Ndivo Mwari Vegwinyiso. NoKupona Kusikaperi

China, 17 Chikunguru 2025

*Tiri kuda kugumisa zvinofundiswa izvi kuvanhu veshe, pashi reshe.* Chipo chako chinokona kudetsera pamushando uyu. Unokona kuchitumira ngeEcoCash pa:: *151*2*6*58225# Mwari vakufumise


Nesu tinozia kuti Mukororo waMwari wakauya, akatipa kuzwisisa kuti tizie uwo unegwinyiso; nesu tiri mukati mwouwo uri gwinyiso, mukati mwoMukororo wake Jesu Kristu. Uyu ndiye Mwari wegwinyiso nokupona kusikaperi (1 Johani 5 ndima 20).

Mambo Jesu ndivo Mwari vegwinyiso. Ndivozve kupona kusikaperi. Izvozvo ndizvo zvaitarisirwa pana Kristu. Vaprofeti vekaretu vakaronza ngezvaKristu ava. Hino Jesu vakazouya. Ndivo vaiya vari Kristu wakhona. Ivo vakabva vaziisa vanhu izvi. Kuronza kuti vaia Mwari pachezvavo. Ivo Mwari vaya vaiya vauya vari munhu wenyama. Asi vakawanda avazi kuvaashira. Vakatovapumha ndaa. Ndaa yakhona yaiya iri yokuzvienzanisa naMwari.

Asi Jesu vaiya vasiri kunyepa. Ivo ndivo Mwari vakuru. Ndivo Kristu. Ndivo vakatsanangura kutifira isusu. Izvi ndizvo zvetinoona muna Thithusi yechipiri ndima yegumi nechitatu kuguma gumi nechirongomuna. Inoti, Apo techigarira iro gonda rakafumiswa nokuoneka kwouthende hwaMwari wedu mukuru noMuponesi, Jesu Kristu. Ndiye wakadzipira ngendaa yedu kuti atiripire kubva mukushata kweshe nokuti adzichenesere vanhu vaite vake vemene, vanotsamwirira kuita mishando yakanaka. Kune vane njira dzokukumbira dzevakatanga. Akuna naumwe wavo unokona kutsanangurwa ngenjira yakadaro. Mambo wedu Jesu vega ndivo vanotsanangurwa ngenjira yakadaro.

Vakatanga njira dzokukumbira ava vakafa. Akuna wavo akamuka. Jesu Kristu vega ndivo vakamuka. Vakatokwira mudenga. Zina ravo rega ndiro rine simba. Simba rakhona rinodzinga madhimoni. Rinoporesa varwere. Rinomhodyosa vane maperembudzi. Rinomusa vakafa.

Jesu Kristu ava ndivo vega vanosuka zvishaishi. Zvakaitwa yegumi nechitatu ndima yemakumi matatu nechisere kuguma makumi matatu nechipfumbamwe inoti, Ndizvo ngakuziikanwe kwomuri vamuna, hama, kuti kubudikidza ndiye uyu kunochumairwa kwomuri kurekererwa kwezvishaishi.. 1 Johani yechishanu ndima yegumi naimwe kuguma yegumi nembiri inoti, Nouhwu ndihwo uchapupu, kuti Mwari wakapa kwetiri kupona kusikaperi, noukwo kupona kuri muMukororo wake. Kunyazwi ndiani uno Mukororo uno kupona; nouwo usina Mukororo waMwari, aana kupona..

Jesu ndivo vega vakafira vanhu veshe. Vona vaiya vari Mwari. Asi vakatsanangura kufa ivo. Vechitsvaka kuti isusu titsandurwe dzinza. Tive vanhu vengazi yaMwari. Hino iwewe wakavaashira. Wakatsanduka dzinza. Auchisiri wengazi yevanhu vomunyika muno. Waa wengazi yeVamwari. Wakabarwa ndiMwari. Izvi ndizvo zvetinoziiswa muna Johani yokutanga ndima yegumi nembiri kuguma yegumi nechitatu. Inoti, Asi kwavari veshe vakamuashira, avo vakatenda muzina rake, wakavapa simba rokuti vaite vana vaMwari; avo vasikazi kubarwa ngengazi nokuti ngokuemura kwenyama nokuti ngokuemura kwomunhu, asi vakabarwa ndiMwari.. Vona ndivo kupona kusikaperi. Ndiyo ndaa vakatipawo isusu kupona kusikaperi. Jesu ndivo Mwari vegwinyiso. Ndivozve kupona kusikaperi. Hareruya!

Kumbira Weiti

Baba vendinoda. Ndinomubonga. Mwandionesa kuti Jesu Kristu ndiMwari pachezvavo. Uyezve kuti zina ravo ndiro rine masimba eshe. Ndinoshandisa masimba avo pakupona kwangu. Ndizvo ndinotonga madhimoni. Simba raKristu rinoonekwa pane zveshe zvendinoita. Ndine simba rekugonda ndiMwari. Simba iri riri kushanda. Ndaa kuziikanwa ngezina ravo. Ndizvo ndinobudirira pane zveshe zvendinoita. Ndarurama. Muzina raJesu. Ameni.

Dzimweni Ndima Dzinotsinhira Kufunda KwaNyamashi:
Johane 14 ndima 6
1 Johane 5:20 AMPC
Johane 17:3

(Zvafundiswa izvi zvatorwa kubva mu:

Rhapsody of Realities (Ndau)
Rinonyorwa ndi:
Mufundisi Chris Oyakhilome DSc DD.
Munoriona pa: https://rhapsodylanguages.tniglobal.org/regions/
Zvimweni zvinofundiswa munozviona pa: https://bit.ly/Shona_Church