Mwari Vari Kushanda Mwouri

China, 24 Chikunguru 2025

*Tiri kuda kugumisa zvinofundiswa izvi kuvanhu veshe, pashi reshe.* Chipo chako chinokona kudetsera pamushando uyu. Unokona kuchitumira ngeEcoCash pa:: *151*2*6*58225# Mwari vakufumise


Ndechigonda ichi, kuti uwo wakatanga mushando wakanaka mukati mwenyu unozouita kuti uperere metsa pazuva raJesu Kristu. (VaFiripi 1 ndima 6).

Mambo vari kushanda mwouri. Vakagondeka kupedza mushando wavo uyu mwouri. Pona somunhu anozia izvi. Saka pangaa nomushando wevakakupa. Auchasisiri kutamburira kuita mushando uyu. Ivo vachakudetsera kuita mushando uyu. Uyezve uchabuda zvakanaka. Iwewe ingogonda ndivo zvega. Gonda ngesimba ravo. Simba iri riri kutoshanda mukati mwako.

Izvi zvinotikarakadzisa zvetinoronzerwa ndiPhauri. Mweya Wakachena ndivo vakamufemera mazwi aya. Tinoaerenga muna VaFiripi yechipiri ndima yegumi nechitatu. Inoti, Ngokuti ndiye Mwari unoshanda mukati mwenyu, echimuita kuti mukone mweshe kuda nokushandira kudakara kwake kwakanaka. Kuronza kuti Mwari pachezvavo ndivo vari kushanda mwouri. Ndivo vari kuita kuti ude kuita zvinovadakadza. Ndivo vanokupazve simba rekuita zvinovadakadza izvi. Ivo vari kutoshingaira. Vechitsvaka kuti ukone kuita mishando yevakakupa.

Saka chingaita kuti ukundikane chiinyi? Iwewe ndiwe muzinda wavo munyika muno. Vanoshanda mishando yavo yepanyika vari mwouri. Ndizvo waa kushanda nounyanzvi hweVamwari. Waa kubudirira pane zveshe zvounoita. Ivo vanogara mwouri. Saka akuna mushando wavo wousikakoni kuita. Hareruya! Saka unokona kutenderusa vanhu. Unotokona kuvatenderusa vakawanda. Uchivaunza munyika yaMwari.

Chimbopinimidza zvakaronzerwa Gidheoni ngengirosi. Tinoerenga mazwi akhona muna Vatongi yechitanhatu ndima yegumi nerongomuna. Inoti, Enda neiri simba rako, newe unozoponesa Isuraeri kubva munyara dzevaMidhiani.. Kuronza kuti simba raia naGidheoni raiya rakatoperera. Ndiro raidiwa kuita mushando wakhona. Izvi ndizvo zvaiya zviri kuronza Mwari. Ndizvo zvouriwo iwewe nyamashi. Une zvakaperera kuita mushando waMwari. Una Kristu. Mwari vari kushanda mwouri. Kuronza kuti une zveshe zvinodiwa.

Unokona kudaidza vanhu. Uchiita kuti vauye kubva kumatii eshe edhorobha rako. Uchiita kuti vauye kuruponeso. Unovadaidza kudaro ngemikumbiro yako. Mwari vari kushanda mwouri. Saka vanhu ava vanozouya. Iwewe uri kujeka. Uri kujeka kunobaka. Uri kubaka ngemuriro weMweya Wakachena. Muriro uwowo ndiwo unounza vakawanda kunyika yaMwari. Nyara yaMwari iri pouri. Iri kushanda ngesimba gurutu. Saka nyasha dziri kututsira pouri. Simba rako riri kututsira. Uyezve uri kutsandura vanhu vakawanda.

Kumbira Weiti

Baba vendinoda. Simba renyu riri kushanda mwendiri. Riri kuita kuti ndiite mishando yakakura. Ndechiiita muUmambo hwenyu. Ndiri kujeka kunopisha. Ndinotenderusa vanhu. Pendiri ndipo panoonekwa simba renyu. Mweya wenyu uri kushanda mwendiri. Uri kushanda ngesimba gurutu. Muri kundishandisa kuunza vakawanda munyika yenyu. Ndinomubonga. Vhangeri riri kuguma kunyika dzeshe. Akuna chiri kurikonesa. Muzina raJesu. Ameni.

Dzimweni Ndima Dzinotsinhira Kufunda KwaNyamashi:
VaKorose 1 ndima 29
Vatongi 6 ndima 14 kusvika 16
Vaefeso 3 ndima 20

(Zvafundiswa izvi zvatorwa kubva mu:

Rhapsody of Realities (Ndau)
Rinonyorwa ndi:
Mufundisi Chris Oyakhilome DSc DD.
Munoriona pa: https://rhapsodylanguages.tniglobal.org/regions/
Zvimwe zvidzidzo munozviwana pa ndima https ndima //bit.ly/Shona_Church