Une Simba RoKuvaparadza Veshe

Mugubera, 27 Chikunguru 2024

*Tiri kuda kugumisa zvinofundiswa izvi kuvanhu veshe, pashi reshe.* Chipo chako kudetsera pamushando uyu. Unokona kuchituma neEcoCash pa: *151*2*6*58225# Mwari vakufumisei

Penyai, ndakamupa simba rokutsika nyoka nezvinyaada, nepadera pesimba reshe regaa; akuna nechiro nachimwe chinozomuremadza (Ruka 10 ndima 19).

Mambo Jesu ndivo vakaronza mazwi etabeura ndiwo. Vane amweni mazwi avaiya vakaronzazve. Tinoaerenga mundima yegumi nesere yakhona. Inoti, Ndakamuona Sathani echiwa kubva mudenga, akadai ngemheni. Apa ndipo pevakazoereketa mazwi etabeura ndiwo. Ndima iyi inoronza ngezve kuhamba padera pezviro. Izvi zvinoronzenyi? Zvinoronza kutsikira pashi. Zvinoronza kutsika tsika. Kuronza kuti unenge uri kutonga zviro izvi. Uchitonga gaa. Nezveshe zvingatsvaka kukushaishidzira.

Nduyo 44 ndima 5 inoti, Kubudikidza ndiwe tinorigira pashi magaa edu; ngezina rako tinozotsikirira pashi vanotimukira. Mazwi aya tinoaonazve munaNduyo 91 ndima 13. Inoti, Unozotsika padera pemhondoro nepebvumbi; unozotsika padera pemhondoro itsva nenyoka ngetsoka. Nduyo 108 ndima 13 inotiwo, NaMwari tinozoita ngoungwazi, ndiye unozotsikirira pashi magaa edu.

Isaya 14 ndima 24 ine zvimweni zveinotionesa. Zviro izvi zvinodakadza yaamho. Ngezvekuti isusu tine masimba etinawo. Aya masimba aMwari. Masimba etinoshandisa kunyisa Muasiria. Muasiria uyu ndiye kristu wekunyepa. Tinoerenga izvi muna Isaya 14 ndima 25. Inoti, Ndinozogura vaAsiria munyika mwangu; nepadera pemitunhu yangu ndinozomutsika-tsika pashi petsoka .Mambo ndivo soro rakhona. Isusu tiri muiri wakhona. Ndizvo tisu tsoka dzavo. Tisu wevanoshandisa kutsika Muasiria. Hareruya!

Ndima yetabeura ndiyo yaronza ngepadera penyoka. Yaronzawo ngepadera pezvinyaada. Ichi chibhende. Chinoronza ngepadera pevachengedzeri. Pamwepo nevapanduki. Izvi ndizvo zvetinoona muna Mateu 23 ndima 33. Apa Mambo Jesu vaiya vari kuereketa kuvatungamiriri veVaJudha. Vanhu ava vaiya vari vachengedzeri. Ndizvo Jesu vakati vanhu ava vaiya vari nyoka. Vakati vaiya vari vana venyoka.

Ezekieri 2 ndima 6 inoronzawo ngepadera pevapanduki. Ava vanhu vaiya vechipesana neIzwi raMwari. Inovati vaiya vari zvinyaada. Ndima yakhona inoti, kunyazwi vakadai ngemakato neminzwa zvakakutendenedza, newe unogara pakati pezvinyaada; usatya mazwi avo, nokuti kupera simba ngokuringirika kwavo, ngokuti imhatso inomukira.

Vakuru veVaJudha ava vaiya vakazvipira kurwisa vanhu vaMwari. Vanhu vanoronzwawo ndiEzekieri vaiya vakazvipira kurwisa vanhu vaMwari. Veshe vaiya vazvipira kurwisa Izwi raMwari. Vechipokana negwinyiso. Vechipona mumanyepo.

Asi tinobonga Mwari. Mambo vakatiita kuti tinyise vanhu veshe ava. Iwewe unonyisa masimba eshe egaa. Akuna chingakona kukuremadza. Mwari ngavairikidzwe!

Kumbira Weiti
Baba vendinoda. Ndinomubonga. Mune masimba emwakandipa. Aya masimba okunyisa Sathani. Pamwepo nemasimba eshe egaa. Ndinoshandisa masimba emwakandipa aya. Ndeiema saJesu. Ndeirwisa manyepo eshe aSathani. Pamwepo nemano mano ake. Nemishando yake yeshe. Ndinoshandisa gwinyiso reIzwi renyu pakupona kwangu. Ndizvo ndinonyisa nyamashi. Uyezve ndinogara ndeinyisa. Muzina raJesu. Ameni.

Dzimweni Ndima Dzinotsinhira Kufunda KwaNyamashi:
Ruka 10 ndima 19 AMPC
1 Johane 4 ndima 4
Marko 16 ndima 17

(Chidzidzo ichi chatorwa kubva mu ndima
Rhapsody of Realities (Ndau)
Rinonyorwa ndi:
Mufundisi Chris Oyakhilome DSc DD.
Mungoriwana pa: https://rhapsodylanguages.tniglobal.org/regions/
You can get other teachings on: https://bit.ly/Shona_Church