Zwisisa Izwi RaMwari. Ndikwo Kuti Ukone Kurishandisa

Mugubera, 14 Gunyana 2024

*Tiri kuda kugumisa zvinofundiswa izvi kuvanhu veshe, pashi reshe.* Chipo chako kudetsera pamushando uyu. Unokona kuchituma neEcoCash pa: *151*2*6*58225# Mwari vakufumisei

A, imwimwi vasina kungwara, dzidzai ungwaru; neimwimwi mapenzi, dzidzai kuzwisisa (Mazwi Akangwara 8 ndima 5).

Isusu tinosisira kuzwisisa Izwi raMwari. Ndikwo kuti tikone kurishandisa pakupona kwedu. Mazwi Akangwara 4 ndima 7 inoti, Kuamba kwoungwaru ndikwo uku; Tora ungwaru, kunyazwi ngechirizve chounozotora, tora kuzwisisa. Kuzwisisa kwakakosha. Mambo Jesu vakatiziisa izvi. Tinoerenga mazwi avo muna Mateu 13 ndima 3 kuguma 8. Apa vane mufanikiso wevaiya vari kupa. Uyu waia mufanikiso womukushi.

Mukushi uyu wakaakusha mbeu dzake. Mbeu dzakhona dzakawira pakasiyana siyana. Dzimweni dzakawira parutii penjira. Shiri dzakabva dzarya mbeu idzi. Ndizvo mbeu idzi adzizi kutomboona mukana wokumera. Mambo Jesu vakabva vatsanangura vanhu vakaita serutii rwenjira. Vakati vanhu ava vanozwa havo Izwi raMwari. Asi avarizwisisi. Izvi ndizvo zvetinoona muna Mateu 13 ndima 19. Inoti, Apo munhu kunyazwi ngouri arizwa izwi roumambo, asikarizwisisi, naapo unouya uwo wakashata unovhomora izvo zvakakushwa mumwoyo mwake; uyu ndiye wakakushwa panjira.

Iwewe unosisira kuzwisisa Izwi raMwari. Ndikwo kuti ukone kurishandisa pakupona kwako. Pangaita rimweni Izwi raMwari. Iwewe ungasazwisisa Izwi iri. Azvizoiti kuti urishandise pakupona kwako.

Ndiyo ndaa techikurudzira vanhu kufunda zvidzidzo zveRhapsody. Vanosisira kuzvifunda zuwa rimwe ngarimwe. Zvidzidzo izvi zvinokudetsera kuzwisisa Izwi raMwari. Zvidzidzo izvi zvinobata Mazwi emuBhaibheri. Zvinobva zvatsanangura mazwi aya. Zvechiatsanangura zvinozwisisika. Zvechionesawo kuti mazwi aya anoitwa mashandisirwei mukupona. Izvi zvinoita kuti upone wakasunhurika. Uchidakarira zuwa rimwe ngarimwe.

2 Thimothi 2 ndima 15 inoti, Gwinya kudzipira kunaMwari uri unotendeka kwaari, mushandi usikatami kutsveruka, unoruramisa kubata izwi regwinyiso. Tsvaka kuzwisisa Izwi raMwari. Ndikwo kuti uzokona kurishandisa pakupona kwako. Unenge waa kugonda ngeIzwi iri. Uchizia kuti unokona kuemesa kupona kwako periri.

Kumbira Weiti
Baba vendinoda. Ndinomubonga. Munondipa mazano enyu. Izwi renyu ndiro rinondipa mazano aya. Munondidetsera kuzwisisa. Izwi renyu ndiro rinobeura mipinimidzo yangu. Ndinomubonga. Mwakandipa Mweya Wakachena. Mweya Wakachena ava vanondidetsera kuzwisisa zviro zvomweya. Pamwepo nezviro zvomunyika yenyu. Ndinomubonga. Mwakandipa mwoyo unokona kuzwisisa zviro. Ndizvo ndinozwisisa zviro zviri munyika yenyu. Ndechikona kuzvishandisa pakupona kwangu. Muzina raJesu. Ameni.

Dzimweni Ndima Dzinotsinhira Kufunda KwaNyamashi:
Mapisarema 119 ndima 130
Jemusi 1 ndima 22 kusvika 25
2 Timoti 2 ndima 15
Zvirevo 4:7

Chidzidzo ichi chatorwa kubva mu:
Rhapsody of Realities (Ndau)
Rinonyorwa ndi:
Mufundisi Chris Oyakhilome DSc DD.
Mungoriwana pa: https://rhapsodylanguages.tniglobal.org/regions/
Zvimweni zvinofundiswa munozviona pa: https://bit.ly/Shona_Church