Zita RaJesu Rinotonga Zvose

Mugovera, 19 Chikunguru 2025

*Tiri kuda kusvitsa dzidziso iyi kuvanhu vose, pasi rose.* Chipo chako chinogona kubatsira pabasa iri. Unogona kuchituma neEcoCash pa: *151*2*6*58225# Mwari vakuropafadze

Zita rake ndiro rasimudza munhu uyu. Wamunovona mose. Wamunoziva. Agamuchira zita raJesu. Ndiko kusaka aporeswa. Akanaka zvamunovona mose kudai (Mabasa 3 ndima 16).

Zita raJesu rine simba. Ndiro rine masimba ose. Hapana rinoenzana naro. Jesu vakanga vasiri munhu wenyika ino. Deno zvirizvo zita ravo haraizova nesimba. Asi zita ravo rine simba. Vadzidzi vaJesu vakashandisa simba iri. Vakarishandisa kudzinga mweya yakaipa. Vakarishandisa kuporesa varwere. Vakarishandisa kuita minana. Izvi ndizvo zvatinotaridzwa muna Mabasa. Zita raJesu rakasiyana nemamwe mazita ose. Zita iri rine simba.

Mabasa yetatu ine nhoroondo yainotipa. Iyi inhoroondo yemumwe murume. Murume uyu akanga akaremara. Akanga azvarwa akaremara kudai. Aigara ari pasuwo reimba yaMwari. Suwo racho rainzi Wakanaka. Murume uyu akaporeswa. Akagona kufamba. Vanhu vakawanda vakanzwa izvi. Vakabva vauya kuzovona murume uyu. Pita akabva ataura kuvanhu vose ava. Akavatsanangurira kuti murume uyu akanga aporeswa nezita raJesu.

Tinoverenga mashoko ake aya muna Mabasa yetatu ndima yegumi netanhatu. Akati, Zita rake ndiro rasimudza munhu uyu. Wamunovona mose. Wamunoziva. Agamuchira zita raJesu. Ndiko kusaka aporeswa. Akanaka zvamunovona mose kudai. Murume uyu akanga agona kuvimba nezita raJesu iri. Izvozvo ndizvo zvakamuporesa. Ndizvo zvakamusimbisa. Akava mutano.

Jesu ndiMwari pachavo. Ndiko kusaka zita ravo riine simba. Muzita iri ndimo mune masimba avo ose. Ndimo mune hupenyu hwavo. Ndiko kusaka Bhaibheri richiti, Saka Mwari vakavakudzavo zvikuru. Vakavapa rimwe zita. Zita iri rakakura kudarika mamwe mazita ose. Kuti panotaurwa zita raJesu iri. Mabvi ose apfugame. Ezvinhu zviri kudenga. Nezviri panyika. Nezviri pasi penyika. Tinoverenga izvi muna Vafiripi yepiri ndima yepfumbamwe kusvika yegumi.

Zita ravo rinotonga zvinhu zvose. Rishandise kudzinga mweya yakaipa. Rishandise kuporesa varwere. Rishandise kukurira zvose zvaunosangana nazvo. Shandisa simba iri pakurarama kwako.

Namata Uchiti
Baba vandinoda. Ndinokutendai. Zita raJesu ndiro rine masimba ose. Zita iri rinotonga zvinhu zvose. Ndinovimba nezita iri. Saka ndinodzinga mweya yakaipa. Ndinoporesa varwere. Ndichikurira zvose zvandinosangana nazvo. Ndinoshandisa simba ravo rose nhasi. Ndinokutendai Ishe. Zita renyu rine simba. Ndiro rinotonga. Ameni.

Dzimwe Ndima Dzinotsigira Chidzidzo ChaNhasi
Vafiripi 2 ndima 9 kusvika 11
Mariko 16 ndima 17 kusvika 18
Johane 14 ndima 13 kusvika 14

(Chidzidzo ichi chatorwa kubva mu:
Rhapsody of Realities (Shona)
Rinonyorwa na:
Mufudzi Chris Oyakhilome DSc DD.
Munoriwana pa: https://rhapsodylanguages.tniglobal.org/regions/
Zvimwe zvidzidzo munozviwana pa: https://bit.ly/Shona_Church