawa matatu chiripo. Chakatanga ari masikati. Chikazopera zuwa rarereka. Chidima chakadaro chaiya chisati chakamboonekwa. Zvaia pamhene kuti chaiya chaunzwa ndiMwari. Jesu vakazodaidzira. Mazwi avo tinoaerenga muna Mateu yemakumi mairi nechinomwe ndima yemakumi marongomuna nechirongomuna. Inoti, Nemagandanga awo akakohomerwa naye akamutukawo zvimwezvo.

Apa ndipo paiya paiswa zvishaishi zvenyika yeshe pana Jesu. Hino Mwari vakachena. Avaringiri chishaishi. Izvi ndizvo zvetinoziiswa muna Habhakhuki yokutanga ndima yegumi nechitatu. Ndizvo Mwari vakabva vafuratira Jesu. Jesu vaiya vasikadiwo kusiiwa ndiMwari. Saka vakabva vachema. Ndiyo ndaa vaiya vakambokumbira. Vakakumbira kudaro vari mumunda weGetsemani. Tinoerenga mazwi avo muna Mateu yemakumi mairi nematanhatu ndima yemakumi matatu nembiri. Inoti, Baba angu, kudai iyi isikapindi ngokubanze kwokuti ndiimwe inin. .

Jesu vaiya vasiri kutya rufu. Vaisangoda zvega kuduswa pana Baba vavo. Vakaduswa kudaro ngokuti ndivo vaiya vaa chipiriso chechishaishi. 2 vaKhorinte yechishanu ndima yemakumi mairi neimwe inoti, Iye wakamuita kushaisha ngendaa yedu, uwo waiya asikazi kuzia kushaisha, kuti mwaari isusu tiite kururama kwaMwari. Jesu vakabva vadaidzira. Tinoerenga mazwi avo muna Ruka yemakumi mairi nechitatu ndima yemakumi marongomuna nechitanhatu. Inoti, Baba, ndinoisa mweya wangu munyara dzako!.

Jesu avazi kuita zvokuuraiwa ngevanhu. Vakatsanangura kufa vega. Vakabva vaisa mweya wavo munyara dzaMwari Baba. Izvi ndizvo zvevaiya varonza. Tinoerenga mazwi avo muna Johani yegumi ndima yegumi nechinomwe kuguma gumi nechisere. Inoti, Ngeiyi ndaa Baba vanondida, ngokuti ndinoisira pasha kupona kwangu, kuti ndikutorezve. Apana munhu unokutora kubva kwendiri, asi ndinokuisa pashi, ndine simba rokukutorazve; uyu mupango ndakaupuwa ndiBaba angu.

Jesu vakazobuda mumuiri wavo. Jira rakabva rabaurwa. Jira iri ndiro riya raiya riri muTemperi yaMwari. Rakabaurwa rechibva ngekumusoro. Izvi zvaionesa kubeurwa kwomusiwo unopinda kuna Mwari. Pane nduna yezana yaiyapo zuwa iri. Yechiona Jesu vechifa kudaro. Nayo yakaereketawo yechiti, Ngegwinyiso Munhu uyu waiya ari Mukororo waMwari. Tinoerenga mazwi ake aya muna Marako yegumi nechishanu ndima yemakumi matatu nechipfumbamwe.

Ndizvo rufu rwaJesu runoonesa kuti Jesu ndiMwari pachezvavo. Vona avazi kufa sevanhu veshe veshe. Vona vakafa sechipiriso chezvishaishi. Ndicho chipiriso chakaunzira vanhu veshe ruponeso.

Kumbira Weiti
Baba vendinoda. Ndinomubonga. Jesu vakatifira. Ngazi yavo ndiyo yakasuka zvishaishi zvevanhu. Ndinodakara ngezvetakaitirwa ndiJesu. Inini ndini ndaisisira kuuraiwa. Asi vakatsanangura kufa ivo. Vechitsvaka kuti ndisafa inini. Asi vakazonyisa Sathani. Vakabva vamuka kubva kwevakafa. Inini ndinonyisa zveshe zvendinoshongana nazvo nyamashi. Ndechidetserwa ngorudo rwavo. Rwona rudo rwuya rwakaita kuti vandifire. Ameni.


Dzimweni Ndima Dzinotsinhira Kufunda KwaNyamashi:
Johane 10 ndima 17 kusvika 18
Ruka 23:46-49
Mateo 27:50-54

(Zvafundiswa izvi zvatorwa kubva mu:

Rhapsody of Realities (Ndau)
Rinonyorwa ndi:
Mufundisi Chris Oyakhilome DSc DD.
Munoriona pa: https://rhapsodylanguages.tniglobal.org/regions/
Zvimweni zvinofundiswa munozviona pa: https://bit.ly/Shona_Church