Mashoko Ako Mapenyu

Mugovera, 18 Gumiguru 2025

*Tiri kuda kusvitsa dzidziso iyi kuvanhu vose, pasi rose.* Chipo chako chinogona kubatsira pabasa iri. Unogona kuchituma neEcoCash pa: *151*2*6*58225# Mwari vakuropafadze

Mweya ndiwo unoraramisa. Nyama iyi haina chainacho. Mashoko andinotaura aya. Mweya. Uye hupenyu. Ndiwo anoraramisa (Johane 6 ndima 63).

Iwe une mashoko aunotaura. Mashoko aya haasi mashoko chete. Haaendi nemhepo. Anoramba aripo. Kuda une mashoko auri kubva kutaura. Mashoko aya haana kubva atsakatika. Achipo. Achimo mumweya. Haana kwaachaenda. Asi kuda ungada kuadzima. Unotofanira kutaura mamwe mashoko. Asi mashoko aya anofanira kunge achipesana nemashoko auri kudzima acho. Uye anofanira kunge aine simba rinodarika reauri kudzima acho. Mashoko zvinotova zvinhu. Ane simba. Uye anotovoneka mumweya.

Saka unofanira kungwarira zvaunotaura. Usataura zvausingadi kureva. Usataura zvausingadi kuti zviitike. Zvaunotaura ndizvo zvaunowana. Saka usataura zvisina kunaka. Ishe Jesu vakajekesa izvi. Tinoverenga mashoko avo muna Mariko yegumi neimwe ndima yemakumi maviri nenhatu. Inoti, Regai ndikuudzei chokwadi. Munhu angataura kugomo iro. Angariraira kuti risimuke pariri. Riwire mugungwa. Angataura izvi akagutsikana kuti zvichaitika saizvozvo. Zvaanenge ataura izvi ndizvo zvinozoitika.

Ndiko kusaka tisingafanirivo kutaura mashoko asina maturo. Ishe Jesu ndivo vakatiraira izvi. Tinoverenga mashoko avo muna Matiyo yegumi nembiri ndima yemakumi matatu netanhatu kusvika makumi matatu nenomwe. Inoti, Vanhu vangataura havo mashoko asina basa. Asi vachafanira kuapupurira. Vachaapupurira pazuva rekutongwa. Nokuti mashoko ako ndiwo anokupupurira. Ndiwo zvekare anokusungirira. Saka usataura mashoko asina maturo. Unozofanira kutsanangura kuti sei wakataura mashoko akadai.

Iwe wakasikwa wakafanana naMwari. Wakasikwavo uine hunhu hwaMwari. Zvino Tenzi vanoti mashoko avanotaura mweya. Uye anoraramisa zvinhu. Saka Tenzi vaisangotaura. Vaingwarira mashoko avo. Mashoko aIshe Jesu akasiyana nemashoko evanhu vose vose. Avo anoraramisa zvinhu. Ivo vakanga vari kutotitaridza nzira yekutaura nayo. Saka mashoko edu anofaniravo kuraramisa zvinhu.

Zvirevo yegumi nesere ndima yemakumi maviri neimwe inoti, Rurimi rune simba. Runogona kuuraya. Runogona kuraramisa. Vanorufarira vachawana zvinobuda maruri. Taura mashoko anoraramisa zvinhu. Ndiko kuti zvinhu zvako zvisafa. Taura mashoko anoraramisa mabasa ako. Taura mashoko anounza mari. Taura mashoko anoraramisa muviri wako wenyama. Taura mashoko anoraramisa vana vako. Taura mashoko anoraramisa zvinhu zviri pauri. Mashoko ako haafi. Unofanira kurangarira izvozvo. Anoramba aripo. Achingoshanda. Ndiwo anoronga gwara rehupenyu hwako. Ndiwo anoita kuti ubudirire. Ndiwo anoita kuti ukundikane zvekare.

Namata Uchiti
Baba vandinoda. Ndinokutendai. Mandidzidzisa kuti mashoko ane simba. Mashoko angu ane hupenyu. Ane simba. Anotaridza kuti ndinovimba naMwari. Ndinotaura zvandinoda kuvona. Ndinotaura mashoko anoraramisa muviri wangu wenyama. Ndinotaura mashoko anoita kuti mabasa angu abudirire. Ndinotaura mashoko anondiunzira mari. Ndinotaura mashoko anounza rugare. Ndinokutendai. Makaita kuti rurimi rwangu ruve muti wehupenyu. Muzita raJesu. Ameni.

Dzimwe Ndima Dzinotsigira Chidzidzo ChaNhasi
1 Petro 3 ndima 10
Mateo 12 ndima 36 kusvika 37 NIV
Jobo 22 ndima 28

(Chidzidzo ichi chatorwa kubva mu:
Rhapsody of Realities (Shona)
Rinonyorwa na:
Mufudzi Chris Oyakhilome DSc DD.
Munoriwana pa: https://rhapsodylanguages.tniglobal.org/regions/
Zvimwe zvidzidzo munozviwana pa: https://bit.ly/Shona_Church