Mazwi Ako Anopona

Mugubera, 18 Gumiguru 2025

*Tiri kuda kugumisa zvinofundiswa izvi kuvanhu veshe, pashi reshe.* Chipo chako chinokona kudetsera pamushando uyu. Unokona kuchitumira ngeEcoCash pa:: *151*2*6*58225# Mwari vakufumise

NdiMweya unopa kupona, nyama ainyuri chiro. Mazwi endakaereketa inini kwomuri ari mweya nokupona (Johani 6 ndima 63).

Iwewe une mazwi ounoronza. Mazwi aya aasiri mazwi zvega. Aaendi ngemhepo. Anoramba aripo. Dangani une mazwi ouri kubva kuronza. Mazwi aya aazi kubva atsakatika. Achiripo. Achirimwo mumweya. Aana kwaachaenda. Asi dangani ungada kuadzima. Unotosisira kuronza amweni mazwi. Asi mazwi aya anosisira kunge echipesana nemazwi ouri kudzima akhona. Uyezve anosisira kunge ane simba rinopinda reauri kudzima akhona. Mazwi anotoa zviro. Ane simba. Uyezve anotooneka mumweya.

Ndizvo unosisira kungwarira zvounoronza. Usareketa zvousikadi kuronza. Usareketa zvousikadi kuti zviitike. Zvounoronza ndizvo zvounowana. Ndizvo usareketa zvisikazi kunaka. Mambo Jesu vakajekesa izvi. Tinoerenga mazwi avo muna Marako yegumi naimwe ndima yemakumi mairi nechitatu. Inoti, Ngegwinyiso ndinoti kwomuri, kunyazwi ndiani unozoti kuneiri dunhu, Bvitwa, uposherwe muruandhle, asikagonondi mumwoyo mwake, asi echigonda kuti icho chaaronza chinozoitika, chinozoitika kwaari.

Ndiyo ndaa tisikasisiriwo kureketa mazwi asina shwiro. Mambo Jesu ndivo vakatipanga izvi. Tinoerenga mazwi avo muna Mateu yegumi nemairi ndima yemakumi matatu nechitanhatu kuguma makumi matatu nechinomwe. Inoti, Asi inini ndinoti kwomuri, mazwi eshe asina shwiro anozoereketwa ngevanhu, vanozobvunzisiswa ndiwo ngezuva rokutongwa. Ngokuti ngemazwi ako unozopembedzwa, zve ngemazwi ako unozopariswa ndaa. Ndizvo usareketa mazwi asina shwiro. Unozosisira kutsanangura kuti ngenyi wakaronza mazwi akadaro.

Iwewe wakasikwa wakatodzana naMwari. Wakasikwawo une hunhu hwaMwari. Hino Mambo vanoti mazwi ounoronza mweya. Uyezve anoraramisa zviro. Ndizvo Mambo vaisangoreketa. Vaingwarira mazwi avo. Mazwi aMambo Jesu akasiyana nemazwi evanhu veshe veshe. Avo anoraramisa zviro. Ivo vaiya vari kutotionesa njira yokuereketa ndiyo. Ndizvo mazwi edu anosisirawo kuraramisa zviro.

Mazwi Akangwara yegumi nechisere ndima yemakumi mairi naimwe inoti, Rufu nokupona zviri musimba rorurumi, navo vanoruda vanozodya michero yarwo. Ronza mazwi anoraramisa zviro. Ndikwo kuti zviro zvako zvisafa. Ronza mazwi anoraramisa mishando yako. Ronza mazwi anounza mare. Ronza mazwi anoraramisa muiri wako wenyama. Ronza mazwi anoraramisa vana vako. Ronza mazwi anoraramisa zviro zviri pouri. Mazwi ako aafi. Unosisira kukarakadza izvozvo. Anoramba aripo. Echingoshanda. Ndiwo anoronga gwara rokupona kwako. Ndiwo anoita kuti ubudirire. Ndiwo anoitazve kuti usabudirira.

Kumbira Weiti
Baba vendinoda. Ndinomubonga. Mwandidzidzisa kuti mazwi ane simba. Mazwi angu ane kupona. Ane simba. Anoonesa kuti ndinogonda ndiMwari. Ndinoronza zvendinoda kuona. Ndinoronza mazwi anoraramisa muiri wangu wenyama. Ndinoronza mazwi anoita kuti mishando yangu ibudirire. Ndinoronza mazwi anondiunzira mare. Ndinoronza mazwi anounza kunyarara. Ndinomubonga. Mwakaita kuti rurumi rwangu ruve muti wokupona. Muzina raJesu. Ameni.

Dzimweni Ndima Dzinotsinhira Kufunda KwaNyamashi:
1 Petro 3 ndima 10
Mateo 12 ndima 36 kusvika 37 NIV
Jobo 22 ndima 28

(Chidzidzo ichi chatorwa kubva mu:
Rhapsody of Realities (Ndau)
Rinonyorwa na:
Mufudzi Chris Oyakhilome DSc DD.
Munoriwana pa: https://rhapsodylanguages.tniglobal.org/regions/
Zvimwe zvidzidzo munozviwana pa: https://bit.ly/Shona_Church