Zvidhakwise NgeMweya Wakachena Zuwa Rimwe NgaRimwe

Chishanu, 25 Chikunguru 2025

*Tiri kuda kugumisa zvinofundiswa izvi kuvanhu veshe, pashi reshe.* Chipo chako chinokona kudetsera pamushando uyu. Unokona kuchitumira ngeEcoCash pa:: *151*2*6*58225# Mwari vakufumise


Vana vadoko, imwimwi munobva kunaMwari, mwakavanyisa; ngokuti uwo uri mukati mwenyu wakakura kupinda umwo uri munyika. (1 Johani 4 ndima 4).

Unosisira kugara uchikumbira mumweya. Uchizvidhakwisa ngeMweya Wakachena. Iyi ndiyo imweni yenjira yokuti ugare muiri wako uri mutano. VaRoma yechisere ndima yegumi neimwe inoti, Kudai Mweya wouwo wakamusa Jesu kubva kwevakafa wechigara mukati mwenyu, uwo wakamusa Kristu kubva kwevakafa unozoponesazve miiri yenyu inofa ngoMweya wake unogara mukati mwenyu. Kuronza kuti Mweya Wakachena vanomusa muiri wako wenyama. Vanougwinyisa. Vanouvandudza.

Ungaa uri kukumbira ngendimi. Mweya Wakachena vanenge vari kutoita kuti Izwi raMwari rishande mumweya wako apapo. Iwewe unozozviona waa kuhamba hamba. Uchiereketa weiti, Inini ndiri wedzinza raMwari. Ndakabarwa ndiMwari. Mukuru wakhona unogara mwendiri. Unowanikwa munhengo dzeshe dzomuiri wangu. Unowanikwa mumagodo angu eshe. Nomutsinga dzangu dzeshe. Wakadzara mumusoro mwangu. Nomunyara dzangu. Nomutsoka dzangu. Uri mumwoyo mwangu. Nomungazi yangu. Nomumaphaphu angu. Nomuitsvo dzangu. Nomumadziso angu. Mwari vakadzara mwendiri. Hareruya!

Ita izvi nyamashi. Uzviitewo mazuwa eshe. Ereketa ngendimi. Uerekete kudaro mipinimidzo yako iri pasimba raMwari. Simba iri rinenge riri kuhamba hamba nomuiri wako weshe. Wobva wochizoereketa weiti, Muiri wangu unogwinyiswa ngesimba reVamwari. Inini ndinogwinyiswa ngesimba raMweya Wakachena. Ndakatsanduka dzinza. Ndaa munhu wengazi yeVamwari. Ndizvo matenda aachakoni kugara mwendiri. Ndingazwa hangu kurwadziwa mumuiri wangu. Zvechiita sendabata denda. Asi andivhunduswi ndizvo. Zvinoronza Mwari ndizvo zvendinogonda ndizvo. Saka ndinonyisa nyika ino. Ndinonyisa zveshe zvendinoshongana nazvo. Hareruya!

Ita kuti Mweya Wakachena vashande mwouri ngenjira iyi. Uchiereketa ngendimi. Uchironza Izwi raMwari. Uchiita izvi mhera muiri wako waa kugwinha. Uchigwinhiswa kudaro ngesimba raMwari. Uchizwa simba raMwari rakakuputira. Unenge uri kutonasirisa zviro mumweya. Zviro zvingazoitika hazvo. Vamweni vangazobatwa havo ngematenda. Asi iwewe auzovhunduki. Unenge wasimbiswa ngeMweya Wakachena. Unenge wagwinyiswa ngeMweya Wakachena. Simba raMwari rinenge rakudzadza. Unenge waa kutonga masimba echidima. Zviro zvinenge zvaa kuhamba ngenjira younoronga iwewe.

Kumbira Weiti

Baba vendinoda. Ndinomubonga. Mweya Wakachena vanomusa muiri wangu wenyama. Vanodzadza muiri wangu ngesimba raMwari. Saka ndasimbiswa. Ndagwinyiswa. Ndadzara simba. Ndaa kugara ndiri mutano. Ndechitonga zviro zvomunyika muno. Ndechinyisa zveshe zvendinoshongana nazvo. Ndakadzara simba. Mwari vanoonekwa pendiri. Muzina raJesu. Ameni.

Dzimweni Ndima Dzinotsinhira Kufunda KwaNyamashi:
Mabasa 1 ndima 8
Vaefeso 5 ndima 18
Varoma 8 ndima 10 kusvika 11

(Zvafundiswa izvi zvatorwa kubva mu:

Rhapsody of Realities (Ndau)
Rinonyorwa ndi:
Mufundisi Chris Oyakhilome DSc DD.
Munoriona pa: https://rhapsodylanguages.tniglobal.org/regions/
Zvimweni zvinofundiswa munozviona pa: https://bit.ly/Shona_Church