Zina RaJesu Rinotonga Zveshe

Mugubera, 19 Chikunguru 2025

*Tiri kuda kugumisa zvinofundiswa izvi kuvanhu veshe, pashi reshe.* Chipo chako chinokona kudetsera pamushando uyu. Unokona kuchitumira ngeEcoCash pa:: *151*2*6*58225# Mwari vakufumise


Ngokugonda zina rake, zina rake remene raita kuti agwinye, uyu munhu womunoona nowomunozia; kubudikidza ngokugonda munaJesu kwaita kuti agwinye kudai pamberi penyu mweshe. (Zvakaitwa 3 ndima 16).

Zina raJesu rine simba. Ndiro rine masimba eshe. Akuna rinoenzana naro. Jesu vaiya vasiri munhu wemunyika muno. Dai zvaiya zvirizvo zina ravo haraizoa nesimba. Asi zina ravo rine simba. Vadzidzi vaJesu vakashandisa simba iri. Vakarishandisa kudzinga madhimoni. Vakarishandisa kuporesa vairwara. Vakarishandisa kuita mioniso. Izvi ndizvo zvetinooneswa muna Zvakaitwa. Zina raJesu rakasiyana neamweni mazina eshe. Zina iri rine simba.

Zvakaitwa yechitatu ine nhoroondo yeinotipa. Iyi inhoroondo yeumweni murume. Murume uyu waiya akaremara. Waiya akabarwa akaremara kudaro. Waigara ari pamusiwo wemhatso yaMwari. Suwo rakhona raizwi Wakanaka. Murume uyu wakaporeswa. Akakona kuhamba. Vanhu vakawanda vakazwa izvi. Vakabva vauya kuzoona murume uyu. Petro wakabva ataura kuvanhu veshe ava. Wakavatsanangurira kuti murume uyu waiya aporeswa nezina raJesu.

Tinoerenga mazwi ake aya muna Zvakaitwa yechitatu ndima yegumi nechitanhatu. Wakati, Ngokugonda zina rake, zina rake remene raita kuti agwinye, uyu munhu womunoona nowomunozia; kubudikidza ngokugonda munaJesu kwaita kuti agwinye kudai pamberi penyu mweshe.. Murume uyu waiya akona kugonda ngezina raJesu iri. Izvozvo ndizvo zvakamuporesa. Ndizvo zvakamugwinyisa. Wakaa mutano.

Jesu ndiMwari pachezvavo. Ndiyo ndaa zina ravo riine simba. Muzina iri ndimwo mune masimba avo eshe. Ndimwo mune hupenyu hwavo. Ndiyo ndaa Bhaibheri rechiti, Ndizvo Mwari wakamukudza kakurutu, akamupa zina riri padera pezina reshe, kuti ngezina raJesu mabvi eshe agwadame, evari mudenga nevari munyika nevari pashi penyika. Tinoerenga izvi muna vaFiripi yechipiri ndima yepfumbamwe kuguma yegumi.

Zina ravo rinotonga zviro zveshe. Rishandise kudzinga madhimoni. Rishandise kuporesa vanorwara. Rishandise kunyisa zvose zvaunosangana nazvo. Shandisa simba iri pakurarama kwako.

Kumbira Weiti
Baba vendinoda. Ndinomubonga. Zina raJesu ndiro rine masimba eshe. Zina iri rinotonga zviro zveshe. Ndinogonda ngezina iri. Saka ndinodzinga madhimoni. Ndinoporesa vanorwara. Ndechinyisa zveshe zvendinoshongana nazvo. Ndinoshandisa simba ravo reshe nyamashi. Ndinomubonga Mambo. Zina renyu rine simba. Ndiro rinotonga. Ameni.

Dzimweni Ndima Dzinotsinhira Kufunda KwaNyamashi:
Vafiripi 2 ndima 9 kusvika 11
Mariko 16 ndima 17 kusvika 18
Johane 14 ndima 13 kusvika 14

(Zvafundiswa izvi zvatorwa kubva mu:

Rhapsody of Realities (Ndau)
Rinonyorwa ndi:
Mufundisi Chris Oyakhilome DSc DD.
Munoriona pa: https://rhapsodylanguages.tniglobal.org/regions/
Zvimweni zvinofundiswa munozviona pa: https://bit.ly/Shona_Church